#Update

• " ... ከመሬት ጋር በተያያዘ ከሳሽም ተከሳሽም ቤተክርስቲያኗ አይደለችም " - አዲስ ኪዳን ካህናት ቤተክርስቲያን

• " የድሆችን የምስኪኖችን ቤት አስፈረሰ፤ አፈናቀለ የተባለው ፍፁም ሀሰት ከዚህም አለፈ ሲል የስም ማጥፋት ወንጀል ነው ጉዳዩን ወደ ህግ ወስጄዋለሁ " - አገልጋይ ዮናታን አክሊሉ

• " ቤቶችን ያፈረሱት የመንግስት ኃይሎች በኃይል ፣ በጉልበት እና ህግን ባልተከተለ መልኩ ነው። አሁንም ቢሆን ህግ ይከበር ነው እያልን ያለነው። የተበደሉት ሁሉ ፍትህ ያግኙ " - ነዋሪዎች

ከቀናት በፊት በአዲስ አበባ ፤ ገርጂ ኮርያ ሆስፒታል አካባቢ የሚኖሩ ነዋሪዎች ለማስፋፊያ በሚል ቤታቸው ህግን በጣሰ አካሄድ እንደፈረሰባቸው ቅሬታ ማቅረባቸው ይታወሳል።

ከጉዳዩ ጋር በተያያዘ በማህበራዊ ሚዲያ ብዙ ሲባል ቆይቷል። ከዚህ ጋር በተያያዘ ስሟ የተነሳው የአዲስ ኪዳን ካህናት ቤተክርስቲያን ምላሽ እና ማብራሪያ ሰጥታለች።

የአዲስ ኪዳን ካህናት ቤተክርስቲያን የአምልኮ ቦታ ከመጠየቀ በዘለለ የዜጎችን ቤት እንዲፈርስ እንዳላደረገች ገልፃለች።

ቤተክርስቲያኗ የሰዎችን ቤት የማፍረስ እና አፍራሽ ግብረኃይልን የማዘዝ አንዳችም ስልጣን እንደሌላት ገልፃለች።

በተጨማሪም ፤ ቤተክርስቲያኗ ከመሬት ጋር በተያያዘ ከሳችም ተከሳሽም እንዳልሆነች፣ የወሰደችው ቦታ ሆነ ዶክመት እንደሌለ እና በቤተክርስቲያን እጅ የሚገኘው የካቢኔ ውሳኔ ብቻ መሆኑን አስገንዝባለች።

በዚህም የሰው ቤት እንዲፈርስ የምታዝበት መብትም ሆነ ስልጣን እንደሌላት ግልፅ አድርጋለች።

" መንግስት የወሰንኩላችሁ ቦታ ይሄ ነው ተረከቡና አምልኩ መብቱ ነው፣ ተገቢውን ቤት፣ ካሳ ሰጥቶ በህግ አግባብ ፣ በመመሪያ እና በአሰራር ማድረግ ያለበትን ማድረግ መብቱ ነው ቦታው ለቤተክርስቲያኗ አይገባም ማለትም መብቱ ነው፣ ወደ ሌላ ቦታ ሂዱ ማለት እንዲሁ የመንግስት መብት ነው ቤተክርስቲያኗ አንዳችም ነገር አያገባትም ፤ በመንግስት አሰራር ውስጥም ጣልቃ አልገባችም " ስትል አስገዝባለች።

አካሄዱ ትክክል ሆነ ስህተት ምንም እንደማያገባት ገልፅ አድርጋለች።

ቤተክርስቲያኗ ምንም ስለማይመለከታት በመንግሥት ጉዳይ እና ስራ ውስጥ ገብታ በዝርዝር ማብራራት እንደማይጠበቅባት ገልፃለች።

ያንብቡ ⬇️
https://telegra.ph/Tikvah-Ethiopia-06-27

@tikvahethiopia

#Peace

የተደራዳሪ ቡድኑ !

የሰሜን ኢትዮጵያ ጦርነት #በሰላም_ድርድር እንዲፈታ ገዢው የብልፅግና ፓርቲ ውሳኔ ማሳለፉ ይታወቃል።

በዚህም መሰረት በፌዴራል መንግሥት በኩል የሰላም ተደራዳሪ ቡድን መሰየሙ ተረጋግጧል።

የቡድኑ አባላት ፦

1ኛ. አቶ ደመቀ መኮንን ➡️ ሰብሳቢ
2ኛ. ዶ/ር ጌድዮን ጢሞቲዎስ ➡️ አባል
3ኛ. አቶ ተመስገን ጥሩነህ ➡️ አባል
4ኛ. አምባሳደር ሀሰን አብዱልቃድር ➡️ አባል
5ኛ. አምባሳደር ሬድዋን ሁሴን ➡️ አባል
6ኛ. ሌ/ል ጀኔራል ብርሀኑ በቀለ ➡️ አባል
7ኛ. ዶ/ር ጌታቸው ጀምበር ➡️ አባል መሆናቸውን የኢፕድ ዘግቧል።

@tikvahethiopia

" አሶሳ ሰላም ናት "

የቤንሺንጉል ጉሙዝ ክልል ፤ መዲና የሆነችው አሶሳ ሰላም መሆኗን እና ህብረተሰቡ ማህበራዊ ሚዲያዎች ላይ በመሰራጩ ሀሰተኛ መረጃዎች ሳይደናገጥ ለክልሉ ሰላም የድርሻውን እንዲወጣ ጥሪ ቀርቧል።

ክልሉ አሶሳ ላይ የፀጥታ ችግር እንደተፈጠረ ተደርጎ መሰረተቢስ እና ሀሰተኛ መረጃ በማህበራዊ ሚዲያ ላይ እየተሰራጨ ነው ብሏል።

ነገር ግን ከተማይቱ ውስጥ አንዳችም የፀጥታ ችግር እንዳልተፈጠረና ፤ እንደ ወትሮ ሁሉ የከተማው ነዋሪ ሰላማዊ እንቅስቃሴ ላይ እንደሚገኝ ገልጿል።

ነዋሪዎችም ማህበራዊ ሚዲያዎች ላይ በሚሰራጩ ሀሰተኛ እና መሰረተቢስ መረጃዎች ሳይደናገጥ ለክልሉ ሰላም መረጋገጥ የበኩሉን ድርሻ እንዲወጣ ጠይቋል።

@tikvahethiopia

#ቅሬታ

በአዲስ አበባ ከተማ ፤ የላዳ ታክሲዎቻቸው በአዲስ እንደሚቀየርላቸው ቃል የተገባላቸው አሽከርካሪዎች እስከ አሁን ምላሽ አላገኙም።

መንግሥት ከኤል አውቶ መኪና አስመጭ ድርጅት ጋር በመነጋገር የላዳ ታክሲዎች በአዲስ እንደሚቀየርላቸው ተነግሯቸው የነበረ ቢሆንም፣ ምላሽ ማግኘት እንዳልቻሉ የላዳ ታክሲ አገልግሎት ሰጪ አሽከርካሪዎች ቅሬታ አሰምተዋል።

የላዳ አገልግሎት ሰጪ አሽከርካሪዎች 30 በመቶ ቅድሚያ ክፍያ ከባንክ ጋር በማገናኘት ክፍያውን ከፈጸሙ በኋላ አዲስ ታክሲ እንደሚሰጣቸው እና 70 በመቶውን በየወሩ እየሠሩ ከሚያገኙት ገቢ ላይ እንደሚከፍሉ ተነግሯቸው ነበር። ሆኖም የታዘዙትን ክፍያ ከመፈፀም ባለፈ ተግባራዊ የተደረገላቸው ነገር የለም።

አንድ ስማቸው እንዲጠቀስ ያልፈለጉ የኤል አውቶ መኪና አስመጪ ድርጅት ሰራተኛ፤ ድርጅቱ ለመቀየር የተስማማቸውን መኪኖች ለማስመጣት ሥራ የጀመረ ቢሆንም፣ ሥራ ከጀመረ በኋላ አዲስ መመሪያ እና ለውጥ በመውጣቱ በመንግሥት በኩል ከቀረጥ ነፃ እንዲገቡ የተፈቀዱ መኪኖች ታግደው ከወደብ ማውጣት እንዳልቻሉ ተናግረዋል።

ችግሩን ለመቅረፍ ከሚመለከታቸው አካላት ጋር እየተነጋገሩ መሆኑን አስታውቀዋል።

የአዲስ አበባ የትራንስፖርት ቢሮ የሕዝብ ግንኙነት ዳይሬክተር እፀገነት አበበ በበከላቸው ቢሮው የላዳ ታክሲ አገልግሎት ሰጪ አሽከርካሪዎች እና ታክሲ የሚያቀርቡ ድርጅቶችን የሚስማሙበትን ሂደት የመፍጠር ኃላፊነት ተወጥቷል ብለዋል።

ይህም አሽከርካሪዎች 30 በመቶ ቅድሚያ ክፍያ እንዲፈፅሙ እና 70 በመቶ እየሠሩ የሚከፍሉበትን ሂደት ተነጋግረው እንዲስማሙ የሚያስችል እድል እንደፈጠረ እና መስማማት ላይ መድረሳቸውን ኃላፊዋ ገልፀዋል።

ምንጭ፦ አዲስ ማለዳ ጋዜጣ (https://addismaleda.com/archives/29249)

@tikvahethiopia

#ቹ

በዓለም በስፋት (በተናጋሪ ብዛት) ከሚነገሩ ቋንቋዎች በአንደኝነት የሚቀመጠውን፣ የተባበሩት መንግስታት የስራ ቋንቋ የሆነውን፣ ቻይንኛ ቋንቋን ይማሩ!!

ቹ * ቻይንኛ እና ቻይንኛ ብቻ የሚማሩበት የከተማችን የቋንቋ ት/ቤት ነው፡፡
*ለተማሪዎች በክረምት ወቅት የሚሰጥ ልዩ ፕሮግራም አዘጋጅተናል።

አድራሻ፡
*ቦሌ፡ ፋንቱ ሱፐር ማርኬት አካባቢ፣ ሳይ ኬክ ቤት ያለበት ህንጻ፣ 1ኛ ፎቅ
*ስታድየም፡ ትንሸዋ ስታድየም ጀርባ፣ ናሽናል ታወር ፣ 3ኛ ፎቅ
*አያት 49 የአየር መንገድ ቤቶች ፊት ለፊት ማይ ፕላዛ ህንጻ፣ 1ኛ ፎቅ
ለበለጠ መረጃ በ 0947202020 ይደውሉ፡፡