#ማስተካከያ

የአዲስ አበባ ፖሊስ ዛሬ 'ደጎል አደባባይ' ተብሎ በሚጠራው አካባቢ "ፖሊስ ፈንጂ አመከነ" በሚል የተሰራጨው መረጃ 'ስህተት' መሆኑን ማምሻውን አሳውቋል።

ፖሊስ አረጋግጥኩት ባለው መሰረት ቦታው የነበረ በላስቲክ የተሞላ 'ድራፍት ቢራ' እንጂ 'ፈንጂ' አለመሆኑን ህብረተሰቡ እዲገነዘብ ብሏል።

የአ/አ ፖሊስ መግለጫ ከላይ ተያይዟል።

* ከቲክቫህ አባላት ሁኔታውን በሚመለከት የሰጡት መረጃም ተነስቷል።

@tikvahethiopiaBOT @tikvahethiopia

#UPDATE

የስፔን መንግስት በኤርትራ (አስመራ ከተማ) ላይ ህወሓት 'ፈጽሞታል' የተባለውን የአየር ጥቃት ማውገዙን ዶቼ ቨለ አስነብቧል።

የኢትዮጵያን የግዛት አንድነት እና ሕገ-መንግሥታዊ ተቋማት የሚያከብር መፍትሔ እንዲፈለግ ዛሬ ባወጣው መግለጫ ጠይቋል።

የስፔን መንግስት ቀውሱ ከመባባስ እንዲገታ ጠይቋል።

ስፔን የአፍሪካ ህብረት እና የምሥራቅ አፍሪቃ የልማት በይነ መንግሥታት ባለሥልጣን (ኢጋድ) የሚወስዱትን እርምጃ እንደምትደግፍ አስታውቃለች።

@tikvahethiopiaBOT @tikvahethiopia

#DrLiaTadesse

የባለፉት 24 ሰዓት የኮቪድ-19 ሪፖርት :

• የተደረገ የላብራቶሪ ምርመራ - 4,213
• በበሽታው የተያዙ - 336
• ህይወታቸው ያለፈ - 12
• ከበሽታው ያገገሙ - 264

አጠቃላይ 103,056 ሰዎች በበሽታው መያዛቸው ሲረጋገጥ ፤ የ1,581 ሰዎች ህይወታቸውን አጥተዋል ፤ 64,130 ሰዎች ደግሞ ከበሽታው አገግመዋል።

308 ሰዎች በፅኑ ታመው የህክምና ክትትል እየተደረገላቸው ይገኛል።

@tikvahethiopiaBot @tikvahethiopia

'ቲክቫህ ኢትዮጵያ'

ቲክቫህ ኢትዮጵያ በመጪዎቹ ቀናት ድረ ገፁን ይፋ ያደርጋል።

በመላው ሀገሪቱ ያሉ ከ1.1 ሚሊዮን በላይ አባላት በወረዳ ደረጃ መረጃ ይለዋወጣሉ ፤ የፀጥታ ስጋት ካለም ያሳውቃሉ።

እንዲሁም አባላቶቻችን በየሚሰሩበት ተቋም፣ በሚማሩባት ተቋም፣ በሚኖሩበት አካባቢ የሚደርስባቸውን ማንኛውም አይነት ችግር ያሳውቃሉ።

1. አባላት ያላቸውን መረጃ ወይም ጥቆማ ይፋ ሲያደርጉ ማንነታቸው ለሌሎች አይታይም፤ አይገለፅም።

2. መረጃውን ወይም ጥቆማውን የሚያዩት ፤ ማረጋገጫ እና ቅቡልነቱን የሚያረጋግጡት የዛው ወረዳ ነዋሪዎች ብቻ ናቸው።

በየወረዳው ያለው መረጃዎች፣ጥቆማ እውነተኛ እና በአባላት ቅቡልነት ሲኖረው በዋናው ገፅ @tikvahethiopia ይፋ ይደረጋል።

ከዚህ በተጨማሪም የቲክቫህ አባላት "ቤተሰባዊ ግንኙነት" ከመቼውም ጊዜ በላይ እስከ ታች የሚዘረጋበት እና የበጎ አድራት ስራዎች እና ለወጣቶች ስራ እድሎችን የማመቻቸት ተግባራት የሚጠነክርበት ይሆናል ብለን ተስፋ እናደርጋለን።

ህዳር 7/2013 ዓ/ም
ቲክቫህ ኢትዮጵያ

@tikvahethiopiaBot

#FDREDefenseForce

ዛሬ ማክሰኞ ከረፋዱ 5:30 ጀምሮ "ለሀገር መከላከያ ክብር እቆማለሁ" በሚል ርእስ የሁለት ደቂቃ ፕሮግራም ይካሄዳል።

ኢትዮጵያውያን በያሉበት ለአንድ ደቂቃ ቀኝ እጃቸውን በግራ ደረታቸው ላይ አድርገው በመቆም ለመከላከያቸው ያላቸውን ክብር ይገልጣሉ።

ለ1 ደቂቃ የመቆም ሥርዓቱ ሲጠናቀቅ በቀጣዩ አንድ ደቂቃ ባሉበት ሆነው ባለማቋረጥ ያጨበጭባሉ።

@tikvahethiopiaBOT @tikvahethiopia

#DrAbiyAhmed

ጠ/ሚ ዶ/ር አብይ አህመድ ወደ 'ጎረቤት ሀገራት' የሚሰደዱ ወገኖችን ለመቀበልና ወደ ቀያቸው ለመመለስ መንግስታቸው ዝግጁ መሆኑን አሳውቀዋል።

መንግስት የተሰደዱ ንጹሃን ዜጎችን ንብረታቸውን ለመጠበቅ ፣ በኢትዮጵያ መከላከያ ሠራዊት የሰብአዊ ድጋፍ ለማቅረብ እና ሲመለሱ ሰላማቸውን ለማስጠበቅ ዝግጁ ነው ብለዋል።

@tikvahethiopiaBOT @tikvahethiopia

'የንፁሃን ዜጎቻችን ስደት'

ዛሬ ድረስ ባለው ሪፖርት መሰረት በትግራይ ክልል እየተካሄደ ያለውን ውጊያ ሸሽተው ወደ ሱዳን የገቡ ሰዎች ከ25,000 አልፈዋል።

UNHCR እና አጋሮቹ እገዛ ለማድረግ እየሰሩ የሚገኝ ሲሆን "ሃምዳያት" አካባቢ ያሉ የሱዳን ማህበረሰቦችም ምግብ እና የሚጠጣ እያቀረቡ ነው።

* እየተደረገ ያለው እገዛ ግን አሁንም በቂ አያደለም ፤ ያለው ሁኔታ እጅግ በጣም አሳዛኝ ነው።

@tikvahethiopia @tikvahethiopiaBOT

#DrAbiyAhmed

የትግራይ ልዩ ኃይል እና ሚሊሺያ ለመከላከያ እጃቸውን በመስጠት ራሳቸውን እና ሕዝቡን እንዲያድኑ የተሰጠው የ3 ቀን የጊዜ ገደብ ዛሬ መጠናቀቁን ጠ/ሚ ዶ/ር አብይ አስታወቁ።

ዶ/ር አብይ፥ በዚህ ጥሪ የተጠቀሙ የትግራይ ልዩ ኃይል እና ሚሊሺያ አባላት ፣ ለወሰዱት ኃላፊነት የተሞላው ሕዝባቸውን የማዳን ውሳኔ ይመሰገናሉ ብለዋል።

የተሰጠው የጊዜ ገደብ ስለተጠናቀቀ በቀጣይ ቀናት "የመጨረሻው ሕግ የማስከበር" ወሳኝ ተግባር ይከናወናል ሲሉ በፌስቡክ ገፃቸው ላይ ገልፀዋል።

@tikvahethiopiaBot @tikvahethiopia

#BREAKING

የፌዴራል ጠቅላይ አቃቤ ህግ 34 "የሕወሓት የፋይናንስ ተቋማትን" ማሳገዱን ገለፀ።

- ሱር ኮንስትራክሽን ፣
- ጉና የንግድ ስራዎች ፣
- ትራንስ ኢትዮጵያ፣
- መስፍን ኢንዱስትሪያል ኢንጅነሪንግ ፣
- ሠላም የህዝብ ማመላለሻ ማህበር ፣
- ሜጋ ማተሚያ፣
- ኢፈርት ኃላፊነቱ የተወሰነ የግል ማህበር
- ኢፈርት ኤሌክትሪካል ቢዝነስ እገዳ ከተጣለባቸው ተቋማት መካከል እንደሚገኙበት ኢቲቪ ዘግቧል።

@tikvahethiopiaBOT @tikvahethiopia

#FDREDefenseForce

"ለሀገር መከላከያ ክብር እቆማለሁ" በሚል ዛሬ ረፋድ 5:30 በተለያዩ የሀገራችን ከተሞች የሚኖሩ ኢትዮጵያውያን ለሀገር መከላከያ ሰራዊት ያላቸውን አጋርነት አሳይተዋል።

ተጨማሪ @tikvahethmagazine ማግኘት ትችላላችሁ።

@TIKVAHETHIOPIA @TIKVAHETHIOPIABOT

#UPDATE

ትግራይ ክልል እየተካሄደ ያለውን ውጊያ ሸሽተው ወደ ሱዳን የገቡ ሰዎች ከ30,000 ማለፋቸውን UNHCR ዛሬ ለቢቢሲ አሳውቋል።

ከቀን ወደ ቀን ቁጥሩ እየጨመረ መሄዱንም ገልጿል።

የUNHCR ድንገተኛ ምላሽ አስተባባሪ ጀንስ የሆኑት ሄዝማን በአካባቢው የሰብዓዊ ቀውስ መባባሱን ገልፀው ፤ ሁኔታው "አስጊ ነው" ብለውታል።

በድንጋጤ የተዋጡ እና እራፊ ጨርቅ ብቻ ላያቸው ላይ ጣል ያደረጉና በፍርሃት የተሞሉ ተፈናቃዮች ወደ ሱዳን ያቀኑ ሲሆን ከነዚህ ውስጥ ግማሽ የሚሆኑት ታዳጊዎች ናቸው።

UNHCR እንደገለፀው ትላንት ብቻ 2300 አዲስ ተፈናቃዮች ሱዳን ገብተዋል ፤ ከትናንት በስቲያ ደግሞ ከ5000 በላይ አዲስ ተፈናቃዮች ሱዳን መግባታቸውን ለቢቢሲ አሳውቋል።

@TIKVAHETHIOPIA @TIKVAHETHIOPIABOT

#UPDATE

የፌዴራል ጠቅላይ አቃቤ ህግ የባንክ ሂሳባቸውን ያገደባቸው ድርጅቶች ዝርዝር ከላይ በምስሉ የምትመለከቷቸው ናቸው።

የድርጅቶቹ የባንክ ሂሳብ ለምን ታገደ ?

በተጠረጠሩባቸው ሶስት ወንጀሎች ምርመራ ጋር በተያያዘ ነው።

ድርጅቶች ከተጠረጠሩባቸው ወንጀሎች መካከል በኢትዮጵያ የተለያዩ ክፍሎች የሚፈጸሙ የዘር ተኮር ጥቃቶችን ፣ የሽብር ተግባራት እና የሕገ መንግስታዊ ስርዓትን በኃይል ለመናድ ከሚሰሩ አካላት ጋር በመመሳጠር እና ግንኙነት በመፍጠር በገንዘብ መደገፍ የሚል ይገኝበታል።

የታገዱት ድርጅቶች "በሙስና እና በወንጀል ድርጊት" የተገኘ ገንዘብን ሕጋዊ አስመስሎ ማቅረብ ወንጀሎች ምርመራ እየተደረገባቸው መሆኑን የጠቅላይ አቃቤ ህግ አሳውቋል።

Via ኢትዮጵያ ኢንሳይደር (የፌዴራል ጠቅላይ አቃቤ ህግ)
@TIKVAHETHIOPIA @TIKVAHETHIOPIABOT

ችሎት !

ፍርድ ቤት ጋዜጠኛ በቃሉ አላምረው በዋስ ከእስር እንዲፈታ መወሰኑን 'አውሎ ሚዲያ' በይፋዊ የፌስቡክ ገፁ አሳውቋል።

@tikvahethiopiaBOT @tikvahethiopia

'ጊዜያዊ አስተዳደር በትግራይ ክልል'

ከ "ሕወሓት ነፃ" በሆኑ አካባቢዎች የትግራይ ክልል ጊዜያዊ አስተዳደር መዋቅሩን እንደሚያደራጅ ዶ/ር ሙሉ ነጋ ገለፁ።

ዶ/ር ሙሉ ዛሬ በሰጡት መግለጫ ፥ "ዋና ሥራ አስፈጻሚው የፕሬዚዳንቱን ሥራ ስለሚሠራ ክልሉ ሙሉ ለሙሉ ነፃ ሲወጣ መንግሥታዊ ሥራውን ተክቶ ይሰራል" ብለዋል።

በዚህ መሠረትም የክልሉን ካቢኔ እንደሚያደራጅ እና የዞን አስተዳዳሪዎችን እንደሚሾም ገልጸዋል።

የወረዳ እና የቀበሌ ምክር ቤቶች ደግሞ ባሉበት እንዲቀጥሉ የሚደረግ መሆኑን አመልክተዋል።

ሥራ አስፈጻሚውን አካል እንደሚመራ ፣ እንደሚያስተባብር እንዲሁም የክልሉን ዕቅድ እና በጀት እንደሚያጸድቅ ኢዜአ ዘግቧል።

@tikvahethiopiaBOT @tikvahethiopia