የኢትዮጵያ አየር መንገድ የጦር መሳሪያ እያጓጓዘ ነው ?

ከሰሞኑን በተለያዩ የማህበራዊ መገናኛ ዘዴዎች የአፍሪካ ግዙፉ እና ግንባር ቀደሙ አየር መንገድ ወትግራይ እንዲሁም ወደሌሎች ቦታዎች መሳሪያ እያዘዋወረ ነው በሚል ስሙ ተነስቷል።

የኦሮሞ ነፃነት ግንባር (OLF) ይፋዊ የፌስቡክ ገፅም አየር መንገዱ ወደ መቐለ፣ ሃዋሳ፣ ኮምቦልቻ የጦር መሳሪያ እያዘዋወረ ነው ሲል በይፋ ፅፏል፤አየር መንገዱን ሎጅስቲክስ በማመላለስ የጦርነት ተሳታፊ እየሆነ ነው ሲል ከሷል።

ትላንት ምሽት የኢትዮጵያ አየር መንገድ ይፋዊ ምላሽ ሰጥቷል።

ሰሞኑን በተለያዩ የማህበራዊ ትስስር ገፆች የኢትዮጵያ አየር መንገድ የጦር መሳሪያ እያጓጓዘ እንደሆነ ተደርጎ የሚሰራጨው መረጃ የተሳሳተ እና ከእውነት የራቀ መሆኑን አስረድቷል።

በየትኛውም የሀገር ውስጥ ሆነ የውጪ በረራዎቹ ማንኛውንም አይነት የጦር መሳሪያ እንዳላጓጓዘ ገልጿል።

አየር መንገድ፥ "ምንም አይነት የጦር መሳሪያ ወደ የትኛውም የኢትዮጵያ ክፍል አላጓጓዝኩም፤ እንዳጓጉዝም አልተጠየኩም" ብሏል።

የኢትዮጵያ አየር መንገዱ አንጋፋና ፓን አፍሪካዊ አየር መንገድ መሆኑን ፣ ለአፍሪካውያን ማህበራዊና ኢኮኖሚያዊ እድገት በግንባር ቀደምነት ላለፉት 75 ዓመታት አህጉሩን ሲያገለግል መቆየቱን በዚህም አየር መንገዱ በአፍሪካ ብቻ ሳይሆን በተቀረው ዓለምም እጅግ የሚያኮራ ስም ማፍራቱን አንስቷል።

በኮቪድ ወረርሽኝ ወቅት በሰራው ስራም ከተለያዩ ሀገራት እና መሪዎች እውቅና ለማግኘት መብቃቱን አስታውሷል።

ነገር ግን "አንዳንድ ሀላፊነት የማይሰማቸው ግለስቦች" ሀሰተኛ እና በፎቶ ሾፕ የተቀናበሩ ምስሎችን በተለያዩ የማህበራዊ ሚዲያ ገፆች በማሰራጨት የአየር መንገዱን ስም እና ዝና ለማጠልሸት የሚያደርጉት ጥረት መኖሩን ደምበኞቹ እንዲገነዘቡ አሳውቋል።

@tikvahethiopia

"... በወገኖቻቸው ስቃይ የሚነግዱ አካላትን ታሪክ ይፋረዳቸዋል" - ብ/ጄኔራል አለማየሁ ወልዴ

በቤኒሻንጉል ጉሙዝ ክልል መተከል ዞን ከዳንጉርና ማንዱራ ወረዳዎች ተፈናቅለው " ቻግኒ መጠለያ " ጣቢያ የነበሩ ዜጎችን ወደቄያቸው የመመለስ ስራ መጀመሩ ተገለፀ።

ተፈናቃዮቹ ሲመለሱ የሚጠቀሙባቸው መሰረታዊ ፍላጎቶችና መሰረተ ልማቶች ቀደም ሲል መዘጋጀቱ ተገልጿል።

የም/ዕዝ ምክትል አዛዥና የመተከል ዞን የተቀናጀ ግብረ ኃይል ኮማንድ ፖስት አባል ብ/ጄኔራል አለማየሁ ወልዴ ፥ "የእነዚህን ወገኖች ደህንነት ለመጠበቅ ሠራዊቱ ሙሉ ዝግጅቱን አጠናቋል" ብለዋል።

ብርጋዴር ጄኔራል አለማየሁ ተፈናቅለው የነበሩት ወገኖች ወደቀዬአቸው ተመልሰው ሕይወታቸውን እንዲቀይሩ የማይፈልጉ አካላት መኖራቸውን የጠቆሙ ሲሆን "በወገኖቻቸው ስቃይ የሚነግዱ አካላትን ታሪክ ያፈረዳቸዋል" ሲሉ ተናግረዋል።

የአገር መከላከያ ሠራዊትና ሌሎች የጸጥታ አካላት ለደህንነታቸው ሙሉ ጥበቃ እንደሚያደርጉላቸው አረጋግጠዋል።

መረጃው የኢዜአ ነው።

@tikvahethiopia

* 2 የችሎት ጉዳዮች !

#አዲስ_አበባ

የቀድሞ የኢትዮጵያ መከላከያ ሰራዊት ጠ/ኤታማዦር ሹም ጄነራል ሰዓረ መኮንንና ሜጀር ጄነራል ገዛኢ አበራን በመግደል በፍ/ቤት ጥፋተኛ የተባለው አስር አለቃ መሳፍንት ጥጋቡ በሞት እንዲቀጣ ጠይቋል።

የፌደራል ጠቅላይ ዐቃቤ ህግ ዛሬ አርብ ጥያቄውን ያቀረበው የአስር አለቃ መሳፍንትን የክስ ሂደት ለሚመለከተው የፌደራል ከፍተኛ ፍርድ ቤት ነው። 

ዐቃቤ ህግ ዛሬ ለፍርድ ቤቱ ባቀረበው ባለ 3 ገጽ የቅጣት አስተያየት፤ በተከሳሹ ላይ ሶስት የቅጣት ማክበጃዎችን ጠቅሷል።

የተከሳሽ ጠበቆች ፥ ተከሳሽ ከዚህ በፊት የወንጀል ሪከርድ የለበትም ብለዋል። ዐቃቤ ህግ “አንድም [የወንጀል] ሪከርድ ሳያቀርብ የሞት ፍርድ መጠየቁ ከህጉ ያፈነገጠ ነው” ሲሉ የአቃቤ ህግን የቅጣት አስተያየት ተቃውመዋል። 

ፍርድ ቤቱ የቅጣት ውሳኔ ለመስጠት ለሰኔ 21 /2013 ተለዋጭ ቀጠሮ ሰጥቷል።

በዝርዝር ያንብቡ : telegra.ph/Ethiopia-Insider-06-18

#ባህርዳር

ዛሬ አርብ ማለዳ የባሕር ዳርና አካባቢዋ ከፍተኛ ፍ/ቤት የዋለው ችሎት በሰኔ 15ቱ የአማራ ክልል ከፍተኛ አመራሮች ግድያ እጃቸው አለበት የተባሉ 55 ተከሳሾች ላይ ብይን ሰጥቷል።

ፍርድ ቤቱ በሻምበል መማር ጌትነት የክስ መዝገብ ስማቸው የተዘረዘሩ 55 ተከሳሾች ውስጥ 6ቱ በሌሉበት፣ 49 በተገኙበት ፍርዳቸው ሲታይ የነበረ ሲሆን ዛሬ ፍርድ ቤቱ 20ዎቹን በነጸ አሰናብቷል።

በነጻ እንዲሰናበቱ ከተበየነላቸው ተከሳሾች መካከል አቶ ዘመነ ካሴ ይገኙበታል።

በዝርዝር ያንብቡ : telegra.ph/BBC-06-18-2

መረጃዎቹ ከኢትዮጵያ ኢንሳይደር እና ከቢቢሲ የተውጣቱ ናቸው።

@tikvahethiopi

#Israel #Palestine

እስራኤል ለፍልሥጤም በቅርቡ ጊዜው የሚያበቃ አንድ ሚሊዮን ዶዝ ፋይዘር የኮቪድ-19 ክትባት ልትሰጥ ነው።

ዛሬ ይፋ በሆነው ስምምነት እስራኤል 1 ሚሊዮን የኮቪድ - 19 ክትባት ለፍልስጤም ትልካለች። ፍልስጤም በተመድ በሚደገፈው ፕሮግራም ክትባት ለሚያስፈልጋቸው ሀገራት ክትባት ሲላክላት አንድ ሚሊዮን ዶዝ ክትባቱን ለእስራኤል ትመልሳለች ተብሏል።

እስራኤል 85% ጎልማሳ ዜጎቿን የኮቪድ-19 ክትባት የከተበች ሲሆን በዌስት ባንክ እና ጋዛ ለሚገኙ 4.5 ሚሊዮን ፍልስጤማውያን ክትባት አላካፈለችም በሚል ስትተች ነበር።

ዛሬ ይፋ የሆነው ክትባት የመላክ ስምምነት በአዲሱ ጠቅላይ ሚኒስትር ናፍታሊ ቤንት በሚመራው መንግስት የተደረሰ እንደሆነ ተገልጿል ፤ እስካሁን ግን ከፍልስጤም ባለስልጣናት ምንም የተባለ ነገር የለም።

በዓለማችን ካሉ ሀገራት የኮቪድ-19 ወረርሽኝ በመከላከል ረገድ ከፍተኛ ስራ የሰራችው እስራኤል ዜጎቿን በመከተቡ ረገድም አመርቂ ስራን ሰርታለች ፤ በዚህ ሳምንት የሀገሪቱ ባለስልጣናት ቀሪ ነበር የተባለውን የመጨረሻ ገደብ በህዝብ መካከል ማስክ የማድረግ ገደብ እንዳነሱ ታውቋል።

@tikvahethiopia

የኢትዮጵያን ያስቆጣው የሀርቪስቶ አስተያየት :

ከ3 ቀን በፊት የፊንላንድ ውጭ ጉዳይ ሚኒስትር ፔካ ሃቪስቶ ለአውሮፓ ፓርላማ በኢትዮጵያ ያለውን ወቅታዊ ሁኔታ በተመለከተ ሪፖርት አቅርበው ነበር።

በዚህ ሪፖርታቸው ላይ ስለ #ትግራይ ጉዳይ የተናገሩ ሲሆን በይበልጥ ግን የብዙሃን መነገሪያ የሆነው ከኢትዮጵያ ባለስልጣናት ጋር በነበረኝ ቆይታ፥ "የኢትዮጵያ ባለስልጣናት #የትግራይ_ተወላጆችን_ለማጥፋት እንደሚፈልጉ /ታጋሩዎችን ለ100 ዓመታት ማጥፋት እንደሚፈልጉ ነግረውኛል" ብለው የተናገሩት ነው።

የትኛው የኢትዮጵያ ባለስልጣን ይህን እንዳለ / ሲናገር እንደሰሙት ግን በስም ገልፀው ሲናገሩ አልታዩም።

ሀርቪስቶ የአውሮፓ ህብረትን በመወከል ለጥቂት ቀን በኢትዮጵያ ቆይታ አድርገው እንደነበር አይረሳም።

ፔካ ሀርቪስቶ ከቀናት በፊት ያቀረቡት አጠቃላይ ሪፖርት ኢትዮጵያን ክፉኛ አስቆጥቷል።

ውጭ ጉዳይ ሚኒስቴር ጉዳዩን በተመለከተ ዛሬ ባወጣው መግለጫ ሀርቪስቶ ያቀረቡት ሪፖርት ኃላፊነት የጎደለው፣ መሰረት የሌለው፣ ዲፕሎማሲያዊ መንገዶችን ያልተከተለና ከቅኝ ገዢነት የመነጨ ነው ብሎታል።

ሚኒስቴሩ “ፔካ ሃቪስቶ መንግስት እያከናወነ ያለውን ስራ የሚያጣጥል እና በሐሰተኛ መረጃዎች የተመሰረቱ ሪፖርቶችን፣ ውሸቶችን በማቅረብ ተገቢ ያልሆኑ ጣልቃ ገብነቶች እንዲኖሩ አድርጓል” ብሏል።

በተጨማሪ የውጭ ጉዳይ ሚኒስቴር ፥ ፔካ ሃቪስቶ ከጠ/ሚር ዐቢይ አህመድ፣ከፕሬዚዳንት ሣህለወርቅ ዘውዴ፣ ከም/ ጠቅላይ ሚኒስትር እና ከውጭ ጉዳይ ሚኒስትር ደመቀ መኮንን በአገሪቱ ወቅታዊ ጉዳዮች ዙሪያ ውይይት ማድረጋቸውን አውስቶ፤ የቀረበው ሪፖርት ግን ሃሰተኛና የተካሄዱ ሰፋፊ ውይይቶችን ያላካተተ መሆኑን ተገልጿል።

* የፔካ ሀርቪስቶ ሪፖርት ፥ የውጭ ጉዳይ ሚኒስቴር መግለጫ ከላይ ተያይዟል።

@tikvahethiopia

#አዲስ_አበባ

የአዲስ አበባ ፖሊስ ላለፉት ዓመታት ሲጠቀምበት የነበረውን ፖሊሳዊ የደንብ ልብስ እና ዓርማ መቀየሩን ምክንያት በማድረግ የማብሰሪያ መርሀ-ግብር ማዘጋጀቱን ዛሬ አስታውቋል።

ይህ መርሀግብር ነገ ቅዳሜ ሰኔ 12/2013 ዓ/ም በመስቀል አደባባይ ነው ይካሄዳል የተባለው።

በዚህ ምክንያት ከማለዳው 12 ሰዓት ጀምሮ እስከ ቀኑ 6 ሰዓት ድረስ የተወሰኑ መንገዶች ለትራፊክ ዝግ ይሆናሉ ተብሏል።

በዚህም መሰረት ፦

• ከኡራኤል ወደ መስቀል አደባባይ
• ከኦሎምፒያ ወደ መስቀል አደባባይ
• ከ4ኛ ክፍለ ጦር/ጥላሁን አደባባይ ወደ መስቀል አደባባይ
• ከሀራምቤ ሆቴል ወደ መስቀል አደባባይ
• ከለገሃር ወደ መስቀል አደባባይ
• ከብሄራዊ ቤተ መንግስት ወደ መስቀል አደባባይ የሚወስዱ እና በተጠቀሱት አካባቢዎች የሚገኙ መጋቢ የውስጥ ለውስጥ መንገዶች ለተሽከርካሪ ዝግ ይሆናሉ።

አሽከርካሪዎች ይህን አውቀው አማራጭ መንገዶችን እንዲጠቀሙ ተብሏል።

መረጃውን ከአዲስ አበባ ፖሊስ ነው ያገኘነው።

@tikvahethiopia