የሩሲያ እና የNATO ፍጣጫ ወዴት ያመራ ይሆን ?

" ተጨባጭ የሆነ ወታደራዊ አጸፌታ ጀምሬያለሁ " - NATO

ሩስያ እና የሰሜን አትላንቲክ ጦር ቃል ኪዳን ድርጅት /NATO/ ጦራቸውን ወደ ዩክሬን ድንበር ማስጠጋታቸው በአካባቢው ላይ ወታደራዊ ፍጥጫ ከምን ጊዜውም በላይ እንዲያይል አድርጓል።

ሩስያ ጦሯን ወደ ዩክሬን ድንበር በማንቀሳቀሷ NATO ተጨባጭ የሆነ ወታደራዊ አጸፌታ ጀምሬያለሁ ብሏል።

ይህንንም " Die Welt "የተሰኘው በጀርመንኛ ቋንቋ የሚታተመው መጽሄት ዘግቧል።

አንድ የNATO ዲፕሎማት ጠቅሶ እንደዘገበው ከሆነ የድርጅቱ ተወርዋሪ አጥቂ ጦር ቁጥር በአካባቢው ጨምሯል። " የጦር ጫፍ " በሚል የሚታወቀው የNATO አጥቂ ኃይል ከሰኞ ጀምሮ ባሉት 5 ቀናት ውስጥ በተጠንቀቅ እንዲቆም ትእዛዝ ተሰጥቶታል።

ጦሩ የተጠንቀቅ ትእዛዝ የተላለፈለት በእነዚህ 5 ቀናት ውስጥ ወደ ግጭት ቀጠና ሊሰማራ ይችላል በሚል ነው።

ይሄው ጦር በአሁኑ ወቅት በሚቀጥሉት 7 ቀናት ለግዳጅ ዝግጁ ሆኖ እንዲቆይም ተነግሮታል።

ምዕራቡ ዓለም ሩስያ ዩክሬንን ልትወር እያሴረች ነው ሲል ይከሳል።

ሩስያ በበኩሏ አሜሪካ እና NATO በምስራቅ በኩል የሚያደርጉት መስፋፋት ለመገታቱ ዋስትና ሊሰጠኝ ይገባል ትላለች።

ይህ በእንዲህ እንዳለ ፦ በሩስያ እና አሜሪካ መካከል በሚቀጥሉት ጥቂት ቀናት ውስጥ የአካባቢው ደህንነትን በሚመለከት ውይይት ሊኖር እንደሚችል ተጠቁሟል።

ውይይቱ በአዲስ ዓመት (እ.ኤ.አ. 2022) የመጀመሪያ ወር ከNATO ጋርም ይደረጋል ተብሏል።

ምንጭ፦ ዶቼ ቨለ

@tikvahethiopia

#UPDATE

የሱዳን ጠ/ሚ አብደላ ሀምዶክ የስልጣን መልቀቂያ ለማስገባት የደረሱበትን የውሳኔ ሀሳብ ማጠፋቸው/ማንሳታቸው ተሰምቷል።

ከሳዑዲ ጋዜጣ ላይ እንዳነበብነው ጠቅላይ ሚኒስትሩ ስልጣናቸውን ለመልቀቅ የደረሱበትን የውሳኔ ሀሳብ አንስተውታል።

ጠቅላይ ሚኒስትር አብደላ ሀምዶክ ሀሳባቸውን ያነሱት ከሌ/ጄኔራል አብዱል ፈታህ አል ቡርሃን ጋር ውይይት ካደረጉ በኃላ መሆኑን ጋዜጣው ምንጮቹ እንደነገሩት አስነብቧል።

በሌላ በኩል የአሜሪካ 🇺🇸 አፍሪካ ጉዳዮች ቢሮ ዛሬ ከጠ/ሚ አብደላ ሀምዶክ እና ከአል ቡርሃን ጋር ጠቃሚ ውይይት ለማድረግ እድል በማግኘቱ አመስግኖ " አሜሪካ የሱዳን መሪዎች የሱዳንን ህዝብ የነጻነት ፣ የሰላም እና የፍትህ ምኞት ለማሳካት አስፈላጊውን እርምጃ እንዲወስዱ ማበረታቷን ቀጥላለች ሲል " ገልጿል።

ትላንት ምሽት የሱዳኑ ጠ/ሚ አብደላ ሃምዶክ በሰዓታት ውስጥ ስልጣን ለመልቀቅ እንዳሰቡ ለፖለቲከኞች ቡድን መናገራቸውን ሮይተርስ ለሃምዶክ ቅርብ ከሆኑ 2 ምንጮች መስማቱን መዘገቡ ይታወሳል።

@tikvahethiopia

#AGOA

ኢትዮጵያ በAGOA ላይ እንድትቆይ ተሰሚነት ያላቸው የኮንግረስ መሪዎች ለአሜሪካ ፕሬዜዳንት ጆ ባይደን ደብዳቤ አስገቡ።

የኢትዮጵያ-አሜሪካውያን የዜጎች ም/ቤት ኢትዮጵያ በAGOA እንድትቆይ ግፊት እያደረገ ይገኛል።

ይህን ተከትሎ ለዋይትሃውስ ድምፃቸውን እንዲያሰሙ በማድረግ በኩል ከፍተኛ ተሰሚነት ያላቸው ኮንግረስ መሪዎች የም/ቤቱን ደብዳቤ ተከትሎ ለፕሬዜዳንት ባይደን ኢትዮጵያ በAGOA ላይ እንድትቆይ ደብዳቤ አስገብተዋል።

@tikvahethiopia

ችሎት !

አርቲስት ሀጫሉ ሁንዴሳ በሽጉጥ በተመታበት ወቅት በቸልተኝነት እርዳታ እንዳያገኝ ባለማድረግ ወንጀል ላምሮት ከማል ጥፋተኛ ተባለች።

የጥፋተኝነች ፍርዱን የሰጠው የፌደራል ከፍተኛ ፍርድ ቤት ልደታ ምድብ 2ኛ የፀረሽብርና የህገመንግስታዊ ጉዳዮች ወንጀል ችሎት ነው።

ከሳሽ ዓቃቢህግ ተከሳሿ ከአንድ የኦነግ ሸኔ አባል ጋር ሜክሲኮ አካባቢ በመገናኘት መንግስትን ከስልጣን ለማውረድ ታዋቂ ሰዎችን ለማስገደል ማቀዳቸውንና ከነዚህ ታዋቂ ሰዎች መካከል አርቲስት ሀጫሉ ሁንዴሳ መሆኑን ግለሰቡ ገልጿላት አርቲስት ሀጫሉ ሁንዴሳ እንዲገደል ቦታ እንድታመቻች በተነጋገሩት መሰረት የግድያ ቦታ አመቻችታለች ብሎ ክስ አቅርቧባት የነበረ ሲሆን ፍርድ ቤቱ ግን የተከሰሰችበት ወንጀል በቂ ማስረጃ አልቀረበም ሲል በነጻ አሰናብቷት ነበር።

ዓቃቢህግ በውሳኔው ቅር በመሰኘት ለጠቅላይ ፍርድ ቤት 2ኛ ይግባኝ ሰሚ ችሎት ይግባኝ ያለ ሲሆን ይግባኙን የመረመረው የጠቅላይ ፍርድ ቤት የስር ፍ/ቤት ነጻ በማለት የሰጠውን ውሳኔን በመሻር አርቲስት ሀጫሉ በሽጉጥ በተከሳሽ ጥላሁን ያሚ ተመቶ ደም ሲፈሰው በቸልተኝነት እርዳታ እንዲያገኝ ባለማድረግ የወንጀል ህግ አንቀጽ 575 ንዑስ ቁ1 በመተላለፍ እንድትከላከል ትዛዝ ሰቶ ነበር።

ይህን ትዕዛዝ ተከትሎ ለመደበኛ ፍርድ ቤት ተከሳሿ መከላከያ ማስረጃ የለኝም ዓቃቢህግ ባሰማው ማስረጃ ይፈረድብኝ ማለቷን ተከትሎ ፍ/ቤቱ ዛሬ በቸልተኝነት ሰውን ባለመርዳት በወንጀል ህግ አንቀጽ 575 ንዑስ ቁ1 በመተላለፍ የጥፋተኝነት ፍርድ ተሰቶባታል።

ተከሳሿ 1 ገጽ ቅጣት ማቅለያ በጽሁፍ አቅርባለች።

ፍ/ቤት የቅጣት ውሳኔ ለመስጠት በይደር ቀጥሯል። ተከሳሽ ላምሮት ከማል የቅጣት ውሳኔ እስኪሰጥ እስከ ነገ ፖሊስ ጣቢያ እንድትቆይ ታዟል።

ምንጭ፦ጋዜጠኛ ታሪክ አዱኛ

@tikvahethiopia

" ከማሽከርከራችሁ በፊት የተሽከርካሪያችሁን ደህንነት ፈትሹ ፤ ተገቢውን ጥንቃቄም አድርጋችሁ አሽከርክሩ " - ፖሊስ

በደብረ ማርቆስ ከተማ አስተዳደር በደረሰ የትራፊክ አደጋ በአንድ ሰው ላይ ከባድ የአካል ጉዳት ደረሰ።

በዛሬው ዕለት በደብረ ማርቆስ ከተማ ከጠዋቱ 1፡4ዐ ላይ ቀበሌ ዐ5 ልዩ ቦታው ታቦቱ መውረጃ መስቀለኛ መንገድ አካባቢ ከከተማው ወደ ኬላ መስመር ይጓዝ የነበረ ኮድ (3) የሰሌዳ ቁጥር 20975 የሆነ የህዝብ ማመላለሻ አይሱዙ ተሽከርካሪ ልጆችን ትምህርት ቤት ለመሸኘት ከመንገድ ውጭ በቆመች አንድ ግለሠብ በሁለት እግሯ ላይ ከባድ ጉዳት አድርሷል።

ተጎጂዋ ደ/ማርቆስ ሪፈራል ሆስፒታል ገብታ የህክምና እርዳታ እየተደረገላት ይገኛል።

አሽከርካሪው አደጋውን ካደረሠ በኃላ በመሠወሩ ተጠርጣሪውን በቁጥጥር ስር ለማዋል አስፈላጊውን ክትትል እያደረገ መሆኑን የደብረ ማርቆስ ከተማ አስተዳደር ፖሊስ አስታውቋል።

የደ/ማርቆስ ፖሊስ አሽከርካሪዎች ከማሽከርከራቸው በፊት የተሽከርካሪያቸውን ደህንነት እንዲፈትሹ እና ተገቢውን ጥንቃቄ አድርገው እንዲያሽከረክሩ መልዕከት አስተላልፏል።

@tikvahethiopia

#MinistryFinance

በሀገሪቱ 🇪🇹 ኢኮኖሚ ላይ የደረሰውን ጉዳት መልሶ ለመገንባት የሚያስችል እና ዜጎች ለማቋቋም የሚውል አዲስ በጀት ሊያጸድቅ መሆኑን የገንዘብ ሚኒስቴር አስታወቀ፡፡

የገንዘብ ሚኒስትር አቶ አሕመድ ሽዴ በጠ/ሚ ጽ/ቤት በተዘጋጀው " የአዲስ ወግ " መርሃ ግብር ላይ መስሪያ ቤታቸው በጦርነት ምክንያት የተጎዳውን ኢኮኖሚ ለማካካስ ብሎም መልሶ ለመገንባት ተጨማሪ በጀት እንደሚጠይቅ ተናግረዋል፡፡

የሚያስፈልገው ገንዘብን በገንዘብ ሚኒስቴር በኩል ተሰርቶ ረቂቁ ለሚኒስትሮች ምክር ቤት መቅረቡን አስታውቋል።

አቶ አህመድ ሽዴ በቅርቡ ለህዝብ ተወካዮች ምክር ቤት እንደሚቀርብም የገለፁ ሲሆን ከጸደቀ በቀጥታ ወደ ስራ እንደሚገባ መናገራቸድን አል ዓይን ድረገፅ አስነብቧል።

#አልዓይን

@tikvahethiopia

#Amhara #Tigray #Afar

የዓለም ጤና ድርጅት በኢትዮጵያ 🇪🇹 በግጭት በተጎዱ ክልሎች ላለው የጤና እና ሰብዓዊ ፍላጎቶች ምላሽ እየሰጠ መሆኑን አሳውቋል።

የዓለም ጤና ድርጅት አካላት ከ2 ቀን በፊት #በአማራ ክልል የወደሙ ሆስፒታሎችን በአካል የተመለከቱ ሲሆን የ2 ሚሊዮን ሰዎችን አስቸኳይ የጤና ፍላጎት ለማሟላት ወደ 100 ሜትሪክ ቶን የሚጠጋ መድሀኒትና የህክምና ቁሳቁሶችን እንዳስረከቡ ድርጅቱ ገልጿል።

ተጨማሪ የህክምና ቁሳቁሶች ወደ #አፋር ፣ #ትግራይ እና ሌሎችም ክልሎች መላኩን ድርጅቱ አመልክቷል።

@tikvahethiopia