ወጋገን ባንክ “እፎይታ” የተሰኘ የዲጂታል ብድር አገልግሎት መስጠት መጀመሩን አስታወቀ።

ወጋገን ባንክ ከክፍያ ፋይናንሻል ቴክኖሎጂ ጋር በመተባበር  “እፎይታ” የተሰኘ የዲጂታል ብድር አገልግሎት መስጠት መጀመሩን አስታውቋል።

በኢትዮጵያ ወደ 3.2 ሚሊዮን የሚጠጉ አስተኛ እንዲሁም 7.8 ሚሊዮን ጥቃቅን የንግድ ዘርፍ ላይ የተሰማሩ ዜጎችን የስራ ማስኬጃ ካፒታል እጥረት ያጋጥማቸዋል።

ይህ የዲጂታል ብድር አገልግሎትም በዋናነት በጥቃቅን አነስተኛ እና መካከለኛ የንግድ ስራ ላይ ለተሰማሩ ነጋዴዎች የንግድ ማስፋፊያ እና የስራ ማስኬጃ ካፒታል ለማሟላት ያለመ ነው ተብሏል።

በተለንም በገንዘብ እጥረት ምክንያት ሥራ መጀመር ተስኗቸው በዝቅተኛ የኑሮ ደረጃ ውስጥ ለሚገኙ በርካታ ሴቶች ፋይናንስ በማቅረብ እራሳቸውን እንዲችሉ ትልቅ እድል እንደሚፈጥር ታምኖበታል።

አገልግሎቱን ለመጠቀም ደንበኞች ማንነታቸውን የሚገልፅ መረጃ በማሟላት በባንኩ ሂሳብ መክፈት እንዲሁም የእፎይታ ብድር አገልግሎት የሞባይል መተግበሪያን ከፕሌይስቶር በማውረድ የብድር ጥያቄያቸውን በማቅረብ የአገልግሎቱ ተጠቃሚ መሆን ይችላሉ።

#ወጋገን_ባንክ