ደቡብ ሱዳን ሟቾችን እየደበቀች ነው?

የደቡብ ሱዳን 2 ዶክተሮች ሀገራቸው የኮቪድ-19 ሞቶችን ሪፖርት እያደረገች አይደለም ብለዋል!

ሁለት (2) በኮቪድ-19 ላይ የሚሰሩ ዶክተሮች የሀገሪቱ መንግስት በኮቪድ-19 የሚሞቱ ሰዎችን ሪፖርት እያደረገ አይደለም ሲሉ ለ #SSNN ተናግረዋል።

አንደኛው የህክምና ዶክተር በጁባ ወታደራዊ ሆስፒታል በኮቪድ-19 ላይ የሚሰሩ ሲሆን ከፍተኛ የመንግስት የስራ ኃላፊዎች ሳይቀሩ በኮሮና ቫይረስ ሞተዋል ፤ የሀገሪቱ መንግስት ግን ሪፖርት አላደረገም ብለዋል።

ሌላኛው ዶክተር 'የደህንነትና የፀጥታ አካላት' ስለመንግስት የስራ ኃላፊዎች የኮቪድ-19 ሞት ለየትኛውም ሚዲያ እንዳትናገሩ ብለውናል ሲል ለSSNN ገልፀዋል ፤ በሀገሪቱ የመጀመሪያው ሞት የተመዘገበው ሚያዚያ ወር ነው የቀድሞው የደቡብ ሱዳን የፍትህ ሚኒስትር ፓውሊኒሆ ዋናዊላ ሁናጎ ሲሞት ነገር ግን መንግስት ሪፖርት አላደረገም ሲሉ ለ #SSNN ተናግረዋል።

የደቡብ ሱዳን መንግስት ዛሬ በሀገሪቱ የመጀመሪያው የኮሮና ቫይረስ (ኮቪድ-19) ሞት መመዝገቡን አሳውቋል። ዝርዝር መረጃዎችን ግን አልሰጠም።

@tikvahethiopiaBot @tikvahethiopia

#SouthSudan

የደቡብ ሱዳን ጤና ሚኒስቴር ዛሬ በሀገሪቱ የመጀመሪያው የኮሮና ቫይረስ (ኮቪድ-19) ሞት በይፋ መመዝገቡን ሪፖርት ከማድረግ ውጭ ስለሟቹ ዝርዝር መረጃ አልሰጠም።

#SSNN ግን ሟቹ የቀድሞ ከፍተኛ ወታደራዊ አዛዥ የሆኑት ብርጋዴር ጄነራል ጆን ማዴንግ ጋታዴል ናቸው ሲል ዘግቧል።

@tikvahethiopiaBot @tikvahethiopia

#SouthSudan

የደቡብ ሱዳን የኢንፎርሜሽን ሚኒስትር ሚካኤል ማኩዪና የካቢኔ ጉዳዮች ሚኒስትር ማርቲን ኤሊያ ሎሞሮ በኮሮና ቫይረስ መያዛቸው ከተረጋገጠ ከፍተኛ ባለስልጣናት መካከል እንደሚገኙበት #SSNN ይፋ አድርጓል።

2ቱም ሚኒስትሮች ባለፈው ወር ናሙና ለመስጠት ፍቃደኛ ሳይሆኑ ቀርተው ነበር የተባለ ሲሆን በዚህ ወር ግን ምርመራ ሲደረግላቸው ሁለቱም በቫይረሱ መያዛቸው መረጋገጡን #SSNN ስማቸው ካልተገለፀ 'የኮቪድ-19 ታስክ ፎርስ' አባል መረጃ ማግኘቱን ገልጿል።

ሌላ አንድ ስማቸው ያልተገለፀ ምንጭ ደግሞ ሁለቱም (2) ሚኒስትሮች ጤናቸው ጥሩ የሚባል ደረጃ ላይ እንደሚገኝ እና ምልክት እንደማይታይባቸው አሳውቀዋል ሲል #SSNN ዘግቧል።

@tikvahethiopiaBot @tikvahethiopia