#GERD

" ... በወንዞቻችን ለመጠቀም እና ድህነትን ለማስወገድ የምናደርገው ጥረት እራሳችንን እና ጎረቤቶቻችንን ጭምር ለመጥቀም እንጂ ማንንም ለመጉዳት እንዳልሆነ ለዓባይ ልጆች ሁሉ ለማረጋገጥ እፈልጋለሁ " - የቀድሞ የሀገራችን ጠ/ሚ ሀኃይለማርያም ደሳለኝ

@tikvahethiopia

#GERD

" ... የታላቁ ህዳሴ ግድብን እንጨርሰዋለን። የታላቁ ህዳሴ ግድብን የምንጨርሰው ልጆቻችንን መጀመር ብቻ ሳይሆን መጨረስም እንደምንችል እንዲያውቁት ስለምንፈልግም ጭምር ነው " - የአሁኑ የሀገራችን ጠ/ሚር ዶክተር ዐቢይ አህመድ

@tikvahethiopia

#ItsMyDam

የቀድሞ የታላቁ ህዳሴ ግድብ ፕሮጀክት ስራ አስኪያጅ ኢ/ር ስመኘው በቀለ የተናገሩት ፦

" በዚህ ዘመን ላለነው ትውልድ አይደለም ለኢትዮጵያውያኖች ፣ ለትውልደ ኢትዮጵያውያኖች፣ በውጭ ለሚኖሩ ዜጎች ብቻ ሳይሆን ለመላው የዓለም ህዝብ የተለየ ልዩ መልዕክት እያስተላለፈ ያለ ፕሮጀክት ነው።

በአጠቃላይ ሀገራችንን በተለየ ገፅታ እንድትታይ (በበጎ መልኩ) ፣ በአጠቃላይ ትውልድ በስራ የሚያምን እንዲሆን ፣ በስራ የሚያምን ትውልድ ፣ በእራሱ የሚተማመን ትውልድ መፍጠር የቻለ ፕሮጀክት ነው።"

@tikvahethiopia

#Update

የኢፌዴሪ ህዝብ ተወካዮች ምክር ቤት የኢትዮጵያ አገራዊ የምክክር ኮሚሽንን የሚመሩ 11 ኮሚሽነሮችን ሹመት በ5 ድምፀ ታአቅቦ በአብላጫ ድምጽ አፅድቋል።

በዚህ መሰረት ፦

1ኛ. ፕሮፌሰር መስፍን አርአያ (ሰብሳቢ)
2ኛ. ወ/ሮ ሂሩት ገብረስላሴ (ምክትል ሰብሳቢ)
3ኛ. ዶ/ር አይሮሪት መሐመድ
4ኛ. ዶ/ር ተገኝወርቅ ጌቱ
5ኛ. ዶ/ር ዮናስ አዳዬ
6ኛ. ዶ/ር አምባዬ ኦጋቶ
7ኛ. አምባሳደር መሐመድ ድሪር
8ኛ. ወ/ሮ ብሌን ገብረመድህን
9ኛ. አቶ ዘገየ አስፋው
10ኛ. አቶ መላኩ ወልደማርያም
11ኛ. አቶ ሙልጌታ አጎ የኢትዮጵያ አገራዊ ምክክርን በኮሚሽነርነት እንዲመሩ ተሹመዋል።

@tikvahethiopia

#አሳትፉን
#ህጉ_የኔም_ነው_ይመለከተኛል

ኤቲኤሞች ለአካል ጉዳተኞችተደራሽ ናቸው ?

በአዲስ አበባ ውስጥ የምናገኛቸው አብዛኛዎቹ ኤቲኤምዎች ለአካል ጉዳተኞች ሙሉ በሙሉ ተደራሽ አለመሆናቸውን ሲቪል ሶሳይቲ ሪሶርስ ሴንተር ከCSSP2 ጋር በመተባበር አዘጋጅቶ በላከልን መልዕክት አሳይቷል።

ይህ ሁኔታ እንዲስተካከልና ሁሉም አካል ጉዳተኞች የህዝብ አገልግሎት የማግኘት ሕገ መንግሥታዊ መብታቸው እንዲከበር ጠይቋል።

@tikvahethiopia

#አገራዊ_ምክክር

የኢትዮጵያ አገራዊ ምክክር ኮሚሽን ሰብሳቢ ፕ/ር መስፍን አርአያ ከሹመቱ በኃላይ የተናገሩት ፦

" አስራ አንዳችንም ገና በሚገባ መተዋወቅ አለብን። እዚህ ውስጥ በተለይ አስሩ በጣም ብዙ ልምድ ያላቸው ናቸው። ደስ ብሎኛል ሴቶች አሉ ከፍተኛ ልምድ ያላቸው ፤ ወጣቶች አሉ።

በእርግጥ በተወካይነቱ ላይ ኢትዮጵያ ከ86 ብሄረሰቦች በላይ ነው ያሏት ስለዚህ 86ቱንም ወደዚህ ማምጣት ሳይሆን 86ቱና ከዚያ በላይ ያሉትን ወደ መግባባት መድረኩ ማምጣት ስለሆነ ትልቁ ስራ እንግዲህ በጋራ ስንገናኝ ስራ ስንከፋፈል የምናየው እና የምናውቀው ይሆናል።

ይሄ ኃላፊነት ከሌሎች ኃላፊነት ለየት ሚያደርገው የመግባባት አጀንዳዎች በጣም ብዙ ናቸው። ስለዚህ እነዚህ አጀንዳዎች ነቅሶ ወደ ጠረጴዛ በማምጣት አጀንዳዎቹ ላይ በትክክል በጋራ፣ በኢትዮጵያዊነት ላይ ፣ መብትን በማስከበር ላይ ፣ ባህልን ፣ ቋንቋን እና ሌሎችንም የሚመለከታቸውን ነገሮች በማስከበር ላይ ትልቅ ብሄር ትንሽ ብሄር ሳንል ሁላችንም በጋራ መስራቱ ላይ ብዙ ነገር ስለሚጠበቅብን ይሄ ትልቅ ኃላፊነት ነው ብዬ አስባለሁ፤ ደግሞም ነው ይሄ ነው ከበድ ያደርገዋል ብዬ የማስበው።

በጋራ ከሰራን ወደ መፍትሄ የማንደርስበት ምክንያት የለም። ሁሉም ነገር ሰልችቶናል ሰላም ማጣቱና መጎዳቱ እና መብት በማስከበር ሂደቱ ላይ የደረሰብን ብዙ ጉዳዮች ስላሉ እነኛን በጋራ እንፈታለን ብዬ አስባለሁ።

ሀገርን በመገንባቱ ሂደት፣ ህዝብን ወደመግባባቱ በማምጣት ሂደት ሚዲያዎች ትልቅ ቦታ አላቸው ፣ፖለቲካ ፓርቲዎች ፣የሃይማኖት አባቶች ፣ የሀገር ሽማግሌዎች ፣ አባገዳዎች እና ሌሎችም ጉዳዩ የሚመለከታቸው ወጣቶች በተለይ በዚህ ስራ ላይ ከጎናችን ሆነው ይረዱናል ያግዙናል ወደ መፍትሄ ያመጡናል ብዬ አስባለሁ "

@tikvahethiopia

#አገራዊ_ምክክር

የኢትዮጵያ አገራዊ ምክክር ኮሚሽን ምክትል ሰብሳቢ ወ/ሮ ሂሩት ገብረስላሴ ከሹመቱ በኃላ የተናገሩት ፦

"... ሌላ ዓለም ላይ ሰርቻለሁ። ሌላ ዓለም ላይ ያለኝን እውቀት ፣ ያለኝን ልምድ ተጠቅሜ ነው ኢትዮጵያ ላይ ሲሆን ሀገሬ ስለሆነ እንደ ሚሽንም ነው ከፍተኛ ስሜትም አለው። ከእኔም ከሁላችም ከፍተኛ ቁርጠኝነት ይኖራል ብዬ አስባለሁ።

ትልቅ ኃላፊነት ነው የተሰጠን ፤ ትልቅ ክብርም ነው ግን የተሰጠን ለዛ ብቁ ሆነን ለመገኘት ማድረግ ያለብንን ጥረት እናደርጋለን።

... የዚህች ሀገር ችግር የህዝቦች ችግር አይደለም የኤሊቱ ፣ ተምሪያለሁ ባይ ፣ አንድ ቦታ ደርሻለሁ ባይ የኤሊቱ ችግር ስለሆነ ለኤሊቱ ነው ጥሪ ማቅረብ ያለብን ኤሊቱ ላይ ነው በጣም መሰራት ያለበት ህዝቡ መኖር ነው የሚፈልገው፤ በሰላም መኖር ነው የሚፈልገውና የህዝቡ ችግር አይደለም። ስለዚህ ማሸነፍ የሚኖርብን ኤሊቱን ነው።

እዚህች ሀገር ላይ ኤሊት መሆን ማለት እኮ Privileged የሆነ status አለህ ማለት ነው። የተሻለ ትምህርት አግኝተሃል ፣ የተሻለ ኑሮ ኖረሃል ፣ የተሻለ Experience አለህ ተብሎ የሚገመት የማህበረሰብ ክፍል አስቸጋሪ ሆኖ ሊቀጥል አይገባውም ፤ አይችልም።

እኔ ይመስለኛል እግዚአብሔር ከረዳን አንድ ቦታ እንደርሳለን። "

@tikvahethiopia