《候審師 003》

致各位同路人：

明天就是我的大日子了...自從星期初知道公司會用不義的方式處理我的事件後，整個世界好像停頓了，除了租金、家庭開支，還有家人的醫療開支，估唔到一間做了超過5年的公司會咁做...😔

處理完家中大小家務，影印足夠的求情信副本和覆點一次牆內需要的物資後，就好似沒其他事情可做，今早和家人食最後一次早餐的氣氛都比以往沉寂...

如果有幸從法庭正門行出來，我最希望飲一杯珍珠奶茶，返屋企瞓個晏覺，同屋企人食完晚飯後，到河邊輕鬆跑一圈，希望各位志同道合的你、你、同埋你一齊參與！

候審師 003

P. S. 最近在教會的whatsapp group聽到重新編曲的"足印"，令我回想起當年學結他的第一首歌就係"足印"，亦是唯一一首到現在仍然記得所有chord的一首歌。不論結果如何，我深信神會揹我經過！

初見

//上到法庭個臭格，都冇咩嘢做，好彩今次有申請帶書去睇，又攞咗啲氈砌到好舒服噉攤。喺臭格唔畀戴眼鏡，眼朦朦噉，未試過咁羨慕啲冇近視嘅人。//

//後來我諗我哋七點先開車走。對比兩個月前盛夏嘅時候，仍然有日照，仍然睇得清送車嘅大家嘅面孔，今次夜幕低垂，但仍然能夠睇到大家嘅點點燈光，即使今次架車行咗第二條路，仍然見到有人鍥而不捨噉趕上嚟，係一片漆黑之中燃亮我哋嘅路，不過真係要注意安全😟//

//分享生活點滴到咁上下又想講下經，啱啱寫到睇風景，腦入面浮現好多睇過嘅靚風景，有天朗氣清嘅日子喺尖沙咀海旁望維港、颱風前夕嘅下白泥火燒雲、有震震海風吹拂嘅西環碼頭……

睇風景嘅時候，總係可以忘記時間嘅存在，呆呆地望吓海、望吓天、望吓雀仔飛過，唔去在意我係咪浪費緊時間睇同一片天、同一片海，睇千篇一律嘅海拍岸。不過時間其實悄悄地話畀我哋知佢嘅存在，日會落，海會拍岸然後粉碎性點點水花，時間一直向前流動唔會停落嚟，每一刻嘅海浪亦都唔一樣，如果用相機影低個海，都唔會影到兩張一模一樣嘅相，呢一秒嘅自己同上一秒都唔同。我哋能夠感受時間，睇到佢喺我哋身上留低嘅痕跡，但從來唔能夠捉住佢，只能夠善用佢，又或者係任由佢流逝。

不過其實都冇一種絕對善用到時間嘅方法，畢竟呢樣嘢都係好主觀，喺監房嘅人會搵嘢做等時間過得快啲，有末期病患嘅人都會搵嘢做，但係希望時間過得慢啲，等佢哋可以完成心願清單。時間真係一樣好有趣嘅嘢，我亦都用咗好多時間寫咗一對阿媽係女人嘅嘢等時間過得快啲，諗起《Interstellar》呢齣戲，其實要點樣理解時間呢回事呢？//

manlinthanks

係10月03日，鍾翰林寫咗一封信，講自己最近心態上嘅轉變

『講下自己先，宜家我好好多了，慢慢開始接受到好多野都唔係自己能夠控制，唔到自己去左右，依幾個月我咪冇乜寫野出黎嘅，其實某程度上係因為見到太多事發生，但自己根本冇乜位置去評論囉，始終我唔係局內人，冇辦法明白人地做每一個抉擇嘅心態，唔想好似咩都唔知嘅情況下去批評人地，可能係因為我自己都試過比人唔知頭唔知路瘋狂比人批評啦，同埋係整個走勢入面，就算講咩去評論，好似都唔會改變到D咩，反而只係D阿媽係女人嘅觀點，好似寫黎為刷存在感咁囉。

同埋最近有人問我係咪因為想逃避出面，所以唔申請高院保釋，嗯依個問題真係好尖銳，撇除我冇可能保釋到，其實都真係想逃避一下出面嘅事，如果比我保釋到，之後困係香港依個地方，日日睇住所有事發生，而我無能為力，再加上其他野，我覺得我真係仲未準備好咁快走返出黎，從容地面對依一切，所以係到抖下都唔係一件壞事嘅。

好啦寫到依到先，因為要熄燈了Bye』

鍾翰林

今日得知有位新入去的手足
想徵筆友📝📝📝💌💌💌
佢對攝影📷＋電影🎬有興趣🙌🏻

如果有興趣同佢寫信
歡迎DM我地啊💛🙏🏻

封信子 fung1seon3zi2

【#恩來獄中思】監獄的修煉──放下、信任

不經不覺，已過去了個多月時間，亦由荔枝角到了赤柱白沙灣一段時間。一切總算安頓下來，這裡生活預期之內，喜出望外。每一天，就面對赤柱無敵達海景入睡，人生幾何？

初來步到，最不習慣當然是與外界斷絕聯繫（其次是這裡的「健康餐」），但要學懂的是「放下」與「信任」。牆外還有小伙伴們努力堅守我們珍視的一切，要信任大家的努力。這裡，收到不少街坊好友來鴻，對於香港局勢發展的憂慮，擔心我們牆內人生活是否適應。其實牆內生活並非大家想像中那麼惡劣，每日也有朋友傾談，也不算太沉悶。只是未能第一時間接受新聞資訊，與外間保持聯絡。但大家定期寄來剪報、書信，是我們牆內人重要精神食糧，希望大家繼續關懷牆內手足（特別是那些較不出名的）。

目睹牆外公民社會逐漸瓦解，越來越多同路人成為囚友，當然感到痛心與神傷，但在牆內苦悶日子中，難得安靜閱讀，最近讀到臺灣人民由日據時期開始爭取自治的故事，講述前人自1910年代起，窮半生經歷爭取民主自由，至日本戰敗，期待臺灣光復，就可以擺脫殖民枷鎖，但到1947年二二八血腥屠殺，及後國民黨播遷臺灣，開展往後幾十年白色恐怖歲月，禁制人民聲音，民主希望似是幻滅，公民社會好像不復存在。

然而民主種子一直在人民心中發芽，四十年後解嚴，終於漸漸開花結果。故事告訴我們：可以失望但不要絕望。黎明之前的黑暗，是最Ｘ黑暗的！

趙恩來
23.10.2021
於赤柱白沙灣

PS. 不好意思！早陣子，由於要準備轉倉關係，未有時間回信給各方好友。但現在總算安頓下來，可以多些時間寫作文字，希望大家也可將牆外生活趣事，透過書信聯繫，充實生活！（小編按：地址是荃灣荃威花園一期商場地下22A號舖趙恩來社區服務處收信部）

現在每日都會到工場鋸木製作傢俬，雖然工作時間不長（每天三四個鐘頭），但卻可打發不少時間。難得能夠到禁煙的懲教院所，逃離二手煙環境，加上規律而健康的生活，有充足休息時間。出來再會大家的時候，希望有所不同，可以成功減磅！

📌 全文：趙恩來

【捉曱甴大法】
諗翻起第一次去探江湖嘅時候，冇聽人勸話要帶外套，結果凍到傻咗xd 今次醒目著咗件厚嘅衫去，點知一出門口先發現28度😂 抵擋到入面嘅冷氣但係成熟唔到外面嘅溫度～呢種溫差簡直係世界之最！

江湖今次同咗我分享佢同期係點樣捉小強😂 佢哋會用香蔥薄餅嘅盒，用啲氣味嚟引小強，再倒啲bb油喺盒入面，咁當小強走入去就可以生擒到佢哋啦！（民間智慧！學到嘢了）不過當我講起自己試過見到bb曱甴，然後反射動作用手拍死佢哋之後... 我就贏咗了xd 睇嚟要捉曱甴，最緊要嘅唔係工具，係勇氣呀！

之後我哋無啦啦開展咗關於占卜呀，塔羅呀，星座嘅討論（事源江湖去咗俾其他同期睇掌，結果係俾人搵笨嘅，因為睇掌朋友對每個人講佢哋有坐監相，笑死）結論就係 - 大家都係相信自己會好啲，因為有志者事竟成呀！好老土，但係根據呢個吸引力法則，只要你諗住一樣嘢，自然就會做到。所以江湖就話係咪要長期諗住返屋企就可以返到🤡

江湖仲話最近喺度篤波（我o咗嘴）原來係康樂棋嗰隻篤波～ 佢仲話：「係咪幾正，其實好似度假咁㗎！」邊有人咁㗎=0=

臨夠鐘嘅時候佢就話：「15分鐘真係好短，真係好想有得加鐘」?—? 然後我又再一次o咗嘴，就聽唔到電話嘅聲音了。佢用口形話：「冇啦，冇啲咁嘅嘢㗎😂」

咁就唯有 走先啦 係咁先啦 下次再見啦～

~~~~~~~~~~~~~~~~~~
各Tier分享內容相同，讀者可以按心目中價值加入
❤️‍🔥 Patreon: patreon.com/tntx ❤️‍🔥
TG: t.me/tntxplatform
FB: TNTX牆內分享平台
IG: @tntx.platform

【羅湖遊記Vol. 60 (節錄) 】2021-9-29

//……加上同倉嗰個跳(*癲)嘅=,= 之前同佢同過期數，周圍「雷」人嘢食、煙，連收音機都有「雷過」。我費時佢煩我，寧願捱肚餓都唔食嘢，扮窮算。

今朝做倉清潔佢仲要扮瞓覺，我唔忍佢啊，叫醒佢。佢仲想昆我，話一人做一日，佢當我傻㗎喎，今日都落山啦，我咪逼佢做囉。換轉係以前嘅我，可能真係會忍佢、畀佢hea，依家真係唔會，坐監個個都捱緊，我夠想瞓覺啦，憑咩要我幫佢做埋，係咪好tough & strong😌 啲人話坐完監會硬淨啲，可能就係因為噉，遇到唔合理嘅事如果唔出聲、唔反抗，就係自己蝕底自己食，唔想俾人蝦就要識保護自己(我入嚟兩個幾月，我聽過好多人話我個樣好善良好腍)，我而家真係好型😌。//

//儲咗一大疊解悶 (8月中至9月中)，就趁呢個空檔一次過煲晒佢。原來，當你將一個月嘅新聞一次過煲晒，用一個抽離嘅視覺將所有嘢串連，睇住一件事嘅起承轉合喺一個月內迅速發生，係會有一種悲涼又可笑嘅感覺。……佢哋知道自己打橫嚟，我哋知道佢哋知道自己打橫嚟，大家都知(心知肚明，睇新聞學嘅)，但冇人講(唔敢講)，係咪代表問題唔存在？除咗可笑，都係可笑……//

//我幾日冇講過嘢 (尤其係英文)，覺得自己遲鈍咗好多，同自己同房講英文，好甩咳嘅感覺，好多字都retrieve唔到，所以唔好以為講說話係好auto嘅事，唔練就唔曉講㗎喇；尤其是我啲病人，係呀話緊你呀👩🏻‍⚕️🗯//
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
//係咁以寫下啲飯，比較下：

【羅湖】
🥩肉: 偏少，薄，雞肉&肉丸處理得好，豬牛以肉碎/片 方式處理
🧂味: 芡汁淡/怪味，雞&肉丸調味好，魚有雪味，豬牛偏淡
🥬菜: 薯仔偏腍，份量少，芥菜好苦好恐怖，部份菜似乎有炒過
🍚飯: 飯盒飯水準不穩定，容易過硬
🥄匙羹: 成日都好油，要再洗
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
【大欖】
🥩肉: 份量多，厚身，雞肉偏鞋，豬牛厚切有口感
🧂味: 芡汁濃味，辣汁太辣，肉丸調味差，其他肉調味好
🥬菜: 薯仔硬過蘋果，份量多，烚菜多
🍚飯: 飯堂飯軟熟
🥄匙羹: 乾淨//

manlinthanks

〈紙筆筆記〉

雖然我說過我習慣以電腦寫作，但是紙筆仍是生活必須，我日常都會帶記事簿和筆外出。因為無論如何，以紙筆做筆記仍是無可替代。

在大學課堂上，基本上都是已經一人一notebook，也是出於實際需要，很多lecture notes或者相關資源都得在網上下載。因此也有不少專門（或湊巧被挪用）為上堂寫筆記的應用程式，比如說Microsoft Office也有一個名為Note的程式，我自己比較常用的則是Evernote（不過我用得不好，很多壞習慣戒不掉，Evernote裏面亂得不堪），另外也試過一些畫Mindmap的軟件，不過還是發現很難用。最後去到大學last year，少壯不努力，老大徒追grade，真的要發奮讀書了，正所謂工欲事其事，必先利其器，也必須好好挑選一下寫筆記的「器」——最後我買了一本沒有間線的筆記本，決定手抄好了。結果，結果真的不錯。碰巧那一年要讀Humanism德國哲學甚麼甚麼的，用紙筆上課令我忽然覺得自己很人文學。

用筆記上課，其實都是一門學問，那本筆記內部如何劃分成不同部分，大至一本簿，小至一張紙，都可以有各種不同的結構。現在最有名的筆記簿牌子可能是某間M字開頭的廠牌，它不只依附在誠品書店，在尖沙咀還有一大間分店。很多人見到數百元一本筆記簿便問究竟是否值得，作為前用家（現在用Gambol），我可以肯定地告訴你：其實是不用數百元的，這也是我後來無意間發現的事，在全球免運費網上書店Bookdepository，原來除了書以外，還有M牌筆記簿賣，而且平很多，基本上（如果最近無加價的話）是全線七折，直送府上。不過，紙質等等好用與否，自有公論，我有位朋友就多番批評M記紙質差，食不了鋼筆墨水，但是我每次去書店，見到有M記。都會駐足看看，不是為了要買，而是想欣賞一下它到底有多少款不同主題、不同作用的筆記本結構。它的劃分頗仔細，有作book review的、daily journal的、遊記、vecipe⋯⋯目不瑕及。

2021年8月11日

原文：https://www.patreon.com/posts/58224447

我地張家

🥚保持溫度🥚

自從上星期一開始為阿蛋「收集生日祝福」嘅活動後，喺短短一星期，已經收到大約30封信🥰

喺呢度要感謝大家對阿蛋嘅支持🙏🏻希望大家能繼續保持寫信溫度！💛💛

另外，想向之前已寄出信，但仍未收到回信嘅筆友道歉🙇🏿謝謝你哋嘅忍耐同體諒！🙏🏻

可以講嘅係，喺10月份阿蛋已經寄出超過6+以上嘅信。但成個月入面，我只係16/10收過1次信，其餘嘅信去咗邊？我諗要問番「圓規」，究竟將啲信吹咗去邊！🌪🌪🌪🌪

至於阿蛋收信，暫時收到26/10嘅信。（admin呢兩個星期已經寄咗4+以上嘅信，但阿蛋只係收到2封😓即係話阿蛋收嘅信，係收1封、跌1封⋯）

再睇埋其他身份嘅囚友，佢哋出入嘅信又好正常、好準時啵！

即係好明顯，過去兩個月手足出入嘅信，已經無聲無息咁被限制咗！

明白大家睇到呢度，可能有啲氣餒，想放棄⋯

但我想講嘅係：「錯不在大家！寫信有咩錯？畫畫有咩錯？」

既然報紙都入得，咁寄新聞資訊入去有咩錯？錯嗰個都未行出嚟認，幾時到我哋！

～～～～～～～～～～～～～～～
Facebook：ArDaan
Instagram : ar_daan_
阿蛋郵箱：九龍中央郵箱 71488號
Email : lego_ardaan@protonmail.com
👇🏻如想繼續支持手足，可按心目中價值加入👇🏻
Patreon: www.patreon.com/ArDaan
～～～～～～～～～～～～～～～

阿蛋 ar_daan_

大家好！

我係Kitty~，負責處理阿人信件嘅小編～想通知大家，新收信地址：旺角郵政局郵政信箱78923號
由11月1 號開始收信～留意！收件人請注明： Kitty收。

記得keep住寫信比阿人呀～

信封封面只需寫收信地址及收件人Kitty即可，信件內頁抬頭寫阿人名字。

Kitty

李卓人

大家好呀！
尋日男朋友去咗探1.490
佢話懲教而家有啲信唔俾入
大部份係啲解悶信同提供資訊嘅信
尤其解悶工場嘅信有機會入唔到
因為今次佢有十幾封信要簽名打包頭
揀(但)大家唔好放棄記得繼續既(寄)！
應該都係懲教例牌check信~

1.490

【華叔點解會畫畫寄俾大家？】

華叔經常會係寄出黎既信紙或畫紙上，以鉛子筆、木顏色筆畫上各種得意、可愛的公仔，點解呢？

原來華叔泊正後，每日大約要工作3-4個鐘，到夜晚返倉就會畫畫，一來可以消磨時間，二來畫好後就寄俾友好，以多謝大家對他的愛心和支持！

圖中呢幢樓，是華叔照住一本畫報上的建築物臨摹下來的。

----------------------------------
歡迎大家訂閱華叔的patreon：
www.patreon.com/wahsukhker
其他手足patreon(多謝@winningdapoo整理)：
https://qrcgcustomers.s3-eu-west-1.amazonaws.com/account15537174/18958587_1.pdf?0.8878602225955783
----------------------------------

華叔 wahsukhker

【聖誕信件 2021】

上年聖誕平郵截郵日期大概係12月20號左右，加上又要預信件審查嘅時間🥲🥲🥲大家真係要早啲寄信啊😘

冇記錯上年嘅經驗：聖誕個排，部分手足先收緊11月尾 + 12月頭嘅信😣(唉) 大時大節啲信總係會慢好多~.~

寄聖誕信件請DM查詢💛
✨建議寄聖誕信件 (聖誕卡為次要)

#聖誕信件
#為人送暖不求回報
#每一封信每份心意

封信子 fung1seon3zi2