የምርጫው ዘመቻው እየተሟሟቀ ነው ...

ዛሬ ኢዜማ የምርጫ ዘመቻ ማስጀመሪያ ስነ ስርዓት በኢዲስ አበባ ከተማ አከናውኗል።

የፓርቲው መሪ የሆኑት ፕሮፌሰር ብርሃኑ ነጋ ፓርቲያቸው “ብርሃን” እንጂ “አምፖል ይዞ” ወደ ምርጫው አልመጣም ሲሉ ተናገረዋል።

ፕሮፌሰር ብርሃኑ ፤ ገዢው ፓርቲ በምርጫ ምልክትነት የመረጠውን ቁስ ያነጻጸሩበት አገላለጽ በደጋፊዎቻቸው ዘንድ የ“ይደገም” አድናቆት አስገኝቶላቸው ነበር።

ፕሮፌሰር ብርሃኑ በመርሃ ግብሩ ላይ ባሰሙት ንግግር፥ ገዢው ፓርቲ ከመጪው ምርጫ ጋር በተገናኘ “ግልጽ አቋሙን ሊያሳውቅባቸው ይገባል” ያሏቸውን ነጥቦች አንስተዋል።

“ብልጽግና ፓርቲ የህወሓት እና የኢህአዴግ ወራሽ ሳይሆን ከሁለቱ የተለየ ፓርቲ መሆኑን በተግባር እንዲያሳየን እንሻለን” ብለዋል በንግግራቸው።

የኢዜማው መሪ፤ መጪው ምርጫ ከዚህ ቀደም ከተካሄዱት አምስት ጠቅላላ ምርጫዎች የተለየ መሆኑን በንግግራቸው ጠቅሰዋል።

“ኢህአዴግ ይባል የነበረው ድርጅት ስልጣን ከያዘ ወዲህ ምርጫ መሰል ነገሮች ሁሉ ተቆጥረው ስድስተኛ ይባል እንጂ፤ የእኛ ተስፋ ይህ ምርጫ የመጀመሪያው የኢትዮጵያ ዲሞክራሲያዊ ምርጫ ነው” ሲሉ ለአሁኑ ምርጫ ያላቸውን ከፍተኛ ግምት ተናግረዋል። “ታሪክ በእኛ ላይ የጣለው ሃላፊነት ይህ ምርጫ ከዚህ በፊት እንደነበሩት የይስሙላ ወይም የሙከራ ሳይሆን፤ በእርግጥም የመጀመሪያ ዴሞክራሲያዊ ምርጫ ማድረግ ነው” ሲሉም አክለዋል።

ይህ ፁሁፍ የተዘጋጀው በኢትዮጵያ ኢንሳይደር ነው።

@tikvahethiopiaBot @tikvahethiopia

#EthiopiaElection2013

በምርጫ 2013 ክልሎች የሚኖራቸው የሕዝብ ተወካዮች ምክር ቤት (ፓርላማ) የውክልና መቀመጫ፦

- የሲዳማ ክልል በሕዝብ ተወካዮች ምክር ቤት የሚኖረው መቀመጫ 19 

- የደቡብ ክልል የህዝብ ተወካዮች ምክር ቤት ውክልና 104  ደቡብ ክልል ላለፉት 26 ዓመታት ገደማ በህዝብ ተወካዮች ምክር ቤት የነበረው ውክልና ወይም መቀመጫ 123 ነበር፤ ሲዳማ ከደቡብ ክልል ወጥቶ ራሱን ከቻለ በኃላ ፣ ደቡብ የሚኖረው መቀመጫ ብዛት 104 ሆኗል።

- ኦሮሚያ ክልል በነበረበት 178፣ 

- አማራ ክልል በነበረበት 138፣

- ሶማሌ ክልል በነበረበት 23፣ 

- አዲስ አበባ ከተማ በነበረበት 23፣

- ቤንሻንጉል ጉምዝ ክልል በነበረበት 9፣ 

- አፋር ክልል በነበረበት 8፣ 

- ጋምቤላ ክልል በነበረበት 3፣

- ሐረሪ ክልል በነበረበት 2 እንዲሁም ድሬዳዋ ከተማ በነበረበት 2 ሆነው ይቀጥላሉ።

6ኛው አጠቃላይ ምርጫ በትግራይ ክልል እንደማይከናወን ምርጫ ቦርድ ቀድሞ ያስታወቀ ሲሆን፣ ከሰሞኑ ምርጫ ቦርድ ይፋ ባደረገው የክልሎች የፓርላማ ውክልና ድርሻ ውስጥም የትግራይ ክልል አልተገለጸም። 

ይሁን እንጂ ላለፉት አሥርት ዓመታት የትግራይ ክልል የፓርላማ ውክልና 38 እንደሆነ ይታወቃል።

ይህንን ከግምት በማስገባት ሥሌት ሲደረግ የሕዝብ ተወካዮች ምክር ቤት አጠቃላይ መቀመጫ ብዛት ከነበረበት 547 አልተለወጠም።

(ከሪፖርተር ጋዜጣ)
@tikvahethiopiaBot @tikvahethiopia

#EthiopiaElection2013🗳

የአማራ ብሔራዊ ንቅናቄ /አብን/ በአዲስ አበባ ከተማ የምርጫ ቅስቀሳ ማስጀመሪያ መርሃ ግብር ዛሬ አካሂዷል።

አብን ከአ/አ ከተማ በተጨማሪ በባህር ዳር፣ ጎንደር፣ ደሴ ፣ ደብረብርሃን ከተሞች የምረጡኝ ቅስቀሳ ዘመቻውን ዛሬ በይፋ እያስጀመረ ይገኛል።

አብን በአዲስ አበባው የምርጫ ቅስቀሳ ማስጀመሪያ ከዋና ጽህፈት ቤቱ በመነሳት መድረሻውን መስቀል አደባይ ያደረገ መርሃ ግብር አካሂዷል።

ይህ መርሃ ግብር አብን በአዲስ አበባ አብሯቸው ለመስራት ስምምነት ካደረገባቸው ፓርቲዎች ጋር በመሆን ያከናወነው ነው።

በመስቀል አደባባይ ንግግር ያደረጉት የአብን ሊቀመንነር ረ/ፕሮፌሰር በለጠ ሞላ አብን ከእህት ድርጅቶች ጋር በመሆን የሕዝብን አመኔታና ይሁንታ ወደ ፖለቲካ ውክልና የሚቀይርበትን ትልም ነድፎ ወደስራ ገብቷል ብለዋል።

ማንኛውም ዜጋ በሰላም እና በደኅንነት ወጥቶ የሚገባባት ፤ የሕግ የበላይነት የሰፈነባት ፣ ሰብአዊ መብቶች ፣ ፍትህ እና ርትዕ የተከበረባት፣ ያለልዩነትና መድልኦ በነፃነት መንቀሳቀስ፣ መኖርና ሰርቶ መበልፀግ የሚቻልባት ኢትዮጵያን ለመፍጠር ቆርጦ ተነስቷል ሲሉም ተናግረዋል።

@tikvahethiopiaBot @tikvahethiopia

ሲዳማ ክልል - 10ኛው የኢትዮጵያ ክልል ይፋዊ ምስረታ በዓል !

ነገ የሲዳማ ብሔራዊ ክልል ይፋዊ የምስረታ በዓል ይከበራል።

በዚህ የክልል ምስረት ይፋዊ በዓል ላይ ለመታደም በርካታ የፌደራል እንዲሁም የክልል መሪዎች ሀዋሳ ገብተዋል።

የሲዳማ ክልል ሀዋሳ ነዋሪዎች ፣ የከተማው አመራሮች እንግዶቻቸውን በመቀበል ላይ ይገኛሉ።

ምንጭ፦ የሀዋሳ ከተማ አስተዳደር
@tikvahethiopiaBot @tikvahethiopia