有街坊報料，元朗洪水橋良心舖「大飯糖」搬左呀。新地址：雅珊商場地下8號舖，今日（12月17號）會重新開張。去嘅街坊留意返呀。🥰
#元朗 #良心舖

📝 #街坊投稿 📝

好多黃店已經帶頭幫手宣傳黎緊嘅元旦大遊行啦。
各位元朗街坊，麻煩一人行多一步，各自印幾張出去貼下宣傳下。
大遊行成功嘅背後，係需要街坊嘅積極參與同宣傳呀。

*相不能盡錄呀

#投稿 #良心舖 #元旦大遊行

📝 #街坊投稿 📝

雞地間「大阪」噚日(29/12)重新開業，要我地等咗咁耐先攪掂新鋪，所以我夜晚去咗懲罰佢地🤤
先講佢個店面，比起以前舊鋪，真係細咗好多，但係反而覺得咁樣更有小店風味。可能太多街坊同我一樣，等佢地重新開業等咗好耐，我未夠7點鐘去佢已經滿座，門口都有人等緊位，所以我買咗外賣返屋企食，落單嘅時候，女店員已經提醒咗因為係第一日先重新開業，所以真係要等耐少少，仲好細心咁叫我可以留低電話，整好攞得嘅時候打俾我先去拎，好貼心嘅服務👍🏻
食物方面，我叫咗個魚生飯定食🍱，d刺身同以前一樣，件件都係超大件，仲好新鮮好好味😋定食有包埋沙律、小食、麵豉湯同茶碗蒸，麵豉湯超級香濃，而茶碗蒸依然keep到係勁足料同好滑😍我仲另外叫咗個芝麻雞翼，炸得啱啱好唔會太燶，入面d肉仲好juicy，個香味仲吸引咗我屋企隻為食貓跳咗上枱想搶嚟食😻整體而言，食物keep到同以前一樣嘅水準，價錢亦都合理，想食日本嘢嘅話，我會推薦大阪🤩
最後想講:
毋忘承諾 並肩同行
光復香港 時代革命
五大訴求 缺一不可
不反已出 1.1維園見💛

#投稿 #良心舖 #元朗

轉發自facebook「我食在元朗。你卻在大牌檔」一位街坊💛💛💛

「肺炎肆虐無咩人出街，但永年排哂隊，轉個彎黃店丼家和食無人，非常時期更加要support 黃店呀!」

來源可以按我👈🏻

#元朗 #良心舖

元朗街坊懲罰矖所有良心舖未？
記熟矖店名同地址未？
經常見到有街坊問地址，其實一直都有地圖提供畀大家睇，唔好浪費整地圖文宣手足嘅心血呀💛

良心舖不限於元朗區，其他區都有。
街坊可以睇多啲地圖，為自己計設下個路線去懲罰佢地。

以上地圖參考來自以下2個網站：
🧩「我食在元朗。你卻在大牌檔」

🧩「終極黃藍地圖」

#良心舖