የተመድ ኢሜል ውዝግብ ፈጠረ።

የተባበሩት መንግስታት ድርጅት ለሰራተስኞቹ በላከው የኢሜል መልዕክት የዩክሬንን ሁኔታ " ጦርነት " ወይም " ወረራ " ብለው እንዳይጠሩ መልዕክት ማስተላለፉን አይሪሽ ታይምስ አስነብቧል።

የተባበሩት መንግስታት ድርጅት ሰራተኞቹ በዩክሬን ላለው ሁኔታ " ግጭት " ወይም " ወታደራዊ ጥቃት " የሚሉትን ቃላት እንዲጠቀሙ መመሪያ እንደሰጣቸው ገልጿል።

የተመድ ኮሙኒኬሽን ዲፓርትመንት ለሰራተኞች በላከው የኢሜል መልዕክት ሰራተኞች በዩክሬን ላለው ሁኔታ " ጦርነት " ወይም " ወረራ " እያሉ እንዳይጠቀሙ ከመግለፁ በተጨማሪ የዩክሬንን ባንዲራ በግል ወይም ይፋዊ የማህበራዊ ሚዲያ ገፆች ወይም ድረገጾች ላይ እንዳያካትቱ መመሪያ ሰጥቷል።

ይህ ዘገባ ከወጣ ብዙም ሳይቆይ የተመድ ቃልአቀባይ (የትዊተር ገፅ) ዘገባውን በሰራችው የአይሪሽ ታይምስ የአውሮፓ ዘጋቢ ናኦሚ ኦሊሪ የትዊተር ገፅ በመግባት የወጣውን ዘገባ አስተባብሏል ፤ ሀሰተኛ ነው ፤ እንደዛ አልተባለም ሲል ነው ተመድ ዘገባውን ያጣጣለው።

ድርጅቱ ብዙም ሳይቆይ ትዊቱን አጥፍቶታል።

አይሪሽ ታይምስ ተመድ ለሰራተኞቹ የላከውን መልዕክት ሊክደው እንደማይችል እና ማስረጃውም በእጁ ላይ እንዳለ ገልጿል።

በሌላ በኩል የዩክሬን የውጭ ጉዳይ ሚኒስትር ዲሚትሮ ኩሌባ በትዊተር ገፃቸው ላይ ክሬምሊን ሩስያ ላይ " ጦርነት " እና " ወረራ " የሚሉትን ቃላት ጥቅም ላይ እንዳይውሉ እንዳገደችው ሁሉ ተመድም ይህን ያደርጋል ብሎ ማመን እንደከበዳቸው ገለፀው ፤ እንደዚህ ያሉ ዘገባዎች ውሸት ከሆኑ በፍጥነት ውድቅ እንዲያደርግ ጠይቀዋል።

በዚሁ ትዊት ስር የተመድን ኮሚኒኬሽን እመራለሁ ያሉት ሜሊሳ ፍሌሚንግ ፤ አንዳድን ቃላቶችን አትጠቀሙ በሚል ለዓለም አቀፍ ሰራተኞች የተላለፈ ይፋዊ መልዕክት የለም ብለዋል።

@tikvahethiopia

" የምግብ ዋጋ ጣራ እየነካ ነው "

የዓለም አቀፉ ምግብ ፕሮግራም ኃላፊ ዴቪድ ባስሌይ የዩክሬን ጦርነት የምግብ ዋጋን እንደሚያንረውና ያላደጉ አገራትን ምጣኔ ሃብት ሊያደቅ እንደሚችል አስጠነቀቁ።

ዩክሬንና ሩሲያ የምግብ ምርቶችን በገፍ ከሚያመርቱ የዓለማችን አገራት መካከል ናቸው።

ኃላፊው እንደሚሉት ጦርነቱ አንዳንድ አገራትን ወደከፋ ረሃብ ሊገፋቸው ይችላል።

"ምድራችን ላይ ያለው የከፋ ሁኔታ ወደ ባሰ ሁኔታ አይሸጋገርም ብለን ተስፋ ብናደርግም እነሆ ይሄ ተፈጠረ" ብለዋል ኃላፊው።

ሩሲያና ዩክሬን በአንድ ወቅት የአውሮፓ የዳቦ ቅርጫት ይባሉ ነበር። የምድራችንን ሩብ የስንዴ ምርት አምራች አገራት ነበሩ።

በተጨማሪ ዓለማችን ግማሹን የሱፍ አበባና ከዚህ ሰብል የሚገኙት ዘይትና ሌሎች ምርቶችን የምታገኘው ከ2ቱ ሀገራት ነው።

ሩሲያ በነዳጇ ዩክሬን በበቆሎ ምርቷ የዓለማችን ትሩፋቶች ናቸው።

ዴቪድ ባስሌይ በዓለማችን የረሃብ ስጋት ተደቅኖባቸዋል የሚባሉ ሰዎች ቁጥር ከ80 ሚሊዮን ወደ 276 ሚሊዮን ማሻቀቡን ገልፀዋል። ይህ የሆነው የአየር ንብረት ለውጥና የኮሮና ወረርሽኝ ላይ ሩሲያ በዩክሬን ያወጀችው ጦርነት ሲታከልበት ነው ብለዋል።

ኃላፊው አንዳንድ አገራት አሁን ባጋጠመው ቀውስ ሳቢያ የከፋ አደጋ ፊታቸው ተደቅኗል ብለዋል። ለዚህ ደግሞ ምክንያቱ እኚህ አገራት ከፍተኛውን ጥራጥሬ የሚያስመጡት ከጥቁር ባሕር አካባቢ በመሆኑ ነው።

ባስሌይ ፤ "ሊባኖስ ለምሳሌ 50 በመቶ ጥራጥሬ የምታስመጣው ከዩክሬን ነው። የመን፣ ሶሪያ፣ ቱኒዚያ እና ሌሎች በርካታ አገራትን መጥራት እችላለሁ፤ ከዩክሬን በሚያስመጡት እህል ላይ ጥገኛ ናቸው" ያሉ ሲሆን "ነገር ግን አሁን የዳቦ ቅርጫት ከመሆን ወደ ዳቦ ጠባቂነት ስትለወጥ በጣም የሚያስገርም የእውነት መመሰቃቀል ነው" ብለዋል።

#BBC

@tikvahethiopia

#Waghimra

በዋግ ኽምራ ብሄረሰብ አስተዳደር ያሉ ተፈናቃዮች የከፋ ችግር ላይ መውደቃቸው ተገልጿል።

አስተዳደሩ ዛሬ ባሰራጨው መልዕክት " ዋግ ከችግር ቆፈን ላይ ወድቃለች፤ የመከራ ቃፊር እየናጣት ነው የሚደርስላት ትሻለች " ብሏል።

አሁን ላይ ከአበርገሌ፣ ከጻግብጂ፣ ከዝቋላ፣ ከሰቆጣ ዙሪያ፣ ዛታ፣ ወፍላና ኮረም በጦርነት ምክንያት በየቀኑ ከ2000 ሰው በላይ የተፈናቀለ ወለህ ሜዳ ላይ ሰፍሯል እንዲሁም በሰቆጣ ከተማ ከተለያዩ ቦታዎች የሰፈረው ከ52,000 (ከሀምሳ ሁለት ሺህ ) በላይ ህዝብ መሆኑ ተገልጿል

ቤት ንብረቱን ጥሎ በመጠለያ የሚኖረው ማህበረሰብ የማይቻል ችግር ተሸክሟል ተብሏል።

አዛውንቶች፣ እናቶች፣ ህጻናት በአስቸጋሪ ሆኔታ ላይ የሚገኙ ሰሆን ከእንቅርት ላይ ጆሮ ደግፍ ሆኖባቸው እርሀባቸውን እንዳይችሉ በበሽታ ተቆራምደዋል ተብሏል።

አዛውንቶች፣ ጧሪ የሌላቸው ሽማግሌዎች በሽታው፣ እርጅናው እና ረሀቡ እየተፈራረቀባቸው ሞታቸውን እየናፈቁ ነው።

" ዋግ ላይ መቋጫ የሌለው ችግር ፣ እፎይታ የሌለው መከራ፣ እየተፈራረቀ ነው " ያለው አስተዳደሩ " የሰው ልጅ እንደዘበት ሜዳ ላይ ወድቋል ፤ በዋግ ህዝብ ላይ የመከራ ጅራፍ አልለይ ብሏል፤ የችግር ድምጽ በህጻናት አእምሮ ሰፍሮ የሳቅ አንደበታቸው ተዘግቷል " ሲል አስተድቷል።

በዋግ ያሉ ተፈናቃዮች በየጊዜው የሚመጣው የነፍስ ማቆያ እርዳታ ለጥቂት ጊዜ እንቆይ ይሆናል እንጂ ችግራችን በመሰረታዊነት ሊቀርፍልን አይችልም ያሉ ሲሆን ፤ በዋናነት ችግሩ የሚቀረፈው አከባቢያቸው ነጻ ሆኖ ወደቀያችን ሲመለሱ መሆኑን ገልፀዋል።

መንግስት ለአከባቢው #ትኩረት ሰጥቶ ማህበረሰቡን ሊታደግ ይገባል ሲሉ ጥሪ ማቅረባቸውን ከዋግኽምራ ኮሚኒኬሽን ያገኘነው መረጃ ያሳያል።

@tikvahethiopia

#NBE

በኢትዮጵያ ብሔራዊ ባንክ መመርያ መሠረት ባንኮች የደንበኞቻቸውን የተሟለ መረጃ እንዲያጠናክሩ የተሰጣቸው የጊዜ ገደብ ባለፈው የካቲት 20 ቀን 2014 ተጠናቋል።

መረጃዎችን ያልሰጡ የባንክ ደንበኞች አካውንታቸውን #ማንቀሳቀስ እንዳይችሉ ሆነዋል (በሚሊዮን ሊቆጠሩ ናቸው ተብሎ ይታመናል) ፤ አካውንታቸውን ማንቀሳቀስ የሚችሉትም በመመሪያው መሰረት መረጃ ሲሰጡ ብቻ ነው።

የ " መታወቂያ እድሳት " ግን እንቅፋት የሆነባቸው ብዙ ናቸው ለእነሱ የታሰበ ነገር ስለመኖሩ የታወቀ ነገር የለም።

ባንኮች ደንበኞቻቸው መረጃ እንዲሞሉ ላለፉት 6 ወራት ያህል በዋና ዋና ሚዲያዎች፣ በማህበራዊ ሚዲያ ፣ በአጭር የፅሁፍ መልዕክት ፣ በባንኮች የማስታወቂያ ቦርድ ላይ ጥሪ ሲያቀርቡ የነበረ ሲሆን አንዳንድ ባንኮች በመጨረሻው ሳምንት በስልክ እየደወሉ ለመቀበል ጥረት አድርገዋል።

ከቀነገደቡ መጨረሻ በፊት የባንክ ኃላፊዎች በመመርያ የተደነገገውን ማስፈጸም ከባድ ሥራ በመሆኑ መረጃ የማሰባሰቡ ሥራ ተጨማሪ ጊዜ ያስፈልገዋል የሚል አስተያየት ቢሰጡም ከኢትዮጵያ ብሔራዊ ባንክ ምላሽ ሳይሰጥ ጊዜው አልቋል።

በዚሁ አጋጣሚ በተለይ በማህበራዊ ሚዲያ የግጭት ፣ የጥላቻ መልዕክቶች፣ ፌዝ ፣ ስድብ እና አሉታዊ ነገሮች ለብዙሃን በፍጥነት እና በብዛት ሼር ከማድረግ ይልቅ ወሳኝ ጠቃሚ መልዕክቶች የማጋራት ልምድና ኃላፊነት ሊጨምር ይገባል።

ማህበራዊ ሚዲያ ተጠቃሚዎች ጠቃሚ መልዕክቶችን በአግባቡ ብናጋራ መረጃ ላልሰማው ወገናች እንዲሰማ እንዲሁም ደግሞ በመጨረሻ ቀናት ከሚፈጠር ወከባ ብዙ ሰዎችን መካከል ይቻላል።

@tikvahethiopia

#ተፈርዶባታል

ናዝራዊት አበራ በቻይና ሀገር ያለአግባብ ከዕፅ ዝውውር ጋር በተያያዘ እንድትከሰስ እና እንድትታሰር ያደረገቻት ጓደኛዋ ስምረት ካህሳይ አንተሀቡ ላይ የቅጣት ዉሳኔ ተላልፎባታል።

ውሳኔውን ያሳለፈው የፌደራል ከፍተኛ ፍርድ ቤት ልደታ ምድብ ወንጀል ችሎት የካቲት 25/2014 ዓ/ም በዋለው ችሎት ነው።

ስምረት በ15 ዓመት እስራትና በ1 መቶ ሺ ብር የገንዘብ ቅጣት እንድትቀጣ ነው የተወሰነው።

ስምረት ካህሳይ በአሁን ሰዓት #ተሰውራ እንደምትገኝ የተገለፀ ሲሆን ፍ/ቤት የኢሚግሬሽን ዜግነትና የወሳኝ ኩነት ኤጄንሲ ወደ ውጭ ሀገር ስትወጣ ወይም ሀገር ውስጥ ስትገባ ተከታትሎ በመድረስ ለፌደራል ፖሊስ አሳልፎ እንዲሰጥና የፌደራል ፖሊስ ተከሳሿን አፈላልጎ ለማረሚያ ቤት እንዲያስረክብ ትዕዛዝ ሰጥቷል።

የፍትህ ሚኒስቴር ተከሳሽ ስምረት ያለችበትን የሚያውቅ ማንኛውም ሰው ከፍትህ ጎን በመቆም ለፌዴራል ፖሊስ ጥቆማ እንዲያደርግ አሳስቧል።

ናዝናዊት ላይ የሆነው ምንድነው ?

ጓደኛዋ ስምረት ህዳር 2011 ወደ ሀገር ያስገባችውን 5 በሻምፖ እቃ የታሸገ ኮኬን ዕፅ ለናዝራዊት ወደ ቻይና አብረን እንሂድ ብላ በማግባባት ቪዛ እና የአየር ትኬት ካስጨረሰች በኋላ ታህሳስ 11/2011ዓ.ም ለናዝራዊት አበራ የሂውማን ሄር ማጠቢያ ነው ቻይና ውሰጅልኝ ብላ ከላከቻት በኋላ እሷ የአባቷን ሞት ምክንያት በማድረግ ትቀራለች፡፡

ናዝራዊት ቻይና ደርሳ አውሮፕላን ማረፊያ በተደረገባት ፍተሻ የያዘችው 5 ሻምፖ መሰል 5 ኪ.ግ የሚመዝን የኮኬን ዕፅ መሆኑ ተደርሶበት ለእስር ተዳርጋለች።

በዚህም ነው ስምረት ክስ ተመስርቶባት ጥፋተኛ ሆና በመገኘቷ በ15 ዓመት እስራትና በ1 መቶ ሺ ብር ገንዘብ ቅጣት እንድትቀጣ የተወሰነው።

ያንብቡ፦ telegra.ph/JM-03-09

ፎቶው ፦ የናዝራዊት

@tikvahethiopia

NATO ሩስያ ላይ ዛተ።

የNATO ዋና ፀሀፊው ጄንስ ስቶልተንበርግ ፤ የጥምረቱ ሀገራት ለዩክሬን የጦር መሳሪያ ድጋፍ በሚያቀርቡበት መስመር ላይ ሩስያ ጥቃት እንዳትፈፅም አጥብቀው አስጠንቅቀዋል።

ሩስያ ለዩክሬን የጦር መሳሪያዎች ድጋፍ በሚቀርብበት መስመር ላይ ጥቃት ከሰነዘረች ጦርነቱ በአደገኛ ሁኔታ እንደሚባባስ አስገንዝበዋል።

ስቶልተንበርግ ፤ ይህን ማስጠንቀቂያ የሰጡት እሳቸው ፣ የካንዳ ጠ/ሚ ጀስቲን ትሩዶ ፣ የስፔን እና የላትቪያ መሪዎች ከላትቪያ ዋና ከተማ ሪጋ ወጣ ብሎ በሚገኘው " አዳዚ " የNATO የጦር ሰፈር ጉብኝት ካደረጉ በኃላ ለCBC በሰጡት ቃለምልልስ ነው።

ጄንስ ስቶልተንበርግ የጥምረቱ ሀገራት ዩክሬን እራሷን እንድትከላከል እየረዱ መሆኑን ጠቁመዋል።

"ሩሲያ ወራሪ ነች፤ ዩክሬን ደግሞ እራሷን እየተከላከለች ነው " ያሉት ዋና ፀሀፊው " በየትኛውም የNATO ሀገር ፣ የNATO ግዛት ላይ ምንም ዓይነት ጥቃት ቢፈፀም አንቀጽ 5 ወደ ተግባር ይገባል " ብለዋል።

ይህ " አንቀጽ 5 " በNATO የመመሰረቻ ውል ውስጥ ራስን የመከላከል አንቀጽ ሲሆን በአንድ አባል ሀገር ላይ የሚፈጸም ጥቃት በ30ውም አባል ሀገራት ላይ የተፈፀመ ጥቃት ተደርጎ ነው የሚወሰደው።

ሩሲያ ከቀናት በፊት ለዩክሬን ወታደራዊ ድጋፍ ሚያደርጉ የምዕራባውያን ሀገራት ከድርጊታቸው እንዲታቀቡ አስጠንቅቃ ይህን ማድረግ ካልቻሉ ግን ዓለም አቀፋዊ ውድመት ይከሰታል ስትል ዝታ ነበር።

@tikvahethiopia