ዛሬ አ/አ መርካቶ "ሚሊቴሪ ተራ" አካባቢ በደረሰ የእሣት አደጋ ንብረት ወደመ።

የአዲስ አበባ የእሳት አደጋና ስጋት ስራ አመራር ኮሚሽን እንዳሳወቀው ሚሊቴሪ ተራ አካባቢ በደረሰው የእሣት አደጋ ከ50,000 ብር በላይ የሚገመት ንብረት ወድሟል።

በእሣት አደጋው ምክንያት በሰው ላይ የደረሰ ጉዳት የለም።

አደጋው በንግድ ሱቆች ላይ የደረሰ ሲሆን ቃጠሎ መንስኤ የኤሌክትሪክ ኮንታክት መሆኑ ተገልጿል።

በተደረገው ርብርብ ከ50 ሚሊዮን ብር በላይ የሚያወጣ ንብረት ማትረፍ ተችሏል።

እሳቱን ለመቆጣጠር 39 የአደጋ ጊዜ ሠራተኞች መሳተፋቸውንና 30 ሺህ ሊትር ውሃ ጥቅም ላይ መዋሉን የአዲስ አበባ የእሳት አደጋና ስጋት ስራ አመራር ኮሚሽን ለኢዜአ ገልጿል።

@tikvahethiopia

ዛሬ ጠቅላይ ሚኒስትር ዶ/ር ዐቢይ አህመድ በካፋ ዞን የውሽውሽ ሻይ ልማት የስራ እንቅስቃሴን ጎብኝተዋል።

በጉብኝቱ ምክትል ጠቅላይ ሚኒስትር እና የውጭ ጉዳይ ሚኒስትር አቶ ደመቀ መኮንን፣ የህዝብ ተወካዮች ምክር ቤት አፈ ጉባኤ አቶ ታገሰ ጫፎ ጨምሮ ከፍተኛ የፌደራል፣ የክልል እንዲሁም የዞን የመንግስት የስራ ሀላፊዎች ተሳትፈዋል፡፡

ጠቅላይ ሚኒስትር ዶ/ር ዐቢይ አህመድ ና ሌሎች እንግዶች ወደ ሚዛን በሚሄዱበት ጊዜ የዞኑ ህዝብ ደማቅ አሸኛኘት እንዳደረገላቸው የካፋ ዞን መንግሥት ኮሙዩኒኬሽን ጉዳዮች መምሪያ አሳውቆናል።

@tikvahethiopia

#Mekelle

በመቐለ 400 ኩንታል የእርዳታ እህል ወደ ግለሰብ መጋዘን ሲራገፍ ተያዘ።

የእርዳታ እህሉ መነሻውን ከጅቡቲ አድርጎ በቀጥታ መቐለ አዋሽ ተብሎ ከሚጠራው መጋዘን መራገፍ ሲኖርበት በ2 ግለሰብ መጋዘኖች ሲራገፍ በህብረተሰቡ ጥቆማ ተይዟል፡፡

ከእርዳታ እህሉ ጋር የተሽከርካሪው ሹፌርና ረዳቱን ጨምሮ የመጋዘኑ ባለቤቶች በቁጥጥር ስር ውለው ምርመራ እየተደረገባቸው ነው ተብሏል።

በመቐለ ሰሜን ክፍለ ከተማ ላጨ ተብሎ በሚጠራው አካባቢ በሁለት መጋዘኖች ሲራገፍ የተያዘው የእርዳታ እህል ትናንት ማምሻውን የገባ ነው፡፡

በትግራይ ክልል ከሳምንት በፊት በወጣ አንድ ሪፖርት ባለፉት ጥቂት ወራት ከ4 ሺ 400 በላይ የእርዳታ ስንዴ ለመሸጥ ሲንቀሳቀሱ የነበሩ ግለሰቦች በቁጥጥር ስር እንደዋሉ መገለፁን ኤፍ ቢ ሲ አስነብቧል።

@tikvahethiopia

"... ታላቁ የግብፅ ኢማም የታላቁ ህዳሴ ግድብን በሚመለከት የሰጡት መግለጫ የኢትዮጵያን ሀቅ ያልተመለከተ እና እውነት የጐደለው ነው"- ቀዳማዊ ሙፍቲ ሀጂ ኡመር እድሪስ

የግብፁ አለማቀፋዊ እስልምና ተቋም ታላቅ ኢማም የሆኑት ሼክ አልሃዛር - አህመድ ጦይብ የህዳሴ ግድብን በሚመለከት ኢትዮጵያ ወንዙን በብቸኝነት በመጠቀም ሌሎች ሀገራት ላይ ጉዳት ለማድረስ እየሰራች መሆኑን መናገራቸው ከእውነት የራቀና ተቀባይነት የሌለው ነው ሲሉ የኢትዮጵያ እስልምና ጉዳዮች ጠቅላይ ም/ቤት ፕሬዝዳንት ተቀዳሚ ሙፍቲ ሀጂ ኡመር እድሪስ ተናገሩ።

ከሰሞኑን አልአዝሀር ኢንስቲትዩት ኢትዮጵያ እየገነባችው ያለው የህዳሴ ግድብ ትክክል አይደለም፤ ወንዙ የሁላችንም በመሆኑ ሁሉም ሰው ሊቃወመው ይገባል ፤ ግድቡ ግብጽ እና ሱዳን ታሪካዊ የውሃ ድርሻ የሚጎዳ በመሆኑ አረቦች እና ሙስሊሞች ሁሉ እንዲቃወሙት ሲል ጥሪ አቅርቦ ነበር።

ዛሬ መግለጫ የሰጡት የኢትዮጵያ እስልምና ጉዳዮች ጠቅላይ ም/ቤት ፕሬዝዳንት መግለጫውን "የኢትዮጵያን ሀቅ ያልተመለከተ ነው" ሲሉ ውድቅ አድርገውታል።

ኢትዮጵያ ሁሌም ቢሆን ውሃውን በፍትሃዊነት እንጠቀም የሚል አቋምን ስትገልፅ ከርማለች ያሉት የጠቅላይ ም/ቤቱ ፕሬዚዳንት፣ ግብፅ እና ሱዳንም ይሄንን እውነት ይዘው ወደ ሰላማዊ ድርድር እንዲመጡም ጥሪ አቅርበዋል።

የጠቅላይ ም/ቤቱ ፕሬዚዳንት ፥ የአባይ ውሃ ምንጩም ሆነ ተፈሳሱም አፍሪካ ምድር በመሆኑም መፍትሄውም እዚሁ ነው ሲሉ ተናግረዋል።

መረጃው የውጭ ጉዳይ ሚኒስቴር እና አል ዓይን ነው።

@tikvagethiopia

#EMA

የብልፅግና ፓርቲ ፕሬዝዳንትና የኢትዮጵያ ጠ/ሚ ዶ/ር ዐቢይ አህመድ ለሚዲያዎች የሰጡት ቃለምልልስ ከምርጫ በፊት እንዳይሰራጭ የኢትዮጵያ መገናኛ ብዙሃን ባለስልጣን አሳሰበ።

ቃለምልልሱ በዚህ በጥሞና ወቅት መተላለፍ የለበትም ብሏል ባለስልጣን መስሪያ ቤቱ።

የባለስልጣኑ ዋና ዳይሬክተር አቶ መሀመድ እድሪስ ለኢዜአ በሰጡት ቃል ፥ ምንም እንኳን ቃለ መጠይቁ የመንግስት የስራ ክንውኖች ላይ ያተኮረና የምርጫ ቅስቀሳ እንዳልሆነ ቢታወቅም በዚህ ጥሞና ወቅት ሊተላለፍ አይገባም ብለዋል።

የቃለ መጠይቁ መተላለፍ ብዥታ እንዳይፈጥር ሲባል ከምርጫው በፊት መተላለፍ እንደሌለበት አቶ መሀመድ አስታውቀዋል።

በተጨማሪም ቃለ መጠይቁ እንዳይተላለፍ የተፈለገው መንግስት በዚህ ዓመት የተሻለ ምርጫ እንዲካሄድና ፍትሀዊ እንዲሆን ፍላጎት ስላለው መሆኑን ተናግረዋል።

ስለዚህ ቃለ መጠይቁን ለማስተላለፍ ማስታወቂያ እየሰሩ ያሉ መገናኛ ብዙሃንም ሆኑ ለማስተላለፍ የተዘጋጁ ከወዲሁ #እንዲያቆሙ አሳስበዋል።

በተመሳሳይ የማሕበራዊ ሚዲያዎችን በመጠቀም የምርጫ ቅስቀሳ የሚመስሉ መልዕክቶችን እያስተላለፉ ያሉ አካላትም ከድርጊታቸው መታቀብ አለባቸው ብለዋል።

መገናኛ ብዙሃንም ቢሆኑ የምርጫ ቅስቀሳ ወቅት በመጠናቀቁ ቅስቀሳ መሰል ዘገባዎችን ከማስተላለፍ ሊጠነቀቁ ይገባል ሲሉ ማሳሰባቸውን ከኢዜአ ያገኘነው መረጃ ይገልፃል።

@tikvahethiopia

በሳዑዲ አረቢያ የሚገኙ ዜጎቻችን ጉዳይ ፦

ኢትዮጵያ ሳዑዲ አረቢያ የሚገኙ እና በችግር ላይ ያሉ ዜጎቿን በተለያየ ጊዜ ስትመልስ መቆየቷ ይታወቃል።

ነገር ግን አሁንም በርካታ ዜጎች በሳዑዲ እርስ ቤቶች ውስጥ ታጉረው እንደሚገኙ፣ በርካቶችም በችግር ውስጥ ሆነው ወደሀገራችን መልሱን እያሉ ድምፃቸውን እያሰሙ ይገኛሉ።

በችግር ውስጥ የሚገኙ ዜጎች የተለያዩ የመገናኛ ዜዴዎች በመጠቅም ስላሉበት የከፋ ሁኔታ እየገለፁ ነው።

ከሰሞኑን ደግሞ የሳዑዲ አረቢያ ፀጥታ ኃይል የሚሰራው ስራ በርካታ ዜጎቻችን የሰቀቅን ኑሮን እንዲገፉ ፣ በርካቶችንም ለስቃይ ፣ ለዘረፋ ፣ ለሰብዓዊ መብት ጥሰት እንዳጋለጣቸው ሰምተናል።

አሁን አመሻሹን በሪያድ የሚገኘው የኢትዮጵያ ኤምባሲ ባሰራጨው መልዕክት ፥ በሳዑዲ አረቢያ የሚኖሩ ኢትዮጵያውያን ዜጎችን ወደ አገር የመመለስ ጉዳይ መንግስትን ሲያሳስብ የነበረና መንግስት የዜጎች ችግር መፍትሄ እንዲያገኝ ከሳዑዲ አረቢያ መንግስት ጋር በጉዳዩ ላይ ሲመክር መቆየቱን ገልጿል።

ኤምባሲው የዜጎች ጥያቄ እልባት እንዲያገኝ ከሚመለከታቸው የሳዑዲ አረቢያ መንግስት እና የኢፌዲሪ መንግስት መስሪያ ቤቶች ጋር ጉዳዪ አፋጣኝ መፍትሄ እንዲሰጠው የበኩሉን ጥረት ሲያደርግ መቆየቱን አስታውሷል።

በዚህም መሰረት ፦
(1)--በእስር ቤት ያሉ እና
(2)--የመኖሪያ ፍቃድ የሌላቸው ወደ አገር መመለስ ፈልገው በተለያዩ ምክንያቶች ወደ አገር መመለስ ያልቻሉ ዜጎቻችን በጥቂት ሳምንታት ውስጥ ወደ አገር የመመለስ ስራ ይጀመራል ብሏል።

በሳዑዲያ አረቢያ የሚገኙ ዜጎቻችንም ኤምባሲው ቃሉን አክብሮ ወደእናት ሀገራቸው እንዲመለሱ እንዲያደርጋቸው ባገኙት መገናኛ ዘዴ ጥሪ እያቀረቡ ነው።

@tikvahethiopia