#Update

የጤና ሚኒስትር ዶ/ር ሊያ ታደሰ በዛሬው ዕለት መግለጫ ሰጥተዋል።

ዶ/ር ሊያ በመግለጫቸው በአፋር እና በአማራ ክልሎች በህወሓት የወደሙ የጤና ተቋማትን መልሶ ሥራ ለማስጀመር በተደረገ እንቅስቃሴ እስካሁን 64 የሚሆኑ የጤና ተቋማት በድጋሚ አገልግሎት እንዲሰጡ ማድረግ መቻሉን መናገራቸውን ዋልታ ዘግቧል።

በሁለት ክልሎች ላይ የወደሙ የጤና ተቋማትን መልሶ ሥራ ለማስጀመር እና ለማደራጀት በተለያዩ መንገዶች የሀብት ማሰባሰብ ሥራ እየተከናወነ እንደሚገኝ ሚኒስትሯ ጠቁመዋል።

በሌላ በኩል ዶ/ር ሊያ ታደሰ በመግለጫቸው የኮቪድ-19 ወረርሽኝ ሥርጭት በከፍተኛ ሁኔታ በመሰራጨት ላይ እንደሚገኝ ገልፀዋል።

ህብረተሰቡ ለኮቪድ-19 ወረርሽኝን የመከላከያ እንደሁም የመቆጣጠሪያ መንገዶችን መተግበሩ ላይ ከፍተኛ መዘናጋት እያሳየ እንደሆነ አመልክተዋል።

@tikvahethiopia

ቪድዮ : ወደ ድብድብና ቡጢ መሰናዘር የተቀየረው የጋና ፓርላማ ክርክር 👊

ከቀናት በፊት ሰኞ በጋና ፓርላማ በኤሌክትሮኒክ ግብይት ላይ ሊጣል በታቀደ ታክስ ላይ ፓርላማው ለሁለት ተከፍሎ ከፍተኛ ክርክር ሲደረግ ነበር።

ይኸው ክርክር ወደ ከፍተኛ ፍጥጫ ተቀይሮ ተከራካሪዎቹ ወደ ድብድብ እና ቡጢ🤜 🤛መሰናዘር አድርሷቸዋል ፤ የፓርላማው ክስተት ከፍተኛ መነጋገሪያ ሆኖ ነው ያለፈው።

በዚህ ጥል አንድ ሰው መጎዳቱ ተሰምቷል።

@tikvahethiopia

#Attention

የአስቸኳይ ጊዜ ዐዋጅ ዕዝ ዛሬ ማምሻውን ባደረገው ስብሰባ የአስቸኳይ ጊዜ ዐዋጅ አፈጻጸሙን ገምግሟል፡፡

ዕዙ ከግምገማው በኃላ የተለያዩ ትዕዛዝትን አስተላልፏል።

* ከላይ ያንብቡ !

@tikvahethiopia

#Awaqi

⚡️ምንም ቢሆን ምንም ⚡️
አላማችንን ለማሳካት ወደፊት እንራመድ ✊🏾
.
.
የተለያዩ ለወጣቶች የተዘጋጁ የህይወት ክህሎቶችን እና የስራ እድሎችን ለማግኘት አዋቂን ይቀላቀላሉ 👇🏾

Follow @awaqiethiopia

👇🏾Join our Telegram Channel
https://publielectoral.lat/+oIKaBr97Xn40OGM0

#USA

አሜሪካ የኢትዮጵያ ሀገር መከላከያ ሰራዊት ወደ ትግራይ ክልል እንደማይቀጥል መገለፁን እንደምትቀበለው በአፍሪካ ጉዳዮች ቢሮ በኩል አስታውቃለች።

ሀገሪቱ ፥ የኢትዮጵያ መንግስት የአየር ጥቃትን እንዲያቆም እና ኤርትራ ጦሯን ከኢትዮጵያ እንድታስወጣ በድጋሚ ጥሪያችንን እናቀርባለን ብላለች።

አሜሪካ ፥ በኢትዮጵያ ግጭት ውስጥ ያሉ ሁሉም ወገኖች ጦርነቱን ማቆም፣ የሰብዓዊ መብት ጥሰቶች እንዲያበቁ ማድረግ፣ ሰብዓዊ አቅርቦቶችን መፍቀድ ፣ ለመደራደርም መቀመጥ አለባቸው ብላለች።

ለግጭቱ ምንም አይነት የወታደራዊ መፍትሄ የለም ስትል አሜሪካ በአፍሪካ ጉዳዮች ቢሮ በኩል ገልፃለች።

@tikvahethiopia

#Update😷

የኮቪድ-19 ቀውስ ዓለም አቀፍ መረጃ፦

🇮🇹 ጣሊያን ከቤት ውጪ የአፍና አፍንጫ መሸፈኛ (ማስክ) ማድረግ ግዴታ አድርጋለች።

🇪🇨 ኢኳዶር የኮሮና ቫይረስ ክትባትን መከተብ አስገዳጅ አድርጋለች።

🏴󠁧󠁢󠁳󠁣󠁴󠁿 ስኮትላንድ የኮቪድ-19 ወረርሽኝ ስርጭት ለመዋጋት ከሚቀጥለው ሳምንት ጀምሮ የምሽት ክለቦችን እንደምትዘጋ አስታውቃለች።

🇦🇪 የተባበሩት አረብ ኤሜሬትስ ከኮቪድ-19 ስጋት ጋር በተያያዘ ከኢትዮጵያ፣ ኬንያ፣ ታንዛኒያ እና ናይጄሪያ ወደሀገሯ የሚገቡ ተጓዦችን አግዳለች።

🇪🇸 የስፔኗ ካታሎኒያ የኮቪድ-19 ወረርሽኝ ስርጭትን ለመዋጋት ከገና ዋዜማ ጀምሮ የምሽት የሰዓት እላፊ ገደብ ልታውጅ መሆኗ ታውቋል።

🇩🇰 ዴንማርክ ወደሀገሯ የሚገቡ መንገደኞች የኮቪድ-19 ምርመራ ነፃ ውጤት ማቅረብ እንዳለባቸው አሳውቃለች።

🇲🇦 የሞሮኮ መንግስት በአገር አቀፍ ደረጃ የጤና አስቸኳይ ጊዜ አዋጅ እስከ ጥር 31 (እኤአ) አራዝሟል።

🇷🇺 በሩሲያ በኮቪድ-19 የሞቱ ሰዎች ቁጥር ከ600,000 አልፏል። በሩሲያ የ600,434 ሰዎች ሞት የተመዘገብ ሲሆን ይህ በዓለም አቀፍ ደረጃ ከአሜሪካ (813,000 ሞት) እና ብራዚል (618,000 ሞት) ቀጥላ 3ኛ ደረጃ ላይ እንድትቀመጥ አድርጓታል።

🇪🇹 በሀገራችን ኢትዮጵያ ኦሚክሮን መከሰት አለመከሰቱን ለማረጋገጥ ናሙና በመውሰድ ምርምር እየተካሄደ ነው።

🌎 የዓለም ጤና ድርጅት የኮሮና ቫይረስ የኦሚክሮን ዝርያ በዓለም ዙሪያ መስፋፋቱን የቀጠለ መሆኑን እና በርካታ አገሮች ይህን በፍጥነት እየተሰራጨ የሚገኘውን ኦሚክሮን ልውጥ ቫይረስ ሪፖርት እያደረጉ መሆኑን አመልክቷል። እስከ ሰኞ ድረስ ባለው በ106 አገራት ልውጡ ቫይረስ መገኘቱ ተረጋግጧል።

@tikvahethiopia

#ችሎት

ላምሮት ከማል በነጻ ተሰናበተች።

ፍ/ቤቱ ዛሬ ከሰዓት ጥፋተኛ በተባለችበት አንቀጽ በ3 ወር ቀላል ዕስራት እንድትቀጣ የወሰነ ሲሆን ከቅጣቱ በላይ በዕስር በመቆየቷ በነጻ እንድትሰናበት አዟል።

ተከሳሿ በቁጥጥር ስር ከዋለችበት ከሰኔ 23 ቀን 2012 ዓ /ም ጀምሮ 3 ወራት በፖሊስ ጣቢያ 1 አመት ከ5 ወራት ደግሞ በማረሚያ ቤት በዕስር መቆየቷን ተከትሎ ነው በነጻ ከስር እንድትሰናበት ነው የተወሰነው።

ላምሮት ከማል በመጀመሪያ ከተከሰሰችበት አርቲስት ሀጫሉ ሁንዴሳ እንዲገደል የግድያ ቦታ ማመቻቸት ሽብር ወንጀል በቂ ማስረጃ አልቀረበም ተብሎ በዚሁ ፍርድ ቤት በነጻ መሰናበቷ ይታወቃል።

ዓቃቤህግ ነጻ መባሏን በመቃወም ለጠ/ፍ/ ቤት ይግባኝ መጠየቁን ተከትሎ የይግባኝ ሰሚ ችሎቱ መዝገቡን መርምሮ የስር ፍርድ ቤት የነጻ ውሳኔን በመሻር ላምሮት ከማል አርቲስት ሀጫሉ ሁንዴሳ በሽጉጥ በተመታበት ጊዜ በቸልተኝነት እርዳታ ባለመስጠት በወንጀል ህግ አንቀጽ 575 ንዑስ ቁ 1 እንድትከላከል ትዛዝ የሰጠ ሲሆን።

መዝገቡ ወደ መደበኛ ፍርድ ቤት ከተመለሰ በኋላም እንድትከላከል በዠየተደረገ አንቀጽ ዋስትና አያስከለክልም ሲል ችሎቱ በ5 ሺህ ብር ዋስ ከዕስር እንድትፈታ ወስኖ ከስር ተፈታ ነበር።

መከላከያ እንድታቀርብ በተሰጠ ቀጠሮ በጽፈት ቤት ቀርባ በጽሁፍ መከላከያ ማስረጃ የለኝም በዓቃቢህግ ባሰማው ማስረጃ ይፈረድብኝ ስትል ፍርድ ቤቱን ጠይቃ ነበር።

በዚህ ጥያቄ መሰረት የፌደራል ከፍተኛ ፍርድ ቤት ሁለተኛ የፀረ ሽብርና የህገመንግስታዊ ጉዳዮች ወንጀል ችሎት ትናንት በነበረ ቀጠሮ እንድትከላከል በተባለችበት አንቀጽ መከላከል ባለመቻሏ የጥፋተኝነት ፍርድ በመስጠት በይደር ለቅጣት ውሳኔ መቅጠሩ ይታወሳል።

በዚህም ፍ/ቤቱ በዛሬ ቀጠሮ ዓቃቤ ህግ ወንጀሉ በጭካኔ እና በለሊት የተፈጸመ መሆኑን ጠቅሶ ያቀረበውን የቅጣት ማክበጃ ውድቅ አድርጓል።

ተከሳሿ የቀደመ የወንጀል እሪከርድ እንደሌለባትና የልጅ እናት መሆኗን ጠቅሳ ያቀረበችውን የቅጣት ማቅለያ አስተያየት ፍርድ ቤቱ ተቀብሏታል።

በሶስት (3) ወር ቀላል እስራት እንድትቀጣ የወሰነ ቢሆንሞ ከቅጣት ውሳኔው በላይ በስር ማሳለፏ ተጠቅሶ በነጻ እንድትሰናበት ተደርጓል።

ምንጭ፦ ጋዜጠኛ ታሪክ አዱኛ

@tikvahethiopia

#DebreBrehan

' ትምህርት ሠኞ ይጀምራል '

በደብረ ብርሃን ከተማ ተፈናቃዮች ተጠልለውባቸው በነበሩ ትምህርት ቤቶች ከሰኞ ጀምሮ የመማር ማስተማር ሂደቱ እንደሚቀጥል የከተማ አስተዳደሩ ትምህርት ፅህፈት ቤት ማሳወቁን ፋና ዘግቧል።

ህወሓት በአማራ ክልል ላይ በከፈተው ጦርነት ከተለያዩ አካባቢዎች የተፈናቀሉ ወገኖችን በመጠለያነት ሲያገለግሉ የነበሩ ትምህርት ቤቶች ከሰኞ ጀምሮ በተያዘላቸው መርሃ ግብር ሁሉም የመማር ማስተማር ሂደታቸውን ይቀጥላሉ ተብሏል።

አሁን ላይ ለት/ ቤቶቹ ተገቢው የፅዳት ስራ ተሰርቶላቸውና መሟላት ያለባቸው ቅድመ ሁኔታዎች ስለተሟሉ ተማሪዎች በመማሪያ ክፍላቸው በመገኘት ትምህርታቸውን እንዲከታተሉ ጥሪ ቀርቧል።

በደብረ ብርሀን ከተማ ሶስት አንደኛ ደረጃ እና ሶስት ሁለተኛ ደረጃ ትምህርት ቤቶች፥ በአጠቃላይ በስድስት የትምህርት ተቋማት ተፈናቃዮች ተጠልለው ይገኙ እንደነበር ፋና ብሮድካስት በዘገባው አስታውሷል።

@tikvahethiopia