#ምርጫ2013

ምርጫ ቦርድ ለግል እጩ ተወዳዳሪዎች 50 ሺህ ብር ድጋፍ ለማድረግ ወሰነ።

የኢትዮጵያ ብሄራዊ ምርጫ ቦርድ ከግል እጩ ተወዳዳሪዎች ጋር በተለያየ ግዜ ባደረገው ምክክር መሰረት ቦርዱ የግል እጩ ተወዳዳሪዎች የገንዘብ ድጋፍ እንደሚያስፈልጋቸው አምኖበት ለእያንዳንዳቸው የ50 ሺህ ብር ድጋፍ ለመስጠት መወሰኑን ዛሬ አሳውቋል።

በምርጫ ቦርድ በግል እጩ ተወዳዳሪነት እውቅና አግኝተው ለ6ኛው ሀገራዊ ምርጫ የሚወዳደሩ በሙሉ ፦
- ሙሉ ስማቸውን፣
- አድራሻችሁን (ስልክ ቁጥራችሁን፣ ኢሜል)
- የባንክ አካውንታቸውን ለቦርዱ ፖለቲካ ፓርቲዎች ስራ ክፍል በአካል ወይም በ politicalparties@nebe.org.et ኢሜል አድራሻ ወይም በስልክ ቁጥሮች +251913551505/ +251929289444 የዋትስ አፕ እና ቴሌግራም እንዲልኩ መልዕክት አስተላልፋል።

@tikvahethioia

#UN

ትግራይ ክልል ውስጥ በተካሄደው ጦርነት ውስጥ ተሳታፊ የሆኑት የኤርትራ ወታደሮች "በቅርቡ" እንደሚወጡ በተባበሩት መንግሥታት (UN) የኢትዮጵያ አምባሳደር ታዬ አፅቀሥላሴ ተናገሩ።

አምባሳደሩ "በቅርቡ" ይበሉ እንጂ ትክክለኛውን ቀን አልጠቀሱም።

አምባሳደር ታዬ አጽቀ ሥላሴ የኤርትራ ወታደሮች ከኢትዮጵያ ግዛት ለመውጣት የቀራቸው "አንዳንድ ቴክኒካዊና የአፈጻጸም ጉዳዮች ናቸው" ብለዋል።

የኤርትራ ወታደሮች ከትግራይ ክልል እንዲወጡ ከኢትዮጵያ መንግሥት በኩል ቁርጠኝነት እንዳለና "በኤርትራውያኑ በኩልም ሁሉ ነገር ግልጽ" ነው ሲሉ ተናግረዋል።

አምባሳደሩ ይህንን የገለጹት የተመድ የሰብአዊ ጉዳዮች ኃላፊ ማርክ ሎውኮክ በጸጥታው ምክር ቤት ቀርበው "ግጭቱ እንዲቆም ተደርጎ የኤርትራ ወታደሮች ካልወጡ የ1977 አይነቱ የከፋ ረሃብ ተመልሶ ቢከሰት ማንም መደነቅ የለበትም" ብለው ከተናገሩ በኋላ መሆኑን #ቢቢሲ ሮይተርስን እና APን ዋቢ አድርጎ ዘግቧል።

በተጨማሪ አምባሳደር ታዬ ፦

- የኢትዮጵያ መንግስት በትግራይ ክልል ሰብዓዊ ሁኔታ መሻሻል ያለውን ቁርጠኝነት፤
- ስለሰብዓዊ ድጋፍ ሁኔታ፤
- በትግራይ ተፈፅሟል ስለተባሉ የሰብዓዊ መብት ጥሰቶች ጋር በተያያዘ እየተደረገ ስላለው ምርመራ ማብራሪያ ሰጥተዋል።

Video Credit : United Nations

@tikvahethiopia

#ምርጫ2013

ጠ/ሚ ዐቢይ አህመድ : "...መላው ዓለም በምርጫ ቀን ይጋጫሉ ሲለን እኛ ደግሞ እናስተምራቸዋለን”

የኢትዮጵያ ጠ/ሚ ዶ/ር ዐቢይ አህመድ ዛሬ በምርጫ ቅስቀሳ የመጨረሻ ቀን በጅማ ከተማ በነበረ ዝግጅት ፥ "መላው ዓለም በምርጫ ቀን ይጋጫሉ ሲለን እኛ ደግሞ እናስተምራቸዋለን” ሲሉ ተደምጠዋል።

ጠ/ሚኒስትሩ በምርጫው ዕለት መራጮች ድምጽ ከመስጠት ጎን ለጎን ዛፍ በመትከል ለዓለም ትምህርት የሚሆን ተግባር እንዲያከናውኑ መልዕክት አስተላልፈዋል።

በጅማ ዩኒቨርስቲ ስቴድየም በ10 ሺህዎች የሚቆጠሩ ደጋፊዎቻችው ተገኝተው ነበር።

ጠ/ሚኒስትሩ በሰኔ 14ቱ ምርጫ ከሚፎካከሩ ኃይሎች መካከል “ኢትዮጵያን የሚወዱ፣ ኢትዮጵያን ማገልገል የሚፈልጉ፣ የኢትዮጵያ አንድነትን እና ነጻነትን የሚያከብሩ” ላሏቸው ተወዳዳሪዎች መልካም ዕድል እንዲገጥማቸው ተመኝተዋል።

ጠ/ሚር አብይ ዛሬ ባሰሙት ንግግር እምብዛም የምርጫን ጉዳይ አላነሱም።

በተለያዩ ቦታዎች በሚካሄዱ መርሃ ግብሮች ላይ በተደጋጋሚ ጊዜ ሲናገሩ የተደመጡትን “የውጭ ሃይሎች ጣልቃ ገብነትን” ጉዳይም አልጠቀሱም።

እርሳቸው በንግግራቸው ጉዳዩን ባያነኩትም የጅማውን የስቴድየም መርሃ ግብር ይመሩ የነበሩ መድረክ መሪዎች እና ዘፋኞች ግን አሜሪካንን ጭምር በስም በመጥቀስ ከድርጊታቸው እንዲቆጠቡ መፈክር ቀመስ መልዕክቶች ሲያስተላልፉ ተደምጠዋል።

በስቴድየም በተሰበሰበው ህዝብ ከፍተኛ ድጋፍ የተደመሙ የመሰሉት ጠ/ሚ ዶ/ር ዐቢይ አህመድ ፤ የስቴድየሙን ግማሽ በሩጫ በመዞር ምስጋናቸውን አቅርበዋል።

መረጃው የኢትዮጵያ ኢንሳይደር ነው።

Video Credit : ጋዜጠኛ ተስፋአለም ወልደየስ

@tikvahethiopia

#Update

የደቡብ ምዕራብ ህዝበ-ውሳኔ ጳጉሜ 1 እንደሚካሄድ ቦርዱ ዳግም ገልጿል።

የኢትዮጵያ ብሔራዊ ምርጫ ቦርድ ዛሬ እየሰጠ በሚገኘው መግለጫ የደቡብ ምዕራብ ህዝበ-ውሳኔ ጳጉሜ 1 ቀን 2013 ዓ.ም እንደሚካሄድ ዳግም ገልጿል።

የቦርዱ ኮሚኒኬሽን ኃላፊ የሆኑት ወ/ሪት ሶሊያና ሽመልስ ቦርዱ ከዚህ ቀደም ከወሰነው ውሳኔ የተለየ ውሳኔ አለመኖሩን ነው የገለጹት።

#TikvahFamily

@tikvahethiopia

 #ምርጫ2013

ለ6ተኛው አጠቃላይ ምርጫ ድምፅ የሚሰጥባቸው የምርጫ ክልሎች ውስጥ የሚገኙ እጩዎች ዝርዝር በየክልሎቹ  እና ከተማ መስተዳድሮቹ ከላይ ተያይዟል።

PDF ፋይሉን ስትከፍቱን ቅደም ተከተሉ በዚህ መልኩ ያለ ነው ፦

- አዲስ አበባ ከተማ : የተወካዮች ም/ቤት እጩዎችና ም/ቤት እጩዎች

- አፋር: የተወካዮች ም/ቤት እጩዎችና የክልል ም/ቤት እጩዎች

- አማራ: የተወካዮች ም/ቤት እጩዎችና የክልል ም/ቤት እጩዎች

- ቤንሻንጉል ጉሙዝ: የተወካዮች ም/ቤት እጩዎችና የክልል ም/ቤት እጩዎች

- ድሬዳዋ ከተማ: የተወካዮች ም/ቤት እጩዎችና ም/ቤት እጩዎች

- ጋምቤላ: የተወካዮች ም/ቤት እጩዎችና የክልል ም/ቤት እጩዎች

- ኦሮሚያ : የተወካዮች ም/ቤት እጩዎችና የክልል ም/ቤት እጩዎች

- ሲዳማ: የተወካዮች ም/ቤት እጩዎችና የክልል ም/ቤት እጩዎች

- ደቡብ ብሔሮች ብሔረሠቦች እና ህዝቦች: የተወካዮች ም/ቤት እጩዎችና የክልል ም/ቤት እጩዎች

(ሁሉንም የተመዘገቡ እጩዎች የያዘው PDF ፋይል 9.4 MB ነው)

@tikvahethiopia

የ24 ሰዓት የኮቪድ ሪፖርት :

• የላብራቶሪ ምርመራ - 5,237
• ቫይረሱ የተገኘባቸው - 121
• ህይወታቸው ያለፈ - 3
• ከበሽታው ያገገሙ 571

አጠቃላይ ቫይረሱ የተገኘባቸው ሰዎች 274,601 የደረሱ ሲሆን ከእነዚህም መካከል 4,260 ህይወታቸው ሲያልፍ 252,451 ሰዎች አገግመዋል። ክትባት የተከተቡ ዜጎች 1,962,486 ደርሰዋል።

@tikvahethiopia

#ምርጫ2013

ማስታወሻ ፦

ከነገ ሀሙስ ጀምሮ ምንም አይነት የምርጫ ቅስቀሳ ማድረግ አይቻልም።

- ሁሙስ
- አርብ
- ቅዳሜ
- እሁድ ፓርቲዎች የምርጫ ቅስቀሳ ማድረግ አይችሉም።

ይህ ማለት፦ ፓርቲዎች ማንኛውም አይነት ስብሰባ ማድረግ አይችሉም ፣ ቤት ለቤት እየሄዱ ምረጡኝ ቅስቀሳ ማድረግ አይችሉም፣ ወረቀት ፍላየር መበተን አይችሉም፣ የአደባባይና የአዳራሽ ስብሰባ ማድረግ አይችሉም፣ የኢንተርኔት (ኦንላይን) የማህበራዊ ሚዳያ የምረጡኝ ዘመቻ ማድረግ አይችሉም።

#SolianaShimeles #ሰኔ14እመርጣለሁ #ኢትዮጵያ

@tikvahethiopia

#ምርጫ2013

በምርጫ ወቅት ሊነሱ የሚችሉ ዋና ዋና የሚባሉ ክርክሮች ፦ የመራጮች እና የእጩዎች ምዝገባ ፣ የድምፅ አሰጣጥ ፣ ቆጠራና ውጤት አገላለፅ የተመለከቱ ናቸው።

እነዚህን ክርክሮች የሚዳኙ ፦

#ተቋማት

- የኢትዮጵያ ብሄራዊ ምርጫ ቦርድ እና በቦርዱ የተቋቋሙ ውሳኔ ሰጪ አካላት
- የፌዴራል ጠቅላይ ፍርድ ቤት
- የፌዴራል ከፍተኛ ፍርድ ቤት
- የፌዴራል የመጀመሪያ ደረጃ ፍርድ ቤት

#ሕጎች

- የኢፌዴሪ ህገመንግስት
- የኢትዮጵያ የምርጫ ፣ የፖለቲካ ፓርቲዎች ምዝገባና የምርጫ ስነምግባር አዋጅ ቁጥር ፲፩፻፷፪/፳፻፲፩
- የብሄራዊ ምርጫ ቦርድ ማቋቋሚያ አዋጅ ቁጥር ፲፩፻፴፫/፳፻፲፩
- አግባባ ያላቸው ሌሎች ሕጎች

#የኢትዮጵያ_የፌዴራል_ጠቅላይ_ፍርድ_ቤት

@tikvahethiopia

እነ አቶ ጃዋር መሐመድ ችሎት ሳይቀርቡ ቀሩ።

እነ አቶ ጃዋር መሐመድ ዛሬ ለነበራቸው ቀጠሮ በፍርድ ቤት ትዕዛዝ መሰረት ጉዳያቸውን ለመከታተል ችሎት ሳይቀርቡ ቀርተዋል።

ጉዳያቸውን የሚመለከተው ፍርድ ቤት እንዳለው "ለተከሳሾች እና ለሰፊው ማኅበረሰብ ደኅንነት ሲባል ተከሳሾች ችሎት ፊት መቅረብ አይችሉም" ሲል ትዕዛዝ ሰጥቷል።

በእነ አቶ ጃዋር መሐመድ የክስ መዝገብ ሥር የተዘረዘሩ ተከሳሾች ዛሬ በፌደራሉ ከፍተኛ ፍርድ ቤት ልደታ ምድብ ችሎት ቀጠሮ ነበራቸው።

የእነ አቶ ጃዋር መሐመድን ጉዳይ እየተመለከቱ ያሉት ዳኞች ባለፉት ጥቂት ቀናት ከፍተኛ የሆነ የምርጫ ቅስቀሳ ሲካሄድ መቆየቱን አስታውሰዋል።

"ለተከሳሾች ከፍተኛ ጥበቃ ነው የሚያስፈልገው" በማለት በምርጫ ወቅት ተከሳሾችን ወደ ችሎት ማምጣቱ አስቸጋሪ ነው ብለዋል።

በዚህም ፍርድ ቤቱ አቶ ጃዋር መሐመድን ጨምሮ 24ቱ ተከሳሾች ከምርጫው በኋላ ፍርድ ቤት ይቅረቡ ሲል ወስኗል።

ዐቃቤ ሕግ ችሎቱ በዝግ ይከናወን እንዲሁም ምስክሮቼ ከመጋረጃ ጀርባ ቃላቸውን ይስጡ በሚል አሻሽሎ ባቀረበው አቤቱታ ላይ ተከሳሾች ምላሽ እንዲሰጡ ነበር የዛሬው በፌደራሉ ከፍተኛ ፍርድ ቤት የልደታ ምድብ ችሎት 1ኛ የጸረ-ሸብር እና ሕገ-መንግሥታዊ ጉዳዮች ችሎት ቀጠሮ ተይዞ የነበረው።

ምንም እንኳ በችሎቱ ተከሳሾቹ ባይገኙም ሦስት የተከሳሽ ጠበቆች ተገኝተዋል።

ጠበቆቹም ዐቃቤ ሕግ አሻሽሎ ላቀረበው አቤቱታ "ያዘጋጀነው ምላሽ በተከሳሾች እጅ ስለሚገኝ የምንሰጠው ምላሽ የለም" ብለዋል። ምላሻቸውን በቀጣዩ ቀጠሮ ይዘው እንደሚቀርቡ አስረድተዋል።

ፍርድ ቤቱም በአቶ ጃዋር መዝገብ ሥር የተከሰሱ ተከሳሾችን ጉዳይ ለመመልከት ለሰኔ 21/2013 ዓ.ም. ተለዋጭ ቀጠሮ ሰጥቷል።

መረጃው የቢቢሲ አማርኛው አገልግሎት ነው።

ፎቶ : ዘአፍሪካ ሪፖርት
@tikvahethiopia