#ETHIOPIA

- " መንግሥት ኢሰመኮ ስለአማራ ክልል ያወጣውን ሪፖርት በተመለከተ ያወጣው መገለጫ ለሁሉም የሲቪክ ማኅበራት ማስፈራሪያ  ነው። ...የሲቪክ ማኅበራት ሪፓርት ማውጣት የሚፈሩበት ጊዜ ላይ ነው ያሉት " - ከኢትዮያ ሰብዓዊ መብት ተሟጋቾች ማዕከል (አቶ ያሬድ ኃይለማርያም)

- " አሁን ያለንበት ሁኔታ ከድጡ ወደ ማጡ ነው፣ የመንግሥት አካላት በአስቸኳይ መፍትሄ መስጠት አለባቸው ካልሆነ የማንወጣበት አሮንቃ ውስጥ ነው የምንገባው። " -  ከኢትዮጵያ ሰብዓዊ መብቶች ጉባኤ (ኢሰመጉ) (አቶ ዳን ይርጋ)

- " ፍርድ ቤት ዋስትና የፈቀደለትን ሰው ወስዶ የሆነ ቦታ ማቆየት፣ ያለ ፍርድ ማሰር በተግባር የምናየው ቻሌንጅ ነው። ይህ ባለበት ሁኔታ ፓሊስ በተለይ የዜጎችን መብት በማክበርና በማስከበር በኩል ሁነኛ ተቋም ሆኖ እያለ በተግባር ያለው ግን ያ አይደለም " - ከኢትዮጵያ ሰብዓዊ መብት ድርጅት ኅብረት (አቶ መሱድ)

- " 62 የፓለቲካ ፓርቲዎች አሉ ፤ እኛ ልንመርጣችሁ ወይስ እናንተ ልትመርጡን ነው ? እኛ የምንፈልገው 2፣ ቢበዛ ደግሞ 4 ነው። ለምን ወደዛ አትመጡም? የኢትዮጵያ ሕዝብ የሚናፍቀው የባለስልጣናት ምርጫ አይደለም፣ የፓሊሲ ምርጫ ይፈልጋል። ለዚህስ ተዘጋጅታችኋል? "  - ከቪዢንና ኮይግረንስ ፎር ዴሞክራሲ  (አቶ ታደለ ደረሰ)

ቲክቫህ ኢትዮጵያ 75ኛውን የሰብዓዊ መብቶች በዓል በማስመልከት የኢትዮጵያ ሰብዓዊ መብቶች ኮሚሽን ከተባበሩት መንግሥትታት ጋር በመተባበር ጥቅምት 23 ቀን በሸራተን አዲስ ባዘጋጀው ፕሮግራም ላይ በመገኘት ሁነቱን ተከታትሏል ፤ የተለያዩ የሰብዓዊ መብት ተቋማት ኃላፊዎችንም አነጋግሯል።

(በቲክቫህ ኢትዮጵያ ቤተሰብ አባል ኢዮብ ተኩዬ ተዘጋጅቶ የቀረበ)

ያንብቡ ፦ https://telegra.ph/Tikvah-Ethiopia-11-04-3

@tikvahethiopia

ስኬታማ ምዕራፍ፤ ብሩህ ተስፋ!
****
ጥቅምት 18 ቀን 2006 ዓ.ም - በሀገራችን የባንክ ሥራ ታሪክ አዲስ ምዕራፍ የተከፈተበት ቀን፡፡
የኢትዮጵያ ንግድ ባንክ ከወለድ ነፃ የባንክ አገልግሎት መስጠት በመጀመር እንደ ሁልጌዜው ሁሉ ፈር ቀዳጅነቱን አስመሰከረ፡፡
ዘርፈ ብዙ ተግዳሮቶችን በማለፍ የስኬት ታሪክ መፃፍም ተቻለ፡፡
ሲቢኢ ኑር 10 ዓመት ሞላው፡፡
በጉዟችን የገጠሙንን ተግዳሮቶች ያለፍንበትን መንገድ በመማማር፣
ከስኬቶቻችን ልምድ በማካፈል፣
አብረውን ለነበሩ ሁሉ ምስጋናን በማቅረብ፣
ለበለጠ ስኬትም ቃል በመግባት፣
10ኛ ዓመታችንን ከክቡራን ደንበኞቻችን ጋር በጋራ እንዘክራለን፡፡
ስኬታማ ምዕራፍ ነበረን፣ የወደፊቱም በብሩህ ተስፋ የተሞላ ነው፡፡

ትክክለኘውን የቴሌግራም ቻናል https://publielectoral.lat/combankethofficial

#SUNChips

መምጣቱ ላይቀር የሚያስጠብቀን የእረፍት ቀን ደርሷል! ዘና ፈታ እንበል! #መክሰስTime ደርሷል- ከ #ሰንቺፕስ 😋 ጋር #ሰኒሞመንትስ ☀️
Looking forward to snacking on the weekend with SUNChips. #SUNChips 😋 #SunnyMoments. ☀️
Facebook: https://www.facebook.com/sunchipsethiopia
Instagram: https://instagram.com/sunchipsethiopia 

#የኢትዮጵያ_መምህራን_ማህበር #ቲክቫህኢትዮጵያ

የመማሪያ መፅሀፍት ጉዳይ

" ቅሬታችንን መንግሥት ይወቅልን " ያሉ #ተማሪዎች ፣ የመማሪያ መፅሀፍት ሶፍት ኮፒ እንኳን ማግኘት ቢቻል ማንበቢያ ስልክ ያስፈልጋል ፣ ስማርት ስልክ ደግሞ የቤተሰቦቻችን ገቢ  ዝቅተኛ በመሆኑ ሊገዛልን አይችልም ሲሉ ቅሬታቸውን ለቲክቫህ ኢትዮጵያ ተናግረዋል።

አክለውም፣ በዚህ ሁኔታ እንዴት መማርና ውጤታማ መሆን እንችላለን ? ነው ወይስ ትምህርት መማር ያለባቸው የባለሃብት ልጆች ብቻ ናቸው ? ሲሉ ጠይቀዋል።

36ኛውን የኢትዮጵያ መምህራን ማኅበር ምክር ቤት ስብሰባ ምክንያት በማድረግ ሰሞኑን በጅግጅጋ በነበረ ውይይት የተማሪዎችን የመጽሐፍ እና የሶፍት ኮፒ አለምግኘት ጨምሮ ሌሎች መምህራን የሚያነሷቸውን ቅሬታዎች በተመለከ ምን የመፍትሄ ሀሳብ እንደተቀመጠ ቲክቫህ ኢትዮጵያ ለኢትዮጵያ መምህራን ማኅበር ጥያቄ አቅርቧል።

የማኅበሩ ፕሬዚዳንት ዮሐንስ በንቲ (ዶ/ር) ለቲክቫህ ኢትዮጵያ በሰጡት ማብራሪያ፣ " አንድ የሁለተኛ ደረጃ ትምህርት ቤት (ሳውላ ጎፋ አካባቢ) ፕሪንተርም፣ ፎቶ ኮፒም የለውም " ብለዋል።

" አንዳንድ ትምህርት ቤቶች የማባዣ ቁሳቁስ እንኳን የሌላቸው አሉና ሶፍት ኮፒ ብቻ ልኮ ተማሪዎች መፅሐፍ አግኝተዋል ማለት አይቻልም " ያሉት የማኅበሩ ፕሬዝዳንት፣ " ሶፍት ኮፒ ደግሞ በሞባይል ነው የሚታየው፣ ሁሉም ተማሪ ደግሞ ለዛ የሚመጥን ስማርት ስልክ ላይኖረው ይችላል፣ አስቸኳይ መፍትሄ መስጠት ያስፈልጋል " ነው ያሉት።

" ተማሪዎች ሀርድ በእጃቸው ይዘው የሚያነቡት ሀርድ ኮፒ ያስፈልጋቸዋል " ያሉት ዮሐንስ (ዶ/ር)፣ ይህንን በተመለከተም በጅግጅጋ በነበረው የማኅበሩ ምክር ቤት ክልሎች የአንደኛ ደረጃ ትምህርት ቤት መፅሐፍ እጥረት እንዳለ፣ የሁለተኛ ደረጃ ትምህርት ቤቶች መፅሐፍ እንዳልደረሰ ተነግሯል ብለዋል።

የተነሱ ቅሬታዎችን በተመለከተ የትምህርት ሚኒስትር ብርሃኑ ነጋ (ፕ/ር) " ወደ 40 ኮንቴነር ጂቡቲ ደርሷል፣ እንደውም ወደ መሀል አገርም እየተጓጓዘ ነው፣ በቅርቡ ወደ ትምህርት ቤቶች ይደርሳል " ማለታቸውን ይሐንስ (ዶ/ር) ገልጸዋል።

የመምህራን ዝውውር ጉዳይ

ከዝውውር ጋር በተያያዘ መምህራን በተደጋጋሚ ቅሬታ ሲያነሱ የሚደመጥ ሲሆን፣ ችግሩን ለመቅረፍ ምን ውይይት እንደተደረገ ከቲክቫህ ኢትዮጵያ ጥያቄ የቀረበላቸው የማኅበሩ ፕሬዚዳንት፣  መምህራን የሚዘዋውሩበት የዝውውር ስርዓት እንዳለ ገልጸው ተከታዩን አክለዋል።

" ዝውውር ለመምህራን እንደ #ትልቅ_የመብት_ጉዳይ የሚታይ ነው። " የተለያዩ የአፈፃፀም ጉድለቶች እንዳሉ ምክር ቤቱ በጅግጅጋ በነበረው ስብሰባ ገምግሟል። በየደረጃው ተስተካክሎ በመመሪያው መሠረት እንዲፈጸም ሰፊ ውይይት አድርገንበታል። "

ተፈናቃዮችን ያስጠለሉ ትምህርት ቤቶች ጉዳይ

" የተፈናቀሉ ዜጎች መጠለያ የሆኑ ትምህርት ቤቶች እንዳሉ አይተናል። በዛ አካባቢ በተለይ ትምህርት ለመስጠት አስቸጋሪ ይሆናል " ሲሉ ዮሐንስ በንቲ (ዶ/ር) አስረድተዋል።

ኢሰመኮ ጥቅምት 19 ቀን 2016 ዓ.ም ይፋ ባድረገው ሪፓርት በመንግሥት ኃይሎች እና በፋኖ ታጣቃዎች መካከል የተኩስ ልውውጥ በሚያገረሽበት አማራ ክልል ውስጥ ትምህርት ቤቶች የተፈናቃይ መጠለያ ካምፖች እንደሆኑ መረዳቱን ማስገንዘቡ ይታወሳል።

የኢትዮጵያ መምህራን ማኅበር በበኩሉ የተፈናቃይ መጠለያ በሆኑ ትምህርት ቤቶች ውስጥ መምህራን ማስተማር እንዳልቻሉ ፣ የትምህርት ተቋማትም ውድመት እንደሚደርስባቸው ለቲክቫህ ኢትዮጵያ ገልጸዋል።

የመምህራን ደመወዝ አለመከፈልና መቆረጥ ጉዳይ

መምህራን የሰሩበት ደመወዛቸው #ስለማይከፈላቸው እና የሚከፈላቸውም ስለሚቆረጥባቸው በተለይም ደቡብ ክልል ላይ የሥራ ማቆም አድማ እስከማድረግ የደረሱበትን ሁኔታ በተመለከተ ምን እንደታሰበም ቲክቫህ ኢትዮጵያ ለመምህራን ማኅበሩ ፕሬዝዳንት ጥያቄ አቅርቧል።

ፕሬዝዳንቱ ለቲክቫህ በሰጡት ማብራሪያ ፤ " ቀደም ብሎ እዚያ አካባቢ ባጋጠመው ሁኔታ እኛም ለክልሉ መንግሥት ደብዳቤ ፅፈን ነበር፣ በዚያ መነሻ በወቅቱ ተከፍሎ ነበር። አሁን ኋላ ላይ ደግሞ ተመልሶ እንዳገረሸ ሰምተናል" ብለዋል።

" ምክንያቶቹ የተለያዩ ይሆናሉ። መምህራን የሰሩበትን በጊዜው ማግኘት አለባቸው " ያሉ ሲሆን " ደመወዙ የመምህራኑ ብቻ ሳይሆን የቤተሰቦቻቸውም፣ የልጆቻቸውም ጭምር ስለሆነ በየደረጃው ያለው መዋቅር ይህን ተከትሎ መፈጸም እንዳለበት ሁሌም እናሳስባለን " ሲሉ ገልጸዋል።

የደመወዝ አለመከፈልን በተመለከተ ለማኅበሩ ምን ያህል መምህራን ቅሬታ እንዳቀረቡ፣ ለስንቶቹ መፍትሄ እንደተሰጠ ማብራሪያ እንዲሰጡ ሲጠየቁም፣ በአብዛኛው ቅሬታ ያለው በአዲሱ ማዕከላዊ ኢትዮጵያ ክልል፣ በጋምቤላ ክልል በተወሰነ መልኩ እንዲሁም በአፋርና በሌሎች አካባቢዎች እንድሆነ፣ ቅሬታው ከተለያዩ ወረዳዎች ስለሚመጣ ቁጥሩን ለመግለጽ እንደሚያስቸግር አስረድተዋል።

የማኅበሩ ፕሬዚዳንት ዶ/ር ዮሐንስ በንቲ ፤ ለቲክቫህ ኢትዮጵያ በገለጹት መሠረት ፣ የ36ኛው የኢትዮጵያ መምህራን ማኅበር ምክር ቤት ምክንያት በማድረግ ሰሞኑን በጅግጅጋ በነበረው ፕሮግራም ውይይት ተደርጎባቸው የመፍትሄ ሀሳብ የተቀመጠላቸው ዋና ዋና አጀንዳዎች፡-
- የመምህራን ዝውውር
- የመምህራን ጥቅማጥቅም
- የመምህራን የትምህርት ዕድል
- የመኖሪያ ቤት አቅርቦት
- መልካም አስተዳደር
- የትምህርት ጥራት
- የተማሪዎችን የውጤት ቀውስ
-  የጸጥታ ችግር በትምህርት ላይ ያስከተለው ያለውን አሉታዊ ተጽዕኖ በተመለከተ ነው ብለዋል።

መረጃው በአዲስ አበባ የቲክቫህ ኢትዮጵያ ቤተሰብ አባል ተጠናቅሮ የቀረበ ነው።

@tikvahethiopia

ከ60 በላይ የጤና ባለሙያዎች ፤ " ጤና ሚኒስቴር በሕግ የተወሰነልንን ልዩ አበል አልከፈለንም " አሉ።

የጤና ባለሙያዎቹ ለቲክቫህ ኢትዮጵያ እንደገለፁት፤ የኮቪድ - 19 ወረርሽኝ መጋቢት 8 ቀን 2012 ዓ / ም መከሰቱን ተከትሎ የጤና ማኒስቴር ባወጣው ጥሪ መሠረት የኢፌደሪ ጠቅላይ ሚኒስቴር ጽሕፈት ቤት ግንቦት 18 ቀን 2012 ዓ / ም ባወጣው መመሪያ የሕክምና አገልግሎት ለሚሰጡ ለመላው ሀኪሞች በቀን 1,050 ብር፣ ለየመጀመሪያ ድግሪ ባለሙያዎች 900 ብር ልዩ አበል እንዲከፈላቸው ተወስኖ ነበር።

በዚህ መሠረት ጤና ሚኒስቴር በኮቪድ - 19 ወቅት የአገልግሎት ሥራ ለሰሩት የተወሰኑ ወራት አበል እንደከፈላቸው ፣ ይሁን እንጂ ከዚያ በኃላ ክፍያውን እንዳቆመ ፣ ይህን ተከትሎም ቀሪው ልዩ አበል እንዲከፈላቸው በቃልና በደብዳቤ ቢጠይቁም ምላሽ እንዳላገኙ ፣ በመጨረሻም ክስ እንደመሰረቱ፣ በክሱ  መሠረትም ገንዘቡ እንዲከፈላቸው ቢወሰንም ጤና ሚኒስቴር ግን ከውሳኔው በኋላም ለመክፈል ፈቃደኛ እንዳሆነ ቅሬታ አቅራቢዎቹ ለቲክቫህ ኢትዮጵያ አስረድተዋል።

በአጠቃላይ ቅሬታ አቅራቢዎቹ  በቁጥር 71 ሲሆኑ አንድ ሥማቸው እንዲጠቀስ ያልፈቀዱ ባለጉዳይ እና የጤና ባለሙያዎቹ ተወካይ ለቲክቫህ ኢትዮጵያ በሰጡት ቃል ፦ " ጤና ሚኒስቴር ከተሰጠው ኃላፊነት አንፃር የጤና ሥርዓቱን ማዘመን፣ የጤና ባለሙያውን መብቶች፣ ጥቅሞች ማክበር፣ ለጤና ባለሙያዎች ምቹ ከባቢና የሥራ ዋስትና መፍጠር ነበር። ነገር ግን  መንግሥት ነኝ በማለት በማን አለብኝነት  በጤና ባለሙያዎች ላይ ከማሾፉም በላይ ጤና ባለሙያዎች ከአቅም በላይ ሲሆንባቸው መብታቸውን በፍትህ አካል ጠይቀው ተወስኖላቸው 'እንደውሳኔው ክፈል' ተብሎ ሲታዘዝ  'ያለውሳኔ ነው' በማለት ነገሮችን ማጣመም ተገቢና ከአንድ ሥሙ ትልቅ ከሆነ ተቋም የማይጠበቅ ነው " ሲሉ ሚኒስቴር መ/ቤቱ ላይ ወቀሳ አቅርበዋል።

ጤና ባለሙያዎቹ ለቲክቫህ ኢትዮጵያ የላኩት ማስረጃ ጤና ሚኒስቴር ፦
▪️ከ1ኛ - 14ኛ ተራ ቁጥር ላሉት የጤና ባለሙያዎች ከኅዳር 1 ቀን  2013 ዓ.ም እስከ ኅዳር 21 ቀን 2014 ዓ.ም ለእያንዳንዳቸው 400 ሺሕ 050 ብር፣

▪️15ኛ ተራ ቁጥር ላይ ላሉ የጤና ባለሙያ ከሚያዚያ 1 ቀን 2013 ዓ.ም እስከ ኅዳር 21 ቀን 2014 ዓ.ም ድረስ 242 ሺሕ 550 ብር፣

▪️ከ16ኛ - 66ኛ ተራ ቁጥር ላሉ የጤና ባለሙያዎች ደግሞ ከመስከረም 1 ቀን 2013 ዓ.ም ኅዳር 21 ቀን 2014 ዓ.ም ድረስ ለእያንዳንዳቸው 396, 900 ብር በአጠቃላይ ከ1ኛ እስክ 66ኛ የጤና ባለሙያዎች የተጠቀሰው የኮቪድ - 19 ልዩ  አበል እንዲከፈላቸው አቤቱታ ማቅረባቸውን ያትታል።

ይህ የገንዘብ መጠን የጤና ባለሙያዎቹ ክስ ሲመሰርቱ ያካተቱት ሲሆን፣ በውሳኔ ግልባጩ ጤና ሚኒስቴር ለከሳሾች የልዩ አበሉን ከኀዳር 1 ቀን 2013 እስከ ሰኔ 30 ቀን 2014 ዓ.ም እንዲከፈል ተብሎ ቢወሰንም የተጠቀሰ የልዩ አበል መጠን ግን የለም።

ቲክቫህ - ኢትዮጵያ የተመለከተው #የውሳኔ_ግልባጭ ፣ ጤና ሚኒስቴር (መልስ ሰጭ ተቋም) ለይግባኝ ባዮች ያቀረቧቸው ሁሉንም የመቃወሚያ ሀሳቦች ውድቅ አድርጎ ከኅዳር 1 ቀን 2013 ዓ.ም እስከ ሰኔ 30 ቀን 2014 ዓ.ም ድረስ ባሉት ወራት ውስጥ (የሚከፈልባቸው ወራት ከፋፍሎ አስቀምጦ) ፣ ጤና ሚኒስቴር ለ66ቱ የጤና ባለሙያዎች የጠየቁትን የኮቪድ - 19 ልዩ አበል እንዲከፍል ውሳኔ ማሳለፉን ያስረዳል።

የውሳኔ ግልባጩ " 15ኛ ይግባኝ ባይ አቶ ክንዳለም መኳንንት በኮቪድ - 19 ሥራ ላይ ያገለገሉበት ክፍያ አቤቱታቸውን ካቀረቡ በኋላ የተከፈላቸው መሆኑን የይግባኝ ባዮች ተወካይ በችሎት በማስረዳታቸው 15ኛ ይግባኝ ባይ ከክርክሩ ውጭ ሆኗል " ይላል።

ቲክቫህ የጤና ባለሙያዎቹ በሕግ የተወሰነላቸውን ልዩ አበል ያልከፈለበትን ምክንያት እንዲያስረዳ ጤና ሚኒስቴርን ጠይቋል።

በተቋሙ ኃላፊነት ተሰጥቷቸው የሚያገለግሉት አቶ ዮርዳኖስ ለቲክቫህ ኢትዮጵያ በሰጡት የፅሑፍ ምላሽ ፣ " ክልሎች ናቸው ጤና ባለሙያዎችን የሚቀጥሩት ስለሆነም የቀጠራቸው ክልል ጤና ቢሮ ማናገሩ ጥሩ ነው " ብለዋል።

ቲክቫህ ኢትዮጵያ ስራ የሰሩበት አበል ሊከፍላቸው የሚገባው " የቀጠራቸው ክልል ነው " ስለተባለ የቀጠራቸው ተቋም ማን እንደሆነ ቅሬታ አቅራቢዎቹን ጠይቋል።

ይሁን እንጂ አንድ ቅሬታ አቅራቢ ለቲክቫህ በሰጡት ምላሽ ፣ "ጤና ባለሙያዎች የከሰስነው የቀጠረንን ተቋም ነው። ክልሎች ቀጥረውን እንዴት ጤና ሚኒስቴርን እንከሳለን ? ይህን እኮ እነሱም ያውቃሉ ውልም አለን። አሁን ከእነሱ ተቋም የለቀቅን ብዙዎች ነን እንጂ ከለቀቅን በኋላ ያለውን ደግሞ አልከሰስንም " ብለዋል።

እኚሁ ታማኝ ምንጭ በተጨማሪ ልዩ አበሉ ይከፈለን የሚሉች የጤና ባለሙያዎች የጤና ሚኒስቴር ሠራተኞች እንደነበሩ የሚያረጋግጥ ማስረጃ ልከዋል።

ቲክቫህ ኢትዮጵያ ይበልጥ ይህንን ጉዳይ ለማጣራት የተመለከተው የውሳኔ ግልባጭ ፤ " መልስ ሰጭ መ/ቤት ይግባኝ ባዮች የልዩ አበል ክፍያ መጠየቅ ያለባቸው ተመድበው እየሰሩ ያሉበትን ተቋም ነው እንጂ ጤና ሚኒስቴርን አይደለም በማለት ያቀረበው መከራከሪያ ተቀባይነት የለውም " ሲል ውድቅ እንዳደረገው በግልጽ ያሳያል።

በመሆኑም አቶ ዮርዳኖስ ለቲክቫህ ኢትዮጵያ ለምን " ክልሎች ናቸው ጤና ባለሙያዎችን የሚቀጥሩት ስለሆነም የቀጠራቸው ክልል ጤና ቢሮ ማናገሩ ጥሩ ነው " የሚል ምላሽ እንደሰጡ በድጋሚ ለመጠየቅ በፅሑፍና መልዕክትና በስልክ ጥሪ ቢሞክርም ምላሽ ለመስጠት ፈቃደኛ አልሆኑም።

በመጨረሻም ለጉዳዩ ምን አይነት ምላሽ እንዳላቸው ለመጠየቅ ለጤና  ሚኒስትር ሊያ ታደሰ (ዶ/ር) ስልክ ቢደወልም ባለማንሳታቸው ሀሳባቸውን ማካተት አልተቻለም።

የክሱን ሂደት በተመለከተም ቲክቫህ ኢትዮጵያ ከሁነኛ አካላት ባደረገው ማጣራት የጤና ባለሙያዎቹ ልዩ አበሉ እንዲከፈላቸው መወሰኑን፣ አፈጻጸሙ ግን ገና እንዳልተቋጨ ለማወቅ ችሏል።

ይህ መረጃ በቲክቫህ ኢትዮጵያ ቤተሰብ አባል ኢዮብ ትኩዬ ተዘጋጅቶ የቀረበ ነው።

@tikvahethiopia