" ... በድርጊቱ የተሳተፉ 2 የፓሊስ አባላት በቁጥጥር ስር ውለዋል" - ወ/ሮ ሙፈሪሃት ካሚል

በአንድ ቪድዮ ላይ አንዲት ሴትን ሲደበድቡ የነበሩ ሁለት የፖሊስ አባላት በቁጥጥር ስር መዋላቸውን የሰላም ሚኒስትር ወ/ሮ ሙፈሪሃት ካሚል አስታውቀዋል።

"በርካታ ዜጎቻችን ልብ የሚሰብር የቪዲዮ ምስል በማህበራዊ ሚዲያ ሲቀባበሉ ተመልክተናል" ያሉት ሚኒስትሯ ፥ " የጀመርነው ተቋማዊ ለውጥ ሀላፊነትን ከነተጠያቂነቱ አጣምሮ የያዘ በመሆኑ በጉዳዩ ላይ ከፌዴራል ፓሊስ አመራሮች ጋር መረጃ ተለዋዉጠናል" ብለዋል።

ወ/ሮ ሙፈሪሃት ፥ በድርጊቱ የተሳተፉ ሁለት የፓሊስ አባላት በቁጥጥር ስር መዋላቸውን ገልፀው ህጉን ተከትሎ የማጣራትና ተገቢው የእርምት እርምጃ የሚወሰድ ይሆናል ሲሉ ገልፀዋል።

ሚኒስትሯ ዜጎች ለሰብዓዊ መብት መከበር እንዲህ አይነት ህገወጥ ተግባራትን በመከታተልና በማጋለጥ ረገድ ማህበራዊ ሚዲያን አዎንታዊ ለሆነ ተግባር ማዋል መቻላቸው ተጠናክሮ ሊቀጥል ይገባልም ብለዋል።

@tikvahethiopia

#Update

የአዲስ አበባ ፖሊስ ኮሚሽን ፥ ከፖሊስ የሙያ ስነ-ምግባር ውጪ በአንዲት ግለሰብ ላይ ድብደባ የፈፀሙ የፖሊስ አባላት በቁጥጥር ስር ዉለዉ ምርመራ እየተጠራባቸው መሆኑን አስታውቋል።

በንፋስ ስልክ ላፍቶ ክፍለ ከተማ ወረዳ 2 ልዩ ቦታው ሚካኤል አደባባይ አካባቢ መስከረም 21 ቀን 2014 ዓ/ም ከቀኑ 5፡00 ሰዓት ም/ኢ/ር ጃፋር አሊ እና ኮንስታብል መስፍን በተለ የተባሉ የቆሬ አካባቢ ፖሊስ ጣቢያ አባላት አንዲትን ግለሰብ በአስነዋሪ ሁኔታ በመደብደባቸው በቁጥጥር ስር ውለው ጉዳያቸው እየተጠራ እንደሚገኝ ፖሊስ ገልጿል።

"ህዝብን በሰብአዊነት ማገልገል የአዲስ አበባ ፖሊስ መርህ መሆኑ እየታወቀ ነገር ግን አንዳንድ አመራሮችና አባላት ይህን መርህ በመተላለፍ የሚፈፅሙት ህገ-ወጥ ድርጊት ተቋሙ አይታገስም" ያለው ፖሊስ በ2013 የበጀት ዓመት በልዩ ልዩ ጥፋት ላይ የተገኙ 171 የፖሊስ አመራሮችና አባላት ከሰራዊቱ እንዲሰናበቱ መደረጉን ገልጿል።

ከስራ ከተሰናበቱት 29ኙ ከሰብአዊ መብት ጥስት ጋር በተያያዘ መሆኑን የአዲስ አበባ ፖሊስ አሳውቋል።

ፖሊስ ህግን በመተላለፍ ጥፋት በሚፈፁም አባላትና አመራሮች ላይ የሚወስደውን እርምጃ አጠናክሮ እንደሚቀጥል አስታውቆ ህብረተሰቡ እንዲህ ዓይነት ከፓሊስ የሙያ ስነ-ምግባር ውጪ የሆኑ ድርጊቶች በሚፈፀሙበት ወቅት በፍጥነት ጥቆማ እንዲያደርግ ጥሪ አቅርቧል።

ግለሰቧን በደበደቡ የፖሊስ አባላት ላይ አስፈላጊውን እርምጃ ተወስዶ ውጤቱን ለህዝብ አሳውቃለሁ ብሏል አዲስ አበባ ፖሊስ።

@tikvahethiopia

" ድርጊቱ አስደንግጦናል፤ ረብሾናል " - ኢሰመኮ

በሁለት ፖሊስ አባላት ድብደባ ሲፈፀምባት የነበረችው እናት በልመና የምትተዳደር ሲሆን አጠገቧ የነበረችውም ልጇ ናት።

ድርጊቱ "ጀሞ ሚካኤል መብራት" አካባቢ የተፈፀመ መሆኑን የንፋስ ስልክ ላፍቶ ክፍለ ከተማ ፖሊስ መምሪያ ገልጿል።

የኢትዮጵያ ሰብዓዊ መብት ኮሚሽን (ኢሰመኮ) በድርጊቱ ክፉኛ መደንገጡን እና መረበሹን አሳውቋል።

የኢሰመኮ ዋና ኮሚሽነር ዶክተር ዳንኤል በቀለ ለሸገር ኤፍ ኤም በሰጡት ቃል ፥ "የተመለከትነው ቪድዮ በጣም የሚረብሽና የሚያስደነግጥ ነው" ያሉ ሲሆን ኮሚሽኑ የተሟላ መረጃ ለማግኘት እየሰራ መሆኑን እና ክትትሉም እንደሚቀጥል አስረድተዋል።

አ/አ ፖሊስ እንዳሳወቀው ሁለቱ የፖሊስ አባላት በቁጥጥር ስር ውለው ምርመራ እየተጣራባቸው ይገኛል።

@tikvahethiopia

#Update

የደቡብ ክልል ምክር ቤት አዲስ መንግስት ምስረታ ጉባኤ የኢፌዴሪ ፌዴሬሽን ምክር ቤት አባላትን በመምረጥ ተጠናቋል።

በሌላ በኩል ምክር ቤቱ በክልሉ ፕሬዝዳንት አቶ ርስቱ ይርዳው የቀረቡ የካቢኔ አባላትን ሹመት ያፀደቀ ሲሆን ከካቢኔ አባላቱ መካከል 3ቱ ከተፎካካሪ ፓርቲ ናቸው።

ከዚህ በተጨማሪ የክልሉ ም/ቤት 25 የቢሮ አደረጃጀቶችን ያፀደቀ ሲሆን ራሱን ችሎ መዋቅር የነበረው የእንስሳት እና አሳ ሃብት ቢሮ ከነመሉ ተግባሩ ወደ ግብርና ቢሮ ተካቷል።

* ከላይ የተያያዘው ሹመታቸው በክልል ም/ቤት የፀደቀላቸው የካቢኔ አባላት ሙሉ ስም ዝርዝር እና የ25ቱ የቢሮ አደረጃጀቶች ዝርዝር ነው።

@tikvahethiopia

" ሁለቱ የፖሊስ አባላት ሰኞ ፍርድ ቤት ይቀርባሉ " - ጠቅላይ ዐቃቤ

በኢ.ፌ.ዲ.ሪ ጠቅላይ ዐቃቤ ህግ የንፋስ ስልክ ላፍቶ ቅርንጫፍ ጽ/ቤት በቁጥጥር ስር እንደዋሉ የተገለፀው የልጅ እናቷን ሴት የደበደቡት እና ያንገላቱት ሁለቱ የፖሊስ አባላት #ሰኞ ፍርድ ቤት እንደሚቀርቡ አሳውቋል።

ፅህፈት ቤቱ ከክፍለ ከተማው ፖሊስ ጋር በመሆን ምርመራው በአስቸኳይ በማጠናቀቅ ሰኞ ፍርድ ቤት እንደሚቀርቡ ገልጿል።

@tikvahethiopia

" ምክር ቤቱ ኢትዮጵያ ላይ ማዕቀብ የመጣል ዕድሉ ዝቅተኛ ነው " - ዲፕሎማቶች

ኢትዮጵያ 🇪🇹 በህገወጥ ድርጊቶች ላይ ተሳትፈዋል ያለቻቸውን 7 የተባበሩት መንግስታት ድርጅት (UN) ሰራተኞችን በ72 ሰዓት ሀገሪቱን ለቀው እንዲወጡ ማዘዟ ይታወቃል።

ተመድ የኢትዮጵያ መንግሥት ባልደረቦቼን ከሀገር የማባረር መብት የለውም ብሏል።

የድርጅቱ የሕግ ክፍል በተመድ ለኢትዮጵያ ልዩ መልዕክተኛ በፃፈው ማስታወሻ ፥ "መንግሥት ማድረግ የሚችለው፣ ለተመድ ቅሬታውን አቅርቦ በምትካቸው ሌሎች እንዲላኩለት መጠየቅ ብቻ ነው " ብሏል።

ግለሰቦቹ በሀገሪቱ የውስጥ ጉዳይ ጣልቃ ስለግባታቸው ማስረጃ አልቀረበልኝም ሲል አክሏል።

ድርጅቱ ውሳኔውን ያልተቀበለው፣ የዲፕሎማቲክ ከለላ ያላቸውን ግለሰቦች ከሀገር የማባረር መብት በሀገራት ላይ እንጅ በተመድ ላይ ተግባራዊ ሊሆን አይችልም በማለት ነው።

መንግሥት ለግለሰቦቹ የሰጠው የጊዜ ገደብ ዛሬ የሚያበቃ ሲሆን ሃላፊዎቹ በሀገሪቱ እንደሚቆዩ የተመድ ቃል አቀባይ ተናግረዋል።

ትላንት ለሊት የተመድ ፀጥታው ምክር ቤት በትግራይ ጉዳይ እና የተመድ ሃላፊዎች ከኢትዮጵያ የመባረር ውሳኔ ላይ በዝግ መክሮ ነበር።

ቻይና እና ሩሲያ ጉዳዩን በዝርዝር ማጤን እንደሚያስፈልግ እና የትግራዩ ግጭት የውስጥ ጉዳይ መሆኑን በመግለጻቸው ምክር ቤቱ ኢትዮጵያ ላይ ማዕቀብ የመጣል ዕድሉ ዝቅተኛ እንደሆነ ዲፕሎማቶች ተናግረዋል።

Credit : www.wazemaradio.com
Source :
https://www.reuters.com/world/africa/un-decries-ethiopia-expulsions-says-52-million-need-aid-tigray-2021-10-01/ & Associated Press

@tikvahethiopia

#Irreecha2014

ዛሬ በቢሾፍቱ የሆራ ሀርሰዲ ኢሬቻ በዓል በመከበር ላይ ይገኛል።

በዓሉ ባለፈው ዓመት ልክ እንደ ሆራ ፊንፊኔ ኢሬቻ በዓል ሁሉ በኮቪድ-19 ምክንያት በአነስተኛ የሰው ቁጥር የተከበረ ሲሆን የዛሬው በዓል ላይ ከፍተኛ የሰው ቁጥር ተገኝቷል።

የበዓሉ ተሳታፊዎች ከለሊት ጀምሮ በዓሉ ወደሚከበርበት ስፍራ በማቅናት በዓሉን እየከበሩት ይገኛሉ። የበዓሉ ታዳሚዎች በባህላዊ ልብስ ተውበው ፥የተለያዩ ባህሉን የሚገልፁ ዜማዎችን በማዜም በዓሉን በድምቀት እያከበሩት ነው።

ኢሬቻ የሰላም፣ የእርቅ፣ የይቅርታ መገለጫ በዓል ነው።

Baga ayyaana Irreecha nagaan geessan !
እንኳን ለኢሬቻ በዓል በሰላም አደረሳችሁ!

@tikvahethiopia

#BaankiiRaammis

ትላንት መስከረም 22 ቀን 2013 ዓ.ም ራሚስ ባንክ የመስራች ጉባኤውን በኢሊሊ ሆቴል አካሂዷል።

በጉባኤው ላይ 13 የቦርድ አባላት ምርጫ የተካሄደ መሆኑ ታውቋል።

ብሄራዊ ባንክ 500 ሚሊየን ብር የተከፈለ ካፒታል በማሟላት በምስረታ ላይ ያሉ ባንኮች ተገቢውን የመስራች ሂደት አልፈው በ6 ወር ውስጥ ማለትም እስክ ጥቅምት 2 ድረስ ማመልከቻ እንዲያቀርቡ መግለፁ ይታወቃል።

ከወለድ ነፃ አገልግሎት የሚያቀርበው ራሚስ ከ700 ሚሊየን ብር በላይ የተከፈለ ካፒታል አለው።

በቀነ ገደቡ የማይመጡ አዳዲስ ባንኮች የመመስረቻ ካፒታል 5 ቢሊየን ይሆናል።

Credit : Capital Newspaper

@tikvahethiopia