探監日常 by金毛豬admin

今日又探左富仔，佢呢排真係唔係幾開心呀，無論係自己嘅事定係案件上面。都同佢傾咗好耐開解咗佢，雖然佢都未必聽得入耳嘅，就希望佢唔會亂諗嘢啦….

佢本身性格其實都係唔太樂觀，好多嘢諗嗰啲人嚟嘅，真係唯有多啲開解下。始終佢又係自己一個困（因為Cat A ，即係甲級犯，如罪成刑期10年+) 真係好易亂諗嘢嘅。

我同佢講返我哋Channel暫時嘅營運成果，佢都話覺得開心嘅因為真係知道有人係支持自己，會希望大家可以繼續支持佢哋咁樣。知道自己並唔係被拋棄嘅。話說早前入咗啲書俾佢睇，佢唔鍾意退返出嚟囉…揀飲擇食…🥲

講起日常嘢嘅時候諗返起我哋以前出去玩出去食嘢，出去打通宵機…佢話都唔知幾時可以有返呢啲生活，其實都好想再同我哋同大家一齊玩一齊開飯...坐緊監真係覺得好寂寞同好悶…

其實真係越聽越心悒。我又何嘗唔想呢，但係我哋而家可以做到嘅只有繼續支持，希望早日可以出返嚟。

牆內嘅手足無論係還押，泊正，其實都係冤獄，我哋目前冇任何辦法可以幫到…只能夠持續關注同支持，千祈唔好放棄佢哋任何一個。寫信又好，課金又好、幫手買物資又好、旁聽送車又好，做到嘅就盡做啦。

因為條友仔唔係幾鍾意收到啲陌生人嘅信，佢話唔知可以回乜好，所以如果大家想同佢交流下，可以留言，我會負責講俾佢聽，等佢知道原來仲有好多人支持佢！

附上喺網吧教人打機嘅富仔😂
*
*
*

請多多支持三粒星嘅Patreon
https://www.patreon.com/saamlapsing

#save12hkyouths
#saamlapsing
#Threestars

三粒星 Saam Lap Sing

18-6-2021 by金毛豬admin

今日係12人其中9人既妨礙司法公正案件，上庭見到大家都精神，同旁聽師都有眼神接觸同揮手。之前有講過上庭嘅時候都估唔到咁多人嚟支持，佢哋真係會覺得好開心㗎～

多謝大家支持佢地，多謝各位同路人關注佢地。辛苦各位旁聽，追車，今日天口咁熱真係辛苦晒大家，聽到好多唔同嘅名，聽到有手足嗌3粒星，真係好感動😭呀謙、銘裕同埋富仔一定聽到，收到晒大家嘅支持！ 多謝大家冇放棄過佢哋！就算其他手足都要支持呀！

子麟生日快樂💛
多謝今日好心姨姨派蘋果報紙俾我哋💛
可以做到嘅我哋都要盡做！

下次呢單case會係
2021年7月6日14:30 灣仔區域法院
希望各位旁聽師同追車師都可以持續關注支持，真心多謝各位🙇🏼‍♂️

追完車記得要食嘢飲多啲水啊！
*
*
*

請多多支持三粒星嘅patreon

#save12hkyouths
#saamlapsing
#Threestars

https://www.patreon.com/saamlapsing

三粒星 Saam Lap Sing

19-6-2021 探監日常 by 金毛豬admin

今日又探富仔喇，佢心情好咗啲，冇再咁為案件煩惱了。今日問咗佢有冇嘢想同大家講，佢話都係老土嘢啦，好多謝大家支持佢哋，明白大家嘅心意，佢會盡量令自己充實啲🤣 開始冇咁負面㗎喇佢。

另外因為見到大家留言就問佢想睇咩書。佢竟然話想要教科書！！想要大學year 1嘅教科書，佢想自學下。

佢本身其實係讀會計嘅，但係佢同我講話唔想再讀Account啦。我自己覺得可惜嘅，因為其實之前返學Acc富仔測驗功課都好高分㗎…

不過唔緊要啦我覺得佢想學其他嘢係好事！可以令佢有更多時間放喺學業上面，唔再亂諗嘢。所以希望大家如果有咩year 1嘅教科書可以留低先！不過寫左嘢就唔得，懲教唔比入有寫過嘢嘅書。

佢叫我提大家記得留意下6/7嗰一堂案件。話到時佢哋上庭嘅時候大家一定會笑佢地🤣🤣大家可以到時再睇！不過唔包一定得㗎！係低B嘢而唔係犯法野大家可以放心。

今次附上我哋以前食糖水嘅相，我哋班朋友有個名㗎，叫「劣食糖水團」。因為我哋次次食嘅嘢都好難食，糖水都係…但係我哋同富仔約好咗㗎啦，話到時出返嚟一齊去食返以前食過最難食嘅雞煲同埋糖水🤣好期待嗰一日！佢仲話好驚食到嘔添🤣

*
*
*

請多多支持三粒星嘅Patreon
#save12hkyouths
#saamlapsing
#Threestars

https://www.patreon.com/saamlapsing

三粒星 Saam Lap Sing

27-6-2021 金毛豬admin

成個星期冇見富仔啦～今日一入去見佢係到笑我，話我好似樣衰左🥲一星期冇見，佢精神左好多呀～之前既唔開心已經冇曬嚕～

佢頭髮長左，問佢幾時剪頭髮，佢話唔剪要留長….富仔留長頭髮真係…到時應該笑死我🤣🤣

近排落雨多，佢話成間房都好潮濕，個天花板直頭滴水，滴到就嚟水浸😂佢已經係一樓都水浸。真係唔敢諗樓上啲手足點…真係落雨又衰，焗熱都係衰..

佢嚟緊想學下其他野呀、唔知大家有冇心理政治或者化學嘅書呢～化學佢話最好係中學俾佢由頭自學下～佢都唔係幾記得晒～

同埋都想問吓大家有冇16到19/20既DSE中英數、物理生物化學嘅試題同答案～佢想喺入邊做～話想溫返以前啲嘢～ 或者數學練習書
數學佢想係level 3或者4以上嘅程度

佢本身數學都幾勁…諗住讚下佢又笑我數學廢…成日喺度笑我串我🥲果然係爛兄爛弟🤣🤪

**書或練習係唔可以寫/畫過嘢，同埋硬皮書都唔得嫁！

附上我哋以前上堂喺度玩啤牌嘅時光🤣

*
*
*

請多多支持三粒星嘅Patreon
https://www.patreon.com/saamlapsing
#save12hkyouths
#saamlapsing
#Threestars

三粒星 Saam Lap Sing

探監日常 by 金毛豬admin

又一個星期冇見富仔喇！上次佢話留長頭毛，又真係冇剪過喎！其實佢有講過話入面剪頭髮位仁兄唔太識剪，剪到勁核突所以情願留長🤣

佢好精神呀，早兩三星期啲唔開心好似都消失晒lu~ 見返佢由心嘅笑臉

近排改咗可以入啲冰涼毛巾俾在囚人士，其他手足我唔知啦，佢自己就話好似冇咩料到喎😂寧願要多啲普通毛巾，因為佢成日沖涼（懷疑佢唔知幾時開始有潔癖🤣）不過有都好過冇呀！幫到幾多得幾多！

近排條友仔忙於睇書，佢話文筆好嘅書都要睇…所以有啲書入咗俾佢兩下就出返嚟🥲話好難睇..越嚟越腌尖啦條友🥲

我有問佢使唔使睇漫畫，佢又話好喎，不過要慢慢print出嚟寄俾佢😂諗起佢要拎住一頁一頁紙黎睇都想笑，應該會睇到好辛苦🤣

臨走之前佢叫我貼埋玻璃牆，仲以為有咩緊要事要講，點知佢係同我講我近排樣衰咗...呢條友真係博打，試吓成個禮拜唔去睇佢懲罰下佢先🥲

多謝大家嘅書先，佢收到㗎！所以頭先就話佢忙於睇書～萬分感謝🙇🏼‍♂️

另外有樣嘢想大家幫幫手嘅就係希望大家寫信比佢哋，佢哋個個都想收信呀，不過就唔想要太籠統嗰啲…香港人加油啊...手足撐住嗰啲佢哋唔想收到啦，佢哋想收啲係筆友d嘅～例如分享下日常嘢啊，奇聞趣事嗰啲！入面冇得上網嫁～平時碌ig fb 睇到咩都可以同佢哋傾下！如果大家想寫信嘅可以PM我哋安排嫁

成日話我樣衰 等我放你個樣衰樣上嚟先雖然大家都係睇唔到🤣
*
*
*

請多多支持三粒星嘅Patreon
#save12hkyouths
#bringthemallback
#saamlapsing
#Threestars
#yanlegobrother

https://www.patreon.com/saamlapsing

三粒星 Saam Lap Sing