#Senegal , #Dakar📍

ሴኔጋል ድል አድራጊውን ብሄራዊ ቡድን ተቀብላለች።

የ33ኛው የአፍሪካ ዋንጫ አሸናፊ የሆነው የሴኔጋል ብሄራዊ ቡድን የሴኔጋል ርዕሰ መዲና ዳካር ሲገባ ደማቅ አቀባበል ተደርጎለታል።

የሴኔጋል ፕሬዜዳንት ማኪ ሳልና ሌሎች ከፍተኛ ባለስልጣናት ኤርፖርት በመገኘት ቡድኑን ተቀብለዋል።

የዳካር ነዋሪዎችም ግልብጥ ብለው አደባባይ በመውጣት ለድል አድራጊው ብሄራዊ ቡድናቸው ደማቅ አቀባበል አድርገዋል።

@tikvahethsport

#Update

ትላንትና ለሊት ግብፅ ፣ ካይሮ የገቡት የጅቡቲው ፕሬዜዳንት እና የግብፅ ፕሬዜዳንት አብዱል ፈታህ አል ሲሲ ዛሬ ውይይት አድርገዋል።

በውይይታቸው ላይ ሀገራችን #ኢትዮጵያ በአባይ ወንዝ ላይ እየገናባችው ስላለው ታላቁ የኢትዮጵያ ህዳሴ ግድብ መነሳቱ ታውቋል።

ከውይይቱ በኃላ በተሰጠ መግለጫ ላይ አብዱል ፈታህ አልሲሲ ሀገራቸው ግብፅ አሁንም በህዳሴ ግድብ ላይ አስገዳጅ ስምምነት እንደምትፈልግ ከዚህ በፊት ሲናገሩት የነበረውን ንግግር አንስተው ተናግረዋል።

የመሪዎቹ ውይይት ከሀገራችን የህዳሴ ግድብ በተጨማሪም በቀይ ባህር እና በአፍሪካ ሰላም እና ደህንነት በተለይም የአፍሪካ ቀንድ ጉዳይ ላይ ያተኮረ ውይይት ማድረጋቸው ተሰምቷል።

የሁለትዮሽ ትብብራቸውን ለማጠከቀር ያለመም ውይይት አድርገዋል።

የጅቡቲ ፕሬዜዳንት ኢስማኤል ኦመር ጌሌህ ከፕሬዜዳንት አብዱል ፈታህ አል ሲሲ ጋር የተደረገው ውይይት ገንቢ እና ፍሬያማ መሆናቸውን ገልጸው፣ “የሁለትዮሽ ግንኙነታችንን በሁሉም ደረጃ ማጠናከርና ማሳደግ በሚቻልበት ሁኔታ ላይ” መምከራቸውን ስለመናግረራቸውን AFP ዘግቧል።

@tikvahethiopia

ስለ አሚና መሐመድ የአማራ እና የትግራይ ክልል ጉብኝት ምን ተባለ ?

የተባበሩት መንግሥታቱ ድርጅት ምክትል ዋና ፀሐፊ አሚና መሐመድ በጦርነቱ የተጎዱ የአማራና የትግራይ ክልል ከተሞችን ጎብኝተዋል። እንዲሁም ከክልል አመራሮች ጋር ተገናኝተዋል።

አሚና ባለፈው እሁድ በአማራ ክልል ኮምቦልቻን የጎበኙ ሲሆን ጦርነቱ በሕዝቡ በተለይ በሴቶችና በህፃናት ላይ ያደረሰውን አስከፊ ጉዳት ማየታቸውን ተመድ አስታውቋል።

በሆስፒታሎች፣ በሁለተኛ ደረጃ ትምህርት ቤቶች፣ በገበያ ስፍራዎች እና በሌሎች አካባቢዎች ላይ የደረሰውን ዘረፋና ውድመት የተመለከቱ ሲሆን የአማራ ክልል ምክትል ፕሬዚዳንትን ጨምሮ ሌሎችንም ባለሥልጣናትን አግኝተዋል።

ከኮምቦልቻ ጉብኝታቸው በኋላ ጦርነቱ ብዙ ያስከፈለ መሆኑን ገልጸው ሰላም ብቸኛ አማራጭ እንደሆነ ተናግረዋል "የኢትዮጵያን ሕዝብ ሰላም እንዲያገኝ መርዳት አለብን" ሲሉም ተናግረዋል።

ከኮምቦልቻ ቀጥለቅ ወደ ትግራይ ክልል፣ መቐለ ያቀኑት አሚና በጦርነቱ በሴቶችና በህፃናት ላይ ያደረሰውን አስከፊ ገፅታ ተመልክተዋል።

ግጭቱን በሰላማዊ መንገድ ለመፍታት እና ለኢትዮጵያውን የሚያመጣውን እፎይታን በተመለከተ ከዶ/ር ደብረፅዮን ገ/ሚካኤል ጋር መወያየታቸው ንተመድ ገልጿል።

አሚና በተመድ የሚደገፈውንና ከወሲባዊ ጥቃት የተረፉ ሴቶችን ጨምሮ ሁሉን አቀፍ ድጋፍ የሚያደርገውን የአይደር ሆስፒታልን ጎብኝተዋል።

" በግጭት ውስጥ አሸናፊዎች እንደሌሉ " በመጥቀስ ወሲባዊ ጥቃት የተረፉ ሴቶቹ ታሪኮች ሊነገሩ እንደሚገባ አፅንኦት ሰጥተዋል።

በሁለቱ ክልሎች ከሴቶች እንዲሁም ከተማሪዎች ጋር ባደረጉት ቆይታ የተመድ ወሲባዊ እንዲሁም ፆታን መሰረት ላደረጉ ጥቃቶችን እንደማይታገስ አፅንኦት በመስጠት ተናግረዋል።

አሚና ወሲባዊ ጥቃት ለደረሰባቸው ሴቶች አጋርነታቸውን ገልፀዋል።

በጦርነቱ ምክንያት በሴቶች ላይ የደረሰውን ግፍ እና በደል እንዲሁም አካላዊና ሥነ ልቦናዊ ጉዳት ለማቃለል ተመድ መፍትሄ በማፈላለግ ድጋፉን አጠናክሮ እንደሚቀጥል ተናግረዋል።

ሴቶች ካለባቸው ህመም እንዲፈወሱ በተሃድሶ እና በመልሶ ማቋቋም ሥራዎች ውስጥ እንዲካተቱም አመራሮቹን አሳስበዋል።

በተጨማሪ ተመድ በኢትዮጵያ ውስጥ የሚደረገውን የሰላም ጥረትም ይደግፋል ብለዋል።

#UnitedNations

@tikvahethiopia

#ችሎት

እነ አቶ አብዲ ኢሌ ተቃውሞ አሰሙ።

ዛሬ ፌደራል ከፍተኛ ፍ/ቤት ልደታ ምድብ 2ኛ የፀረ-ሽብር እና የህገ መንግስታዊ ጉዳዮች ወንጀል ችሎት የቀረቡት የቀድሞ የሱማሌ ክልል ፕሬዝዳንት አቶ አብዲ መሀመድ ኡመር (አብዲ ኢሌ) ጨምሮ 17 ተከሳሾች ተቃውሞ አሰምተዋል።

እነ አቶ አብዲ ኢሌ ከኛ ጋር ታስረው የነበሩት እስረኞች ተፈተው እኛ የምንታሰርበት ምክንያት የለም ሲሉ ነው ተቃውሞ ያሰሙት።

አቶ አብዲ መሀመድ እጃቸውን በማንሳት ይህን ተናግረዋል ፦

" ከዚህ በኋላ ፍርድ ቤት አንቀርብም እኛ ከስር ከተፈቱ ግለሰቦች የተለየ ምንም ወንጀል አልፈጸምንም። ስለዚህ ሌሎች ዕስረኞች ተፈተው እኛ ታስረን ፍርድ ቤት የምንቀርብበት ምክንያት የለም።

ከአማራ፣ ከቤኒሻንጉል ጉሙዝ ፣ ከትግራይ እና ከሌሎችም ከተፈጸመው ወንጀል የኛ በምን ይለያል ?

ግድያ በተፈጸመበት ሁኔታ ሌሎች ሳይጠየቁ እኛ ብቻ የምንታሰርበት ጉዳይ የለም። ስለዚህ ከዛሬ ጀምሮ እኛ ፍርድ ቤት አንቀርብም። ፍርድ ቤቱ የራሱን ውሳኔ ይስጥበት "

ከሳሽ አቃቤ ህግ ፍርድ ቤቱ በጉዳዩ ላይ አስተያየት ይስጥበት እና ክርክሩ ይቀጥል ሲል ችሎቱን ጠይቋል።

ፍርድ ቤቱ ከእስር የተፈቱ እስረኞችን ክስ ያቋረጠው ፍትህ ሚኒስቴር መሆኑን ገልጿል።

አስተያየታቸዎውን ለፍትህ ሚኒስቴር ማቅረብ እንደሚችሉ የገለጸው ፍርድ ቤቱ በጉዳዩ ላይ መርምሮ ተገቢውን ትዛዝ ለመስጠት ለፊታችን ሀሙስ የካቲት 3ቀን ተለዋጭ ቀጠሮ ሰቷል።

(የመረጃ ባለቤት ፦ ጋዜጠኛ ታሪክ አዱኛ)

ያንብቡ : https://telegra.ph/Abdi-Muhamud-Omer-02-08

#EthiopianCatholicChurch

የኢትዮጵያ ካቶሊካዊት ቤተከርስቲያን የማህበራዊና ልማት ኮሚሽን የሴቶችን የኑሮ ሁኔታ ለማሻሻል በርካታ ስራዎችን ታከናውናለች፡፡

በዚህም በአዲስ አበባ ሀገረስብከት የልማት ማስተባበሪያ ጽህፈት ቤት ከአጋር ድርጅቶች ጋር በመተባበር “የከፍተኛ ትምህርት ተመራቂ ሴቶች የስራ ተወዳዳሪነትን ማሻሻል ለተሻለ የስራ እድል ተጠቃሚነት” በሚል መነሻ ሃሳብ ጥናታዊ ፕሮጅክት ለማካሄድ በሀገር አቀፍ ደረጃ ማቀዷን ለቲክቫህ ኢትዮጵያ አሳውቃለች።

የጥናቱ ዋነኛው ዓላማ ምሩቃን ሴቶችን በስራ ዝግጁነት ስልጠና በማሰልጠን የስራ እድል መረጃዎችን በማቅረብ እና ልዩ ልዩ ድጋፎችን በመስጠት እና በማብቃት የስራ ተወዳዳሪነታቸውን መጨመር መሆኑ ተገልጿል።

ሂደቱ ለሴቶች ተቃሚነት ያለውን ሚና በጥናት በማስረዳት ለፖሊሲ ግብዓት በመሆን ያገለግላል ተብሏል። ጥናቱ ከሚካሄድባቸው ስፍራዎቸ የአዲስ አበባ ከተማ አንዱና ዋነኛው መሆኑ ተገልጿል

ጥናታዊ ፕሮጀክቱ በአ/አ ከ2009 ጅምሮ እስከ 2013 ዓ.ም ባለው የትምህርት ዘመን ከታወቀ ዩኒቨርስቲዎች ተመርቀው መደበኛ የሥራ ዕድል ያላገኙ 662 ሴት የመጀመሪያ ዲግሪ ተመራቂዎችን ያሳትፋል፡፡

በመቀጠልም ይህ ፕሮጀክት ለ 441 ሴት ምሩቃን በግልጽ ሂደት ተመርጠው የስልጠናዎች እና የሥራ እድል መረጃ በመስጠት ተጨማሪ ድጋፎች ያደርጋል፡፡

( ዝርዝር መስፈርቶች ፣ የመመዝገቢያ ቦታ እና ተጨማሪ መረጃዎች ከላይ ተያይዟል )

@tikvahethiopia

የ245 ሺህ ብር ሽልማት አሸናፊዎች 👏

ከአሳ ተረፈ ምርት (ከአሳ ቆዳ) በመጠቀም #ሎሽን የሰሩት የባህርዳር ዩኒቨርሲቲ የአምና ምሩቃን በስራ እና ክህሎት ሚኒስቴር በተዘጋጀው የስራ ፈጠራ ውድድር ላይ የ245 ሺህ ብር አሸነፊ ከሆኑት መካከል ይጠቀሳሉ።

" ሬይ ኮስሞቲክስ " ከአሳ ቆዳ ሎሽን በማዘጋጀት አንደኛ የአካባቢን ንፅህን በመጠበቅ በሌላ በኩል ለተገልጋዮች አሁን ላይ ገበያ ላይ ካሉት ሎሽኖች ለየት ያሉ ጠቅሞችን የሚያሰጥ እንደሆነ ተገልጾልናል።

እስካሁን ወደ ምርት እንዳልገቡ የተናገሩት የሬይ ኮስሞቲክስ አባላት በባህር ዳር ዩኒቨርሲቲ ግቢ ስር እዳሉ አሳውቀዋል። ወደ ሽያጭ እና ወደ ምርት ለመግባት ግን ስራዎችን እየሰሩ መሆኑን ገልፀዋል።

የሬይ ኮስሞቲክስ መስራች እና የፕሮዳክሽን ማነጀር ራውላ ኤፍሬም የስራ ፈጠራ ውድድሩ ላይ በመወዳደር የ245 ሺህ ብር አሸናፊዎች መሆን መቻላቸውን ገልፃለች።

ከሶስት ሳምንት በፊት አሸናፊ ቢሆኑም እስካሁን ግን ብሩ እጃቸው ላይ እንዳልደረሰ ጠቁመውናል።

@tikvahethiopia

#SidamaRegion

የሲዳማ ክልል " ጠቅላላ ሀኪሞች " ን በክልሉ ስር ባሉ የጤና ተቋማት አወዳድሮ መቅጠር ይፈልጋል።

👉 የሙያ አይነት - ጠቅላላ ሀኪም
👉 የት/ት ደረጃ - የመጀመሪያ ዲግሪ
👉 የወር ደመወዝ - 9,056 ብር
👉 ብዛት - 126 (አንድ መቶ ሀያ ስድስት)
👉 የስራ ልምድ - 0 ዓመት ( #ዜሮ_ዓመት)
👉 የመመዝገቢያ ቀን - ከ1/06/2014 ዓ/ም እስከ 10/06/2014 ዓ/ም (10 ተከታታይ የስራ ቀን)
👉 መመዝገቢያ ቦታ -የሲ/ክ/ጤ/ቢሮ ሰው ሀብት ልማት ቢሮ ቁጥር 3
👉 ሁሉም ተወዳዳሪዎች ከታወቀ ከመንግስት ዩኒቨርሲቲ የተመረቀ/የተመረቀች የሙያ ፍቃድ/ላይሰንስ ያለው/ያላት

ማሳሰቢያ ፦

1ኛ. ሁሉም ተወዳዳሪዎች በክልሉ ባለው የጤና ተቋም በዕጣ ተመድቦ ለመስራት ፍቃደኛ መሆን አለባቸው።

2ኛ. ሁሉም ተወዳዳሪ የት/ት ማስረጃ ኦርጂናል እና የማይመለስ ኮፒ ማቅረብ አለበት።

(መዕክቱን ለሌሎች share ያድርጉ / Copy አድርገው ያሰራጩ)

@tikvahethiopia