#Update

ኦባሳንጆ ኮምቦልቻ ገብተዋል።

የአፍሪካ ህብረት የአፍሪካ ቀንድ ልዩ መልዕከተኛ ኦሊሴንጎን አባሳንጆ ዛሬ ኮምቦልቻ ገብተዋል።

በትላንትናው ዕለት የሰላም እና ጸጥታ ምክር ቤት ኮሚሽነር አምባሳደር ባንኮሌ አዴኦዬ ፤ የአፍሪካ ህብረት የኢትዮጵያ ቀውስ በሰላማዊ መንገድ እንዲቋጭ የሚያደርገውን ጥረት አጠናክሮ መቀጠሉን በመግለፅ ኦሉሴጉን ኦባሳንጆ በአማራ እና በአፋር ክልሎች በሚገኙ የተለያዩ አካባቢዎች ጉብኝት እንደሚያደርጉ ማሳወቃቸው አይዘነጋም።

ዛሬ ኮምቦልቻ የገቡት ኦሊሴንጉን ኦባሳንጆ በከተማው ያለ የጅምላ መቃብር ስፍራ እና የወደሙ ተቋማትን ተዘዋውረው ተመልክተዋል።

@tikvahethiopia

#SomaliPP

በሶማሌ ክልል ብልፅግና ፓርቲ ምን ተፈጠረ ? ፓርቲው ለሁለት ተከፍሏል ?

የሶማሌ ክልል የኮሚኒኬሽን ምክትል ኃላፊ አቶ መሀመድ ሮብሌ ፦

" ... ከዚህ በፊት በተለያዩ ቦታ ተሰጥቷቸው በክልሉ በቢሮ ኃላፊ እና በምክትል ኃላፊነት ደረጃ የነበሩና ከዛ በኃላ በነበሩ ግድፈቶች እና ድክመቶች ስራቸውን በትክክል አለመስራት ፣ በሙስና፣ በተለያዩ ምክንያቶች ከስልጣን የተባረሩ ሰዎች ናቸው።

ተሰባስበው Issue ለመፍጠር ሲሉ ነው እንጂ በፓርቲው መሃል ምንም የተፈጠረ ችግር የለም።

እነዚህ Alredy ከሲስተም የወጡ ሰዎች ናቸው። ምናልባት አንዳንድ በትክክለኛ መንገድ ተገምግመው ያልተባረሩ ሰዎች እዛ ውስጥ ሊኖሩ ይችላሉ ፤ ሌላው ግን በትክክል ከሲስተም የወጡና ህብረተሰቡን ማገልገል ሳይችሉ ፣ የተሰጣቸውን ስራ መስራት ሳይችሉ ቀይርተው የተባረሩ ናቸው። "

የሶማሌ ክልል የብልፅግና ፓርቲ የፅ/ቤት ኃላፊ እንጂነር መሀመድ ሻሌ ፦

" ... እኛም በሶሻል ሚዲያ ያየነው ነገር አለ። የነበረ ነገር ግን ከለውጡ ወዲህ የተለያዩ እርምጃዎች ሲወሰዱ ነበር ከስነምግባር እና ከሙስና ጋር በተያያዘ በዚህም ከስልጣን የተነሱ ሰዎች አሉ።

ትላንትና መግለጫ አውጥተዋል ተብለው በሶሻል ሚዲያ ያየኃቸው ሰዎች ነበሩ። አብዛኛው የካቢኔ አባል የክልሉ ማዕከላዊ ኮሚቴ ያኔ የለውጡ ጅምር አካባቢ የነበሩ ሰዎች ናቸው ነገር ግን በስራ ከኃላፊነት እንዲነሱ እና እንዲታገዱ ተደርጎ ነበር። ከአንድ አመት ተኩል ይሆናል።

አንዳንዶቹ የ #ኢዜማ እጩ ነበሩ የምርጫ አካባቢ፤ አሁን ትላንት ብቻ ነው በድንገት ያየናቸው እኛ ፓርቲ አባል ነን ብለው ፤ ከእኛ ጋር ከታገዱ እና ከስራ ከተነሱ ግማሹ ሁለት ዓመት ሆኖታል ግማሹ አንድ አመት ተኩል ፣ አንዳንዶቹ የሌላ ፓርቲ ዕጩ የነበሩ ናቸው።

ጉባኤ ላይ ውሳኔ የሚጠብቁ አሉ፤ እገዳ የተጣለባቸውም አሉ፤ አንዳንዶቹ ግን ጭራሽ አይመለከቱንም የኢዜማ እጩ የነበሩትን ዛሬ ላይ አባል ነው አይደለም ማለት ተገቢም አይመስለኝም "

አቶ ሲራጅ አደን (የሶማሌ ክልል የብልፅግና ፓርቲ አባል ነኝ ያሉ ሲሆን ፓርቲው ለሁለት መከፈሉን ይናገራሉ ) ፦

" የተፈጠረው የፓርቲው ለሁለት ተከፍሏል። የዚህ ምክንያት ያለ ግምገማ እና በብዛት በዝምድና እና በጋብቻ የተሳሰረ ስለሆነ ብዙ ጊዜ ህግ እና ደንብ አይከተልም በዛ ምክንያት ፓርቲው በሁለት በኩል ተከፍሏል።

አንድ ሰው ላይ በፓርቲ እርምጃ መውሰድ የሚቻለው በህግ እና ደንብ አሰራሩ ነው። ያለ ጉባኤ አንድ የአስፈፃሚ ኮሚቴ ወይም አንድ የማዕከላዊ ኮሚቴ አንድ ሰው ውስኖ ከህግ ውጭ አንድን ሰው ከፓርቲ ውጭ ነው ማለት አይችልም በጉባኤ ነው የሚችለው።

የተፈጠረው የ12 አባላት የፓርቲው ማሀከለኛ እና ሁለት የአስፈፃሚ ኮሚቴ ለፌዴራል የፓርቲው ፅ/ቤት አዲስ አበባ ደብዳቤ በመፃፍ ጣልቃ እንዲገባ ጠይቋል።

... ረብሻ አይደለም ህግ እና ደንቡን መከተል ነው። "

NB : የሶማሌ ክልል ብልፅግና ፓርቲ ፅ/ቤት ዛሬ መግለጫ እንደሚሰጥ ይጠበቃል።

ሁሉም አካላት ለሸገር ኤፍ ኤም ሬድዮ ጣቢያ ከሰጡት ቃል የተወሰደ።

@tikvahethiopia

" እኔ የምመርጠው እኔ ያገኘሁትን ህዝቦቼ በጥቂቱም ቢሆን እንዲያገኙ ነው " - ሳዲዮ ማኔ

የሊቨርፑል ሴኔጋላዊው 🇸🇳 የፊት መስመር ተጫዋች ሳዲዮ ማኔ ከውድ ቀሳቁሶችን ከመግዛት ለሀገሪቱ ሰዎች እርዳታን ማድረግ ምርጫው እንደሆነ ይገልጻል።

ሳዲዮ ማኔ ፦

" ... ለምን አስር ፌራሪዎችን ፣ ሀያ ውድ ሰዓቶቾን አልያም የግል አውሮፕላኖችን እመኛለው።

ትምህርት ቤቶችን፣ ስታዲየሞችን እገነባለው፤ እኛ አልባሳትን እና ምግቦችን በድህነት ላይ ለሚገኙ ሰዎች መስጠት አለብን።

እኔ የምመርጠው እኔ ያገኘሁትን ህዝቦቼ በጥቂቱም ቢሆን እንዲያገኝ ነው "

የሴኔጋላዊውን ኮከብ ሳድዮ ማኔን ህይወት ውጣ ውረድ ጉዞ ለማንበብ https://publielectoral.lat/tikvahethsport/25770

More : @tikvahethsport

#Update

የፈተና ውጤታችሁን ከነገ ጀምሮ መመልከት ትችላላችሁ።

በህክምና /Medicine/ ሙያ የብቃት ምዘና ፈተና የወሰዱ ተመዛኞች የፈተናው ውጤት ከነገ ጀምሮ መመልከት ይቻላል።

ከታህሳስ 21-27/2014 ዓ.ም የተሰጠውን የብቃት ምዘና ፈተና የወሰዱ የህክምና /Medicine/ ተመዛኞች ከየካቲት 01/2014 ዓ.ም ጀምሮ hple.moh.gov.et ላይ በመግባት ሙሉ ስም እና የፈተና መለያ ቁጥር (Registration No) በማስገባት የፈተና ውጤታቸውን መመልከት እንደሚችሉ ጤና ሚኒስቴር አስታውቋል።

በውጤታቸው ላይ ቅሬታ ያላቸው ተመዛኞች ከየካቲት 1 ጀምሮ ባሉት 10 ተከታታይ የስራ ቀናት በስልክ ቁጥር 0118275936/37 በመደወል ወይም በኢሜይል hpcald@moh.gov.et ላይ ሙሉ ስም፣ ዲፓርትመንት፣ የመለያ ቁጥር እና የተማራችሁበትን የትምህርት ተቋም ስም በመሙላት ጥያቄዎቻቸውን ማቅረብ እንደሚችሉ ተገልጿል።

ጤና ሚኒስቴር በሌሎች የሙያ ዘርፎች ፈተና የወሰዱ ተመዛኞች ውጤት በቅርብ ቀን ውስጥ እንደሚያሳውቅ ገልጿል።

@tikvahethiopia

#ETHIOPIA😷

የ24 ሰዓት የኮቪድ-19 ሪፖርት ፦

▪️ የተደረገ የላብራቶሪ ምርመራ 👉 6,327
▪️ ቫይረሱ የተገኘባቸው 👉 138
▪️ ህይወታቸው ያለፈ 👉 10
▪️ ከበሽታው ያገገሙ 👉 3,371
▪️ ፅኑ ታማሚዎች 👉 197

በኢትዮጵያ ውስጥ የ ኮሮና ቫይረስ ወረርሽኝ ከተከሰተ ጊዜ አንስቶ ቫይረሱ የተገኘባቸው ሰዎች 466,677 የደረሰ ሲሆን ከነዚህ መካከል 7,373 ህይወታቸው አልፏል ፤ 403,319 ከበሽታው አገግመዋል።

በአሁን ሰዓት ቫይረሱ ያለባቸው 54,983 ሰዎች ናቸው።

በኢትዮጵያ ክትባት መሰጠት ከጀመረ አንስቶ የተከተቡ ዜጎች 9,372,192 ደርሰዋል።

@tikvahethiopia

#Senegal , #Dakar📍

ሴኔጋል ድል አድራጊውን ብሄራዊ ቡድን ተቀብላለች።

የ33ኛው የአፍሪካ ዋንጫ አሸናፊ የሆነው የሴኔጋል ብሄራዊ ቡድን የሴኔጋል ርዕሰ መዲና ዳካር ሲገባ ደማቅ አቀባበል ተደርጎለታል።

የሴኔጋል ፕሬዜዳንት ማኪ ሳልና ሌሎች ከፍተኛ ባለስልጣናት ኤርፖርት በመገኘት ቡድኑን ተቀብለዋል።

የዳካር ነዋሪዎችም ግልብጥ ብለው አደባባይ በመውጣት ለድል አድራጊው ብሄራዊ ቡድናቸው ደማቅ አቀባበል አድርገዋል።

@tikvahethsport

#Update

ትላንትና ለሊት ግብፅ ፣ ካይሮ የገቡት የጅቡቲው ፕሬዜዳንት እና የግብፅ ፕሬዜዳንት አብዱል ፈታህ አል ሲሲ ዛሬ ውይይት አድርገዋል።

በውይይታቸው ላይ ሀገራችን #ኢትዮጵያ በአባይ ወንዝ ላይ እየገናባችው ስላለው ታላቁ የኢትዮጵያ ህዳሴ ግድብ መነሳቱ ታውቋል።

ከውይይቱ በኃላ በተሰጠ መግለጫ ላይ አብዱል ፈታህ አልሲሲ ሀገራቸው ግብፅ አሁንም በህዳሴ ግድብ ላይ አስገዳጅ ስምምነት እንደምትፈልግ ከዚህ በፊት ሲናገሩት የነበረውን ንግግር አንስተው ተናግረዋል።

የመሪዎቹ ውይይት ከሀገራችን የህዳሴ ግድብ በተጨማሪም በቀይ ባህር እና በአፍሪካ ሰላም እና ደህንነት በተለይም የአፍሪካ ቀንድ ጉዳይ ላይ ያተኮረ ውይይት ማድረጋቸው ተሰምቷል።

የሁለትዮሽ ትብብራቸውን ለማጠከቀር ያለመም ውይይት አድርገዋል።

የጅቡቲ ፕሬዜዳንት ኢስማኤል ኦመር ጌሌህ ከፕሬዜዳንት አብዱል ፈታህ አል ሲሲ ጋር የተደረገው ውይይት ገንቢ እና ፍሬያማ መሆናቸውን ገልጸው፣ “የሁለትዮሽ ግንኙነታችንን በሁሉም ደረጃ ማጠናከርና ማሳደግ በሚቻልበት ሁኔታ ላይ” መምከራቸውን ስለመናግረራቸውን AFP ዘግቧል።

@tikvahethiopia

ስለ አሚና መሐመድ የአማራ እና የትግራይ ክልል ጉብኝት ምን ተባለ ?

የተባበሩት መንግሥታቱ ድርጅት ምክትል ዋና ፀሐፊ አሚና መሐመድ በጦርነቱ የተጎዱ የአማራና የትግራይ ክልል ከተሞችን ጎብኝተዋል። እንዲሁም ከክልል አመራሮች ጋር ተገናኝተዋል።

አሚና ባለፈው እሁድ በአማራ ክልል ኮምቦልቻን የጎበኙ ሲሆን ጦርነቱ በሕዝቡ በተለይ በሴቶችና በህፃናት ላይ ያደረሰውን አስከፊ ጉዳት ማየታቸውን ተመድ አስታውቋል።

በሆስፒታሎች፣ በሁለተኛ ደረጃ ትምህርት ቤቶች፣ በገበያ ስፍራዎች እና በሌሎች አካባቢዎች ላይ የደረሰውን ዘረፋና ውድመት የተመለከቱ ሲሆን የአማራ ክልል ምክትል ፕሬዚዳንትን ጨምሮ ሌሎችንም ባለሥልጣናትን አግኝተዋል።

ከኮምቦልቻ ጉብኝታቸው በኋላ ጦርነቱ ብዙ ያስከፈለ መሆኑን ገልጸው ሰላም ብቸኛ አማራጭ እንደሆነ ተናግረዋል "የኢትዮጵያን ሕዝብ ሰላም እንዲያገኝ መርዳት አለብን" ሲሉም ተናግረዋል።

ከኮምቦልቻ ቀጥለቅ ወደ ትግራይ ክልል፣ መቐለ ያቀኑት አሚና በጦርነቱ በሴቶችና በህፃናት ላይ ያደረሰውን አስከፊ ገፅታ ተመልክተዋል።

ግጭቱን በሰላማዊ መንገድ ለመፍታት እና ለኢትዮጵያውን የሚያመጣውን እፎይታን በተመለከተ ከዶ/ር ደብረፅዮን ገ/ሚካኤል ጋር መወያየታቸው ንተመድ ገልጿል።

አሚና በተመድ የሚደገፈውንና ከወሲባዊ ጥቃት የተረፉ ሴቶችን ጨምሮ ሁሉን አቀፍ ድጋፍ የሚያደርገውን የአይደር ሆስፒታልን ጎብኝተዋል።

" በግጭት ውስጥ አሸናፊዎች እንደሌሉ " በመጥቀስ ወሲባዊ ጥቃት የተረፉ ሴቶቹ ታሪኮች ሊነገሩ እንደሚገባ አፅንኦት ሰጥተዋል።

በሁለቱ ክልሎች ከሴቶች እንዲሁም ከተማሪዎች ጋር ባደረጉት ቆይታ የተመድ ወሲባዊ እንዲሁም ፆታን መሰረት ላደረጉ ጥቃቶችን እንደማይታገስ አፅንኦት በመስጠት ተናግረዋል።

አሚና ወሲባዊ ጥቃት ለደረሰባቸው ሴቶች አጋርነታቸውን ገልፀዋል።

በጦርነቱ ምክንያት በሴቶች ላይ የደረሰውን ግፍ እና በደል እንዲሁም አካላዊና ሥነ ልቦናዊ ጉዳት ለማቃለል ተመድ መፍትሄ በማፈላለግ ድጋፉን አጠናክሮ እንደሚቀጥል ተናግረዋል።

ሴቶች ካለባቸው ህመም እንዲፈወሱ በተሃድሶ እና በመልሶ ማቋቋም ሥራዎች ውስጥ እንዲካተቱም አመራሮቹን አሳስበዋል።

በተጨማሪ ተመድ በኢትዮጵያ ውስጥ የሚደረገውን የሰላም ጥረትም ይደግፋል ብለዋል።

#UnitedNations

@tikvahethiopia

#ችሎት

እነ አቶ አብዲ ኢሌ ተቃውሞ አሰሙ።

ዛሬ ፌደራል ከፍተኛ ፍ/ቤት ልደታ ምድብ 2ኛ የፀረ-ሽብር እና የህገ መንግስታዊ ጉዳዮች ወንጀል ችሎት የቀረቡት የቀድሞ የሱማሌ ክልል ፕሬዝዳንት አቶ አብዲ መሀመድ ኡመር (አብዲ ኢሌ) ጨምሮ 17 ተከሳሾች ተቃውሞ አሰምተዋል።

እነ አቶ አብዲ ኢሌ ከኛ ጋር ታስረው የነበሩት እስረኞች ተፈተው እኛ የምንታሰርበት ምክንያት የለም ሲሉ ነው ተቃውሞ ያሰሙት።

አቶ አብዲ መሀመድ እጃቸውን በማንሳት ይህን ተናግረዋል ፦

" ከዚህ በኋላ ፍርድ ቤት አንቀርብም እኛ ከስር ከተፈቱ ግለሰቦች የተለየ ምንም ወንጀል አልፈጸምንም። ስለዚህ ሌሎች ዕስረኞች ተፈተው እኛ ታስረን ፍርድ ቤት የምንቀርብበት ምክንያት የለም።

ከአማራ፣ ከቤኒሻንጉል ጉሙዝ ፣ ከትግራይ እና ከሌሎችም ከተፈጸመው ወንጀል የኛ በምን ይለያል ?

ግድያ በተፈጸመበት ሁኔታ ሌሎች ሳይጠየቁ እኛ ብቻ የምንታሰርበት ጉዳይ የለም። ስለዚህ ከዛሬ ጀምሮ እኛ ፍርድ ቤት አንቀርብም። ፍርድ ቤቱ የራሱን ውሳኔ ይስጥበት "

ከሳሽ አቃቤ ህግ ፍርድ ቤቱ በጉዳዩ ላይ አስተያየት ይስጥበት እና ክርክሩ ይቀጥል ሲል ችሎቱን ጠይቋል።

ፍርድ ቤቱ ከእስር የተፈቱ እስረኞችን ክስ ያቋረጠው ፍትህ ሚኒስቴር መሆኑን ገልጿል።

አስተያየታቸዎውን ለፍትህ ሚኒስቴር ማቅረብ እንደሚችሉ የገለጸው ፍርድ ቤቱ በጉዳዩ ላይ መርምሮ ተገቢውን ትዛዝ ለመስጠት ለፊታችን ሀሙስ የካቲት 3ቀን ተለዋጭ ቀጠሮ ሰቷል።

(የመረጃ ባለቤት ፦ ጋዜጠኛ ታሪክ አዱኛ)

ያንብቡ : https://telegra.ph/Abdi-Muhamud-Omer-02-08

#EthiopianCatholicChurch

የኢትዮጵያ ካቶሊካዊት ቤተከርስቲያን የማህበራዊና ልማት ኮሚሽን የሴቶችን የኑሮ ሁኔታ ለማሻሻል በርካታ ስራዎችን ታከናውናለች፡፡

በዚህም በአዲስ አበባ ሀገረስብከት የልማት ማስተባበሪያ ጽህፈት ቤት ከአጋር ድርጅቶች ጋር በመተባበር “የከፍተኛ ትምህርት ተመራቂ ሴቶች የስራ ተወዳዳሪነትን ማሻሻል ለተሻለ የስራ እድል ተጠቃሚነት” በሚል መነሻ ሃሳብ ጥናታዊ ፕሮጅክት ለማካሄድ በሀገር አቀፍ ደረጃ ማቀዷን ለቲክቫህ ኢትዮጵያ አሳውቃለች።

የጥናቱ ዋነኛው ዓላማ ምሩቃን ሴቶችን በስራ ዝግጁነት ስልጠና በማሰልጠን የስራ እድል መረጃዎችን በማቅረብ እና ልዩ ልዩ ድጋፎችን በመስጠት እና በማብቃት የስራ ተወዳዳሪነታቸውን መጨመር መሆኑ ተገልጿል።

ሂደቱ ለሴቶች ተቃሚነት ያለውን ሚና በጥናት በማስረዳት ለፖሊሲ ግብዓት በመሆን ያገለግላል ተብሏል። ጥናቱ ከሚካሄድባቸው ስፍራዎቸ የአዲስ አበባ ከተማ አንዱና ዋነኛው መሆኑ ተገልጿል

ጥናታዊ ፕሮጀክቱ በአ/አ ከ2009 ጅምሮ እስከ 2013 ዓ.ም ባለው የትምህርት ዘመን ከታወቀ ዩኒቨርስቲዎች ተመርቀው መደበኛ የሥራ ዕድል ያላገኙ 662 ሴት የመጀመሪያ ዲግሪ ተመራቂዎችን ያሳትፋል፡፡

በመቀጠልም ይህ ፕሮጀክት ለ 441 ሴት ምሩቃን በግልጽ ሂደት ተመርጠው የስልጠናዎች እና የሥራ እድል መረጃ በመስጠት ተጨማሪ ድጋፎች ያደርጋል፡፡

( ዝርዝር መስፈርቶች ፣ የመመዝገቢያ ቦታ እና ተጨማሪ መረጃዎች ከላይ ተያይዟል )

@tikvahethiopia