【捉曱甴大法】
諗翻起第一次去探江湖嘅時候，冇聽人勸話要帶外套，結果凍到傻咗xd 今次醒目著咗件厚嘅衫去，點知一出門口先發現28度😂 抵擋到入面嘅冷氣但係成熟唔到外面嘅溫度～呢種溫差簡直係世界之最！

江湖今次同咗我分享佢同期係點樣捉小強😂 佢哋會用香蔥薄餅嘅盒，用啲氣味嚟引小強，再倒啲bb油喺盒入面，咁當小強走入去就可以生擒到佢哋啦！（民間智慧！學到嘢了）不過當我講起自己試過見到bb曱甴，然後反射動作用手拍死佢哋之後... 我就贏咗了xd 睇嚟要捉曱甴，最緊要嘅唔係工具，係勇氣呀！

之後我哋無啦啦開展咗關於占卜呀，塔羅呀，星座嘅討論（事源江湖去咗俾其他同期睇掌，結果係俾人搵笨嘅，因為睇掌朋友對每個人講佢哋有坐監相，笑死）結論就係 - 大家都係相信自己會好啲，因為有志者事竟成呀！好老土，但係根據呢個吸引力法則，只要你諗住一樣嘢，自然就會做到。所以江湖就話係咪要長期諗住返屋企就可以返到🤡

江湖仲話最近喺度篤波（我o咗嘴）原來係康樂棋嗰隻篤波～ 佢仲話：「係咪幾正，其實好似度假咁㗎！」邊有人咁㗎=0=

臨夠鐘嘅時候佢就話：「15分鐘真係好短，真係好想有得加鐘」?—? 然後我又再一次o咗嘴，就聽唔到電話嘅聲音了。佢用口形話：「冇啦，冇啲咁嘅嘢㗎😂」

咁就唯有 走先啦 係咁先啦 下次再見啦～

~~~~~~~~~~~~~~~~~~
各Tier分享內容相同，讀者可以按心目中價值加入
❤️‍🔥 Patreon: patreon.com/tntx ❤️‍🔥
TG: publielectoral.lat/s/tntxplatform
FB: TNTX牆內分享平台
IG: @tntx.platform