#SecretaryPompeo

የአሜሪካ ውጭ ጉዳይ ምኒስትር ማይክ ፖምፔዎ ህወሓት በኤርትራ ላይ የፈጸመውን ጥቃት አወገዙ።

የውጭ ጉዳይ ሚኒስትሩ "ህወሓት በኤርትራ ላይ የፈጸመውን ጥቃት እና ግጭቱን ዓለም አቀፋዊ ለማድረግ ያደረገውን ሙከራ አጥብቀን እናወግዛለን" ብለዋል።

"ህወሓት" እና የኢትዮጵያ ባለሥልጣናት ግጭቱን ለማብረድ ፣ ሰላምን ለማስፈን እና የሰላማዊ ሰዎችን ደሕንነት ለመጠበቅ አፋጣኝ እርምጃ እንዲወስዱ ጥሪ እናቀርባለን" ሲሉ መልዕክት አስተላልፈዋል።

ፖምፕዎ ዛሬ በሰጡት መግለጫ ፥ ኤርትራ የአጸፋ እርምጃ ባለመውሰድ መታቀቧ ግጭቱ እንዳይስፋፋ ማገዙን ጠቅሰው አመስግነዋል።

በተጨማሪ የሰብዓዊ ዕርዳታ ሰራተኞች ለተጋላጮች ዕገዛ እንዲያቀርቡ ደሕንነቱ የተጠበቀ መተላለፊያ ሊፈቀድላቸው ይገባል ብለዋል ፖምፕዎ።

የአሜሪካ ዜጎችን ጨምሮ ሰላማዊ ሰዎች ከጉዳት ሊጠበቁ ፣ ሰብዓዊ ዕርዳታ ሊሰጣቸው እና ከግጭት ቀጠናው የሚወጡበት መተላለፊያ ሊፈቀድላቸው እንደሚገባም አስገንዝበዋል።

ገለልተኛ የሆነ ዘገባ ለመስራት እንዲቻልና የአሜሪካ ዜጎችን ጨምሮ ከሰላማዊ ሰዎች መገናኘት እንዲቻል በትግራይ የተቋረጡ የመገናኛ አገልግሎቶች ወደ ሥራ ሊመለሱ እንደሚገባም መናገራቸውን ዶቼ ቨለ ዘግቧል።

@tikvahethiopiaBOT @tikvahethiopia

'የንፁሃን ዜጎቻችን ስደት'

በትግራይ ክልል ያለውን ወጊያ በመሸሽ ወደ ሱዳን እየገቡ ያሉ ሰዎች ቁጥር በእጅጉ እየጨመረ ነው።

አሁን ላይ ያለው ሁኔታም እጅግ አሳሳቢ ነው።

UNCHR ሰላማዊ ከሆነው ኑሯቸው ላይ ተፈናቅለው ሱዳን ለገቡት የሀገራችን ዜጎች ከሱዳን መንግስት ጋር በመሆን የህይወት አድን እርዳታ ለመስጠት እየሰራ ይገኛል።

እስከዛሬ ድረስ ባለው መረጃ ወጊያውን ሸሽተው ወደ ሱዳን የገቡ ዜጎቻችን ከ30,000 ይበልጣሉ።

በትግራይ የኢንተርኔት መቋረጥ ፣ የባንኮች መዘጋት ፣ የትራንስፖርት አገልግሎት አለመኖር ፣ የመሰረታዊ አቅርቦት እጥረት መፈጠሩ በእጅጉ ዜጎቻችን ለችግር አጋልጧቸዋል።

በትግራይ ክልል ልጆቻቸውን የሚያስተምሩ፣ ዘመድ አዝማዶቻቸው ትግራይ ውስጥ የሚኖሩ እርስ በእርስ ከተገናኙ 15 ቀን ሊሆናቸው ነው።

@tikvahethiopiaBOT @tikvahethiopia

#PMOEthiopia

የኢትዮጵያ ፌዴራል መንግስት በትግራይ ክልል እያካደ የሚገኘውን "ሕግ የማስከበር እንቅስቃሴ" በብሔር ወይም በሌላ ወገንተኝነት ላይ የተቃኘ ነው የሚለውን የተሳሳተ እሳቤ አጥብቆ እንደሚያወግዝ ዛሬ ህዳር 9/2013 ዓ/ም ባወጣው መግለጫ አሳውቋል።

እየተካሄደ ባለው "የህግ ማስከበር ዘመቻ" የትግራይ ህዝብ የመጀመሪያው ተጠቃሚ ይሆናል ሲል በመግለጫው ላይ ገልጿል።

* የጠቅላይ ሚኒስትር ፅ/ቤት ያወጣው መግለጫ ከላይ ተያይዟል።

@tikvahethiopiaBOT @tikvahethiopia

#ታሽገዋል

ዋልያ ቆዳ ፋብሪካ እንዲሁም አዲስ አበባ ቆዳ ፋብሪካ አክሲዮን ማህበር የአካባቢ እና የህብረተሰቡን ጤና የሚጎዳ ብክለት በማድረሳቸዉ ምክንያት ታሸጉ።

በአቃቂ ቃሊቲ እና በኮልፌ ቀራኒዮ ክ/ከተማ የሚገኙት ሁለቱ ፋብሪካዎች የሚለቁት ከፍተኛ የሆነ ያልታከመ አደገኛ ፈሳሽ ቆሻሻ በአካባቢዉ ላይ ብክለት እያደረሰ እንደሚገኝ ህብረተሰቡ አቤቱታዎችን ሲያቀርብ ነበር።

የአዲስ አበባ ከተማ አካባቢ ጥበቃና አረንጓዴ ልማት ኮሚሽን የአካባቢ ብክለት ኢንስፔክሽን ባለሙያዎችም በመስክ ባደረጉት ምልከታ ይህንን ማረጋገጥ ችለዋል።

ይህ መረጃ ከአዲስ አበባ ከተማ አካባቢ ጥበቃ እና አረንጓዴ ልማት ኮሚሽን የተገኘ ነው።

@tikvahethiopiaBot @tikvahethiopia

#Harari

በሐረሪ ክልል የሐኪም ወረዳ ፖሊስ ጽ/ ቤት ለጥፋት ዓላማ ሲዘጋጁ የነበሩ 17 ተጠርጣሪዎች ከተለያዩ የጦር መሳሪያዎችና ሌሎች ቁሳቁሶች ጋር በቁጥጥር ስር ማዋሉን አሳወቀ።

በ15ቱ ተጠርጣሪዎች መኖርያ ቤት በተደረገው ፍተሻ በርካታ የጦር መሳሪያዎች ተይዘዋል።

የጦር ሜዳ መነጽር ፣ የራዲዮ መገናኛ ፣ ፎቶ ካሜራ ፣ የጦር መሳርያ መያዣ ቁሳቁሶች ፣ 20 የሚደርሱ ሲም ካርዶች ፣ የጦር ሜዳ የመጀመርያ ህክምና መስጪያ ቁሳቁሶች ከተጠርጣሪዎቹ የተያዙ ናቸው።

በተጨማሪ የተለያዩ መታወቂያዎች፣ የባንክ ቤት ቼክና ደብተር፣ ላፕቶፖች፣ የጸረ ሽምቅ ውጊያ ማስተማሪያ መጽሃፎች እና ሌሎች ቁሳቁሶችም በቁጥጥር ስር መዋላቸው ተገልጿል።

Via ENA
@tikvahethiopiaBOT @tikvahethiopia

#BREAKING

የፌዴራል ፖሊስ ኮሚሽን "የአገር ክህደት ወንጀል" ፈፅመዋል በተባሉ 76 ጄነራል መኮንኖች፣ ከፍተኛ ወታደራዊ መኮንኖች እና የበታች ሹማምንቶች ላይ የመያዣ ትዕዛዝ እንደወጣባቸው አሳውቋል።

* የፌዴራል ፖሊስ መግለጫ ከላይ ተያይዟል።

@tikvahethiopiaBOT @tikvahethiopia