" ... በራሳቸው ምክንያት ካልሆነ በስተቀር የአየር ድብደባውና የሰብአዊ እርዳታ ጫኝ አውሮፕላን እንቅስቃሴ አይገናኝም " - ዶ/ር ለገሰ ቱሉ

ዛሬ ሮይተርስ 2 የሰብአዊ እርዳታ ሰራተኞችን ጠቅሶ እንደዘገበው፤ የተመድን የሰብአዊ እርዳታ የጫነ አውሮፕላን መንግስት በትግራይ ክልል ባካሄደው የአየር ድብድባ ምክንያት መቐለ ማረፍ አልቻለም ብሏል።

ሮይተርስ በዚህ ጉዳይ ሁለት ሰማቸው እንዳይጠቀስ የፈለጉ ሰዎችን ማናገሩን ጠቅሷል።

ይህንን ጉዳዩን በተመለከተ ለአል ዐይን ቃላቸውን የሰጡት የመንግስት ኮሙኒኬሽን አገልግሎት ሚኒስትር ለገሰ ቱሉ (ዶ/ር) ፥ " በራሳቸው ምክንያት ካልሆነ በስተቀር የአየር ድብደባው እና የሰብአዊ እርዳታ ጫኝ አውሮፕላን እንቅስቃሴ አይገናኝም" ብለዋል።

“አንደኛ ሰዓቱ የተለያየ ነው” ያሉት ዶ/ር ለገሰ፤ “መዳረሻዎችም የተለያዩ ናቸው” ሲሉም ተናግረዋል።

ምንጭ፦ አል ዓይን
Photo : FILE

@tikvahethiopia

#ኢህአፓ : የኢትዮጵያ ህዝባዊ አብዮታዊ ፓርቲ አገራዊ ምክር ቤት አዲስ አበባ በሚገኘው ፅ/ቤቱ ለሶስት ቀናት ስብሰባ አድርጎ ነበር። ም/ቤቱ ቋሚ ኮሚቴው ባቀረበለት አጀንዳ ውይይት ካካሄደ በኃላ ከላይ የተያያዘውን መግለጫ አውጥቷል።

@tikvahethiopia

#UPDATE

አዲሱ የሀረሪ ክልል ምክር ቤት እያካሄደ በሚገኘው የመጀመሪያ ጉባኤ አቶ ኦርዲን በድሪ የክልሉ ርዕሰ መስተዳድር አድርጎ ሹሟል።

አቶ ኦርዲን በድሪ ላለፉት ሶስት አመታት የሀረሪ ክልልን በርዕሰ መስተዳድርነት መርተዋል።

በተጨማሪ መረጃ ፦ አቶ ሱልጣን አብዱሰላምን የምክር ቤቱ ዋና አፈጉባኤ ፤ አቶ አሪፍ መሀመድ አዱስ የክልሉ ምክር ቤት ምክትል አፈጉባኤ በመሆን ተሹመዋል፡፡

ምንጭ፦ የሀረሪ ክልል ኮሚኒኬሽን

@tikvahethiopia

#Balderas : ከታሰሩት የባልደራስ አባላት እና ደጋፊዎች መካከል 2ቱ በዋስ ሲለቀቁ 40ዎቹ ለሰኞ ተቀጥረዋል።

የእነ አቶ እስክንድር ነጋን የችሎት ውሎ ለመታደም የፌዴራሉ ከፍተኛ ፍ/ቤት ልደታ ምድብ 1ኛ የጸረ ሽብርና ሕገ መንግሥታዊ ጉዳዮች ወንጀል ችሎት በጥቅምት 11/2014 የሄዱ 42 የባልደራስ ለእውነተኛ ዴሞክራሲ ፓርቲ አባላትና ደጋፊዎች በትላንትናው ዕለት በፓሊስ መታሰራቸው መግለፁ ይታወሳል።

ባልደራስ ፓርቲ አባላቱ እና ደጋፊዎቹ የታሰሩት ፥ አቶ እስክንድር በእስር ቤት የደረሰባቸውን ድብደባ በችሎት ከሰሙ በኃላ እያለቀሱ ችሎቱን አቋርጠው ከችሎት ወጥተው በመንገድ ላይ እያኑ ነው ፖሊስ የታሰሩት ብሏል።

ታሳሪዎቹ ዛሬ ጠዋት 4 ሰዓት በአዲስ አበባ ከተማ የመጀመሪያ ደረጃ ፍ/ቤት ልደታ ምድብ ወንጀል ችሎት የቀረቡ ሲሆን ፖሊስ ተጠርጣሪዎቹ " ችሎት ውስጥ ረብሸዋል፣ ሲወጡ ደግሞ ፍትህ የለም ፣ መንግስት የለም በማለት ሁከት እና ብጥብጥ በመቀስቀስ " ሲንቀሳቀሱ መያዙን ገልጿል።

ከድርጊቱ ጋር በተያያዘ የምስክሮችን ቃለ ለመቀበል እና ማስረጃቸውን ለማሰባሰብ የ14 ቀን ተጨማሪ ጊዜ ቆጠሮ ጠይቋል።

የ42ቱ ተጠርጣሪዎች ጠበቆች ፖሊስ ያቀረበው የጊዜ ቀጠሮ አቤቱታ ውድቅ እንዲሆን ጠይቀዋል።

"በችሎት ውስጥ ተፈጸመ ለተባለው ድርጊት ፖሊስ የሚመለከተው ሳይሆን በወቅቱ ችሎቱ በራሱ ትዕዛዝ የሚሰጥበት ነው። ሆኖም ግን ችሎቱ ምንም አይነት ትዕዛዝ ባልሰጠበት ፖሊስ ያቀረበው አቤቱታ ተገቢ አይደለም" ብለዋል።

ከዚህም በተጨማሪ " ፖሊስ የጊዜ ቀጠሮ የጠየቀበት ምክንያት በሕግ ምንም አይነት ድጋፍ " የለውም በማለት የጊዜ ቀጠሮው ውድቅ እንዲሆን በመጠየቅ ከእስር እንዲለቀቁ ለፍ/ቤት ጥያቄ አቅርበዋል ።

ያንብቡ : telegra.ph/BALDERAS-10-22

@tikvahethiopia

ሻንጋይ ፋርማ በኢትዮጵያ ኢንቨስት ሊያደርግ ነው።

በቻይና ሀገር 2ኛው ግዙፍ የመድሃኒት አምራች እና አካፋፋይ "ሻንጋይ ፋርማ /Shanghai Pharma/ ኢትዮጵያ ውስጥ ኢንቨስት ለማድረግ ወስኗል።

ኩባንያው በኢትዮጵያ ውስጥ ያለውን የአዋጭነት ጥናት ካጠናቀቀ በኋላ ነው ኢንቨስት ለማድረግ ውሳኔ ላይ የደረሰው።

የሻንጋይ ፋርማ ኩባንያ ተወካዮች ከአንድ ሳምንት በፊት በቻይና ከኢትዮጵያ አምባሳደር ተሾመ ቶጋ ጋር ውይይት አድርገው ነበር።

የሻንጋይ ፋርማ ኢትዮጵያ ሥራ አስኪያጆች በቅርቡ ወደ ኢትዮጵያ ይመጣሉ ተብሎ ይጠበቃል።

@tikvahethiopia

#Amhara : የአሜሪካ መንግስት ግጭት ባለባቸው የአማራ ክልል አካባቢዎች በችግር ላይ ለወደቁ ወገኖች ሰብዓዊ ድጋፍ እንደሚያደርግ አሳውቋል።

በኢትዮጵያ የአሜሪካ አምባሳደር ጊታ ፓሲ ትላንት በአማራ ክልል መዲና ባህር ዳር ከአዲሱ የክልሉ ፕሬዜዳንት ዶ/ር ይልቃል ከፋለ ጋር ውይይት አድርገው ነበር።

በውይይቱ ወቅት ዶ/ር ይልቃል የትግራይ TPLF በአማራ ክልል በወረራቸው አካባቢዎች እየፈፀመ ነው ያሉትን ሰብዓዊ ቀውስ በዝርዝር እንዳስረዷቸው ተነግሯል።

ከውይይቱ በኃላ መግለጫ የሰጡ ጊታ ፓሲ ሀገራቸው አሜሪካ በአማራ ክልል ለችግር የተጋለጡ ወገኖችን እንደምትደግፍ ገልፀዋል።

አምባሳደር ጊታ ፓሲ በመግለጫቸው ይህ ብለዋል፦

"ከአዲሱ የአማራ ክልል ፕሬዜዳንት ጋር በአማራ ክልል ስላለው ሁኔታ በሰብዓዊ ድጋፍ እና በተለያዩ ጉዳዮች ላይ ተወያይተናል።

ሰብዓዊ ሁኔታውን የተመለከተ ግምገማም እንፈልጋለን፤ ከሰብዓዊ ድጋፍ አጋሮቻችን ጋርም ተገናኝተናል፤ በጣም አስፈላጊው ለኔ የማይረሳው በአማራ ክልል ከሚገኙ ተፈናቃዮች ጋር መገናኘት ነው።

ለተፈናቀሉ ወገኖች በሚደረገው ሰብዓዊና በቀጣይ ለማድረግ በሚቻልባቸው ጉዳዮች ላይ ተወያይተናል።

ግጭት ባለባቸው አካባቢዎች ያሉ ሰዎች ሁሉ ስቃይ ላይ ናቸው፤ የግጭቱ አካባቢ የትም ይሁን የትም።

በጦርነት እና በአለመረጋጋት ጊዜ የሚያጋጥም ስቃይ ድንበርን አያውቅም። ከተነጋገርንባቸው ጉዳዮች አንዱም ይሄ ነው።

ስቃዩ እንዲያበቃ ግጭቱ መቆም አለበት፤ ይህ የአሜሪካ መንግስት ብዙ ጊዜ የተናገረው ነው ልደግመው ፈልጋለሁ፤ለችግሩ ወታደራዊ መፍትሄ የለውም፤ የሆነ አይነት ውይይት፣ ስምምነት እና ተኩስ አቁም እንደሚኖር ተስፋ እናደርጋለን።

ድጋፍ የሚያስፈልጋቸው ኢትዮጵያውያን የትም ይሁኑ የትም አሜሪካ አስፈላጊውን ሁሉ ለማድረግ ዝግጁ ናት"

@tikvahethiopia

#Tolay : ዛሬ በጦላይ ማሰልጠኛ ማእከል መሰረታዊ የፖሊስ ስልጠና የወሰዱ ምልምል የፌደራል ፖሊስ ሰልጣኞች ተመርቀዋል።

በ20ኛ ዙር የተመረቁት ልዩ የፌደራል ፖሊስ ምልምል ሰልጣኞች በፌደራል ፖሊስ ታሪክ ከፍተኛውን ቁጥር የሚይዙና ሃገሪቱ ካለችበት ወቅታዊ ሁኔታ አንፃር የጠላትን የውስጥና የውጭ ጥቃት ለመመከት በፅንሰ-ሃሳብና በአካላዊ ብቃት በጥራት የሰለጠኑ ናቸው ተብሏል።

የኢ.ፌ.ዴ.ሪ ምክትል ጠ/ሚ እና የውጭ ጉዳይ ሚኒስትር ደመቀ መኮንን፣ የሰላም ሚኒስትሩ አቶ ብናልፍ አንዱአለም እንዲሁም የፌደራል ፖሊስ ኮሚሽን ኮሚሽነር ጄነራል ደመላሽ ገ/ሚካኤል እና ከፍተኛ የመከላከያ መኮንኖች በምርቃት ስነስርዓቱ ላይ ተገኝተው እንደነበር ኢብኮ ዘግቧል።

@tikvahethiopia