三粒星要聖誕信！！

就到聖誕～今年香港郵政12月21號截郵！

期待收到大家送比三粒星嘅聖誕信，為佢地送上溫暖和支持！

師傅愛你～

多謝@saplinginheart 靚靚插畫

#三粒星
#saamlapsing
#心苗

三粒星 saamlapsing

外星人～

Hay all～大家近排點？有冇凍親？雖然我咁問，但我都係繼續沖凍水涼😆正吖！但係呢，夜晚瞓覺就真係凍！！又乾又凍，搞到我隻腳指公都凍傷埋😑跟住我就諗起嗰段奇幻歷險記⋯LOL 😅

話說，嗰度係喺個山腰位，仲要近海，就特別食風，仲要係普通市區溫度都凍過香港好多，所以我身處嘅地方可能係得返1，2度咁上下（最凍嗰時～）哇，跟住我塊面、手手腳腳全部凍到傷晒（塊面係好痛啫～）手手腳腳望落去全部都係大大小小裂痕；嚇得我！！好彩我肌膚復原能力好咋。順便呢段經歷加強埋我抗寒能力😁

BTW，預祝大家聖誕快樂～🎄

Aka😄

#saamlapsing
#三粒星

三粒星 saamlapsing

今日係富仔25歲生日🎂🎂

生日快樂呀，呆星！

之前收到大約有70封生日信！富仔叫admin同大家講聲多謝🙏

大家都可以喺呢個post留言為佢送上祝福吖！

#happybirthday
#三粒星
#saamlapsing

三粒星 saamlapsing

探監日常 金毛豬

同大家補祝聖誕節快樂，其實我一路都有探富仔，不過我哋講啲嘢太個人所以冇比大家睇到。

聖誕去咗探富仔，大家一嚟就聖誕快樂～🤣然後就又日常傾計。

講到我去露營煮嘢食，我就話由於我唔太識煮嘢食煮咗個well-done🐮扒俾人，咬極都咬唔開，佢就笑我垃圾咁都唔識整🥲然後教我點樣煎先係最好，仲教埋我其他食譜，講完之後佢話好想去露營，好耐冇露營🥲一定會有㗎！

同富仔update左讀書嘅嘢，喺到同大家update埋！已經confirm好曬讀咩科同交左spring term學費喇！好多謝有心人支援🙇🏼‍♂️

嚟緊幾科都係會計嘅core科！富仔都係鐘意計數多啲，希望佢努力讀書，出嚟做一個好勁嘅會計師！

佢好有信心架，我揀完今個學期可以揀嘅科之後同佢講返，富仔就話：「好簡單啫！雖然係進階啲嘅課程，但我以前已經有自學過喇！」
勁囂張！

富仔都托我同大家講聖誕快樂，轉涼要著多件衫！佢話早幾日夜晚都有凍醒，因為張床太細張，張被會瀡咗落地，但都ok，唔算太凍。

我已經收到富仔嘅聖誕卡，好感動，富仔真係好掛住我地以前成日食嘅雞煲，我都好想大家一齊開開心心食個雞煲，真係名符其實煲底之約！點都會等你出返嚟一齊食！

*
*
*

請多多支持三粒星嘅Patreon
#save12hkyouths
#saamlapsing
#三粒星

https://www.patreon.com/saamlapsing

三粒星 saamlapsing

有信收呀！

請dm

#saamlapsing
#三粒星
#寫信師

三粒星 saamlapsing

Dear 一直同行嘅你哋:

話說臨近聖誕+小弟me嘅生日（雖然都唔細啦😭）經朋友同關心我嘅同路人宣傳下，我好榮幸收到好多充滿祝福同關愛嘅生日and聖誕卡，睇晒咁多位對我嘅支持同鼓勵，雖然天寒地凍，但都覺得好warm好有愛呀💛！好多謝你哋陪伴我渡過人生中最艱難嘅時刻，你哋嘅陪伴同支持令我更加有勇氣去面對當下嘅困境，雖然長路漫漫，猶幸還有你跟我在做反派😄

平日我都好少寫信講自己嘢（主要係份人比較內向同怕醜🙂）今次就借依個機會講多少少啦！

其實呢段時間都過得好辛苦同難受，失去咗好多好多重要嘅人物事，感受過好多辛酸，亦都體會過自己嘅懦弱同無力，仲有好多講唔清嘅感覺同情緒，成日都會好迷惘，迷惘到懷疑人生，質疑自己嘅存在同價值，質疑過去嘅自己，之後開始變到連自己都覺得自己好陌生，情緒低落過好長一段時間...sorry for 好多嘢都好灰咁。但好慶幸仲有一班對我不離不棄嘅人陪我捱緊（辛苦你地啦，Love you ！ ）

我諗冇佢哋，我都唔知點捱落去，不過正因為經歷過咁多風風雨雨，我先知佢哋嘅珍貴，亦都因為咁，我學識咗好多嘢：學識咗點去照顧自己，學下點去面對同接納自己嘅過去（想同曾經傷害過嘅人講聲對唔住！ ）學吓珍惜身邊嘅人，仲有好多好多⋯雖然好廢話feel咁，但我諗呢啲都係我哋人生中必須要經歷嘅課題，都算係我喺呢個牆內嘅小小得着掛（？ ）

計落今年係我第三個牆內嘅聖誕，（上年喺大陸監房過）以往我最鍾意嘅節日就係聖誕，除咗係氣氛好同假期之外都因為近我生日～但自從自己入咗嚟之後每逢啲大時大節or 特別日子我都會特別唔開心，尤其d突發事發生就更甚，果種身不由己嘅感覺特別難受，好多想做嘅嘢都做唔到，甚至只可以收收埋埋扮冇嘢（ 少慘😭）

而今年反而冇乜特別感覺，因為曾經有個好重要嘅人同我講過，唔係樣樣嘢都可以順心，如果反抗唔到就學識接受，只要你平平安安就夠，曾經我唔明白，係佢教識咗我，好感激同慶幸可以遇到佢！令我成長咗好多。而我亦希望大家喺咁嘅時勢下平平安安就夠！感恩可以有緣相遇，祝咁多位有個健康嘅身體去享受今年嘅聖誕同新年啦！至於對我來講最好嘅聖誕禮物梗係玩埋我果份，開心埋我嗰份啦

Merry Christmas Happy New Year ！

另外因為有部份無回郵，所以想透過今次封信一次過咁多謝晒咁多位關心過我嘅大家🙂至於有回郵嘅煩請靜候，原諒細佬我效率低😆但點都會回嘅！

PS1 天氣凍記得着多件衫保暖啦，唔好凍親呀！
PS2 我拉筋唔係為咗減肥OK？😑

Love you all
呆星上
2021-12-21

註：為免大家TLDR，Admin聽日先出感謝名單list 啦！

#三粒星
#saamlapsing

三粒星 saamlapsing

寫這封信的時候也想不到有什麼東西可以寫或者能寫岀來😢

回信時間已系系上年十月，睇嚟真系一封家書以外的信，佢都收唔到🤬

願你都可以好好的、坦蕩蕩的過每一天！！！

#bringthemallback #yanbrother #zippo #windprooflighter #lego #撐手足撐到底 #save12hkyouths #我們不只一個數字 #鄧棨然 #喬映瑜 #wolrdwideshipping
#12hkyouth #星火同盟 #尖沙咀郵箱98697號 #香港人 #香港人加油 #yanlegobrother #saamlapsing #團結一致 #永不言敗

Yan's Lego Brother

《史上最大的線下交友平台》上線喇！！！

是咁的，佢哋無得上網又無途徑識新朋友，都真係幾悶。所以我地希望搞個筆友探訪計劃。

咁就咁見面都小尷，所以我哋想邀請一直有保持書信來往嘅筆友去同佢哋真人見面再展開15分鐘激情嘅對話！

參加資格：筆友必須與佢地三個其中一個（or more) 保持來回寫信三個月（可能都係一兩封，因為牆內牆外嘅時差🥲）

參加前需知：
根據懲教署規定，在囚人士須預先登記探訪者的姓名（實名）同埋大家咩關係。

成功加名入探訪名單後，就可以去探佢哋喇！

如果不便提供個人真實資料，就繼續做筆友啦！幻想空間會更多🙈

如果清楚明白，請DM或用Telegram 聯絡 @saamlapsing_jh ，將會更詳細解釋成個流程你知

#史上最大的線下交友平台
#三粒星
#saamlapsing

三粒星 saamlapsing

探監日常by金毛豬

有成一個月冇見過富仔喇…都唔知下次見面會係幾時…唉 而家唯一可以做嘅係入物資同寫信🥲

新年初一嗰日諗住去探，講聲新年快樂。但因為武肺突然取消..佢地咁就過左一個沉悶，冇人祝賀嘅新年🥲

上次講緊日常野夠鐘，都唔知幾時先可以再傾計，呢刻只能靠寫信。希望大家都踴躍寫信比牆內手足，佢哋而家乜人都見唔到啊，需要大家寫多啲信俾佢哋同大家溝通下同埋解悶🙇🏼‍♂️

今日入左好多物資俾富仔！希望下次嚟唔再係得返入物資，可以直接探訪見到佢啦！

富仔呢段時間估計係努力讀緊書，已經差唔多到佢交功課嘅時間！ 希望佢唔好計數計到頭都大埋啦🤣大家寫開信俾富仔嘅都可以一齊鞭策下佢呀！🤣

*
*
*

請多多支持三粒星嘅Patreon
#save12hkyouths
#saamlapsing
#Threestars

https://www.patreon.com/saamlapsing

三粒星 saamlapsing

見字PM，有信收

Mount
小露
Jamber
Leung Lai
魔人77
Q太朗.PP
Constance
S.T. Kwok

#saamlapsing
#三粒星

三粒星saamlapsing

外星人～

唉⋯又拖期⋯單case已經2年都仲未答辯⋯而家仲要因為政府嘅「動態清零」搞到民不聊生⋯再望吓外國啲人，舞照跳，馬照跑⋯唉

「香港人」，真係好慘⋯

話說，啱啱做咗個撩鼻快速檢測，咁我冇就梗㗎喇，但到之前我就勁緊張到仆街，因為其實當我仲喺大陸嘅時候佢哋係有幫我做過呢個檢測（撩鼻但並不快速），但相比香港嘅幼幼棉花棍，大陸嗰支起碼粗左2倍！而且嗰個人仲要勁粗魯，搞到我唔舒服左勁耐😑

我終於都明·解女仔第一次，如果男方唔溫柔對女方造成嘅陰影有幾大了😵 我啱啱緊張到放晒屁，又勁想💩😖

武驕

#saamlapsing
#三粒星

三粒星saamlapsing

[大粒☁️Admin]
雖然唔係咩大時大節…
但都想大家多啲寫信俾三粒星🙏🏻

雖然佢地成日話冇事、唔洗擔心、安好之類
但呢啲說話 信個七成就好🥲始終坐得耐 間唔中都會有啲情緒… 何況而家寫信時差好勁🥴想用書信作為陪伴都難🤦🏻‍♀️只係希望佢地情緒低落嘅個一日 會係有信收嘅一日
拜托大家了🙏🏻一齊撐住三粒星🌟

📬筆友探訪計劃：
與三粒星（其中一個or more）保持來回寫信三個月嘅筆友，如果有興趣去探佢地嘅話，請dm admin或用telegram聯絡 @saamlapsing_jh🤍
雖然未完全開放探訪，但搞得嚟差唔多～
btw面對面傾偈好爽㗎😆唔洗等覆 有咩直接講！
-
-
唔慣寫信 唔想探訪嘅…
考慮下subscribe patreon吖🌟
Link in bio🙏🏻
#saamlapsing
#三粒星
#save12hkyouths

saamlapsing

［上庭後記］
有留意法庭文字直播嘅手足 應該都見到啦～
上次4月25號三粒星上庭👩🏻‍⚖️
➡️係 咩 進 展 都 冇 嘅🥱🥱🥱
「控辯雙方指仍需時處理轉介至高院的文件，以及索取法律意見或申請法援，申請押後。」
案件押後到7月4日下午2點半👩🏻‍⚖️
（admin到時早一個禮拜再提大家🙋🏻‍♀️）
-
旁聽可以一次過見哂三粒星真人 so cute😂佢哋三隻野係被告欄入面同我哋打眼色👀 章魚星仲回我一個心心手勢🫰🏻（笑）雖然後來去探呆星嘅時候 佢話叫我哋唔洗特登去旁聽啦🤷🏻‍♂️反正有排都開唔到審咁話（苦笑）但問心邊個會想見到旁聽席空空如也吖… 就算只係見到一面 一個眼神交流都好吖 至少知道有人支持佢哋嘛！
所以大家有時間真係要多啲去旁聽呀✊🏻
-
上圖記錄咗金毛豬admin跑得勁快送囚車嘅畫面🏃🏻好彩我都追得切🤪平時練下體力真係好重要！
*
*
*
請支持三粒星嘅patreon🌟
Link in bio🙏🏻
#saamlapsing
#三粒星
#save12hkyouths

saamlapsing

[金毛豬admin]
大家好呀好耐冇見，其實一路都有去探富仔～不過由於我哋講啲嘢實在太無聊講出嚟都會悶親大家🤣例如係打機發現到有人用緊佢account，佢勁驚自己個Account俾人玩到衰咗嗰啲🤣所以都冇同大家講啦

近排又幫富仔報咗嚟緊9月學季既會計課程，佢話我上次報個啲好難，所以今次報左易啲嘅俾佢讀！有一科仲要有出面嘅會計行認證！要加油呀富仔！

又講到近排我食過嘅好嘢，佢流晒口水，話出返嚟要我請佢食晒講過嘅餐廳🤣🤣想食窮我！

今日戴住新產品去探左富仔，佢話：嘩！終於到左！正！
有一兩盒已經出咗俾身邊家人朋友，富話多謝佢哋，同埋多謝嚟緊會買既大家！多謝大家仲會支持佢哋咁樣～

*
*
*

請多多支持三粒星嘅Patreon
#save12hkyouths
#saamlapsing
#Threestars

https://www.patreon.com/saamlapsing

saamlapsing

謙謙想9月頭生日，希望大家拎起枝筆寫封信同佢聲「生日快樂！」

如果諗唔到寫咩，可以就搵張你覺得好好笑嘅memes圖寫兩句，送份少少禮物比佢吖

佢成日都講好想收memes圖，但冇人寄比佢！

連登地獄memes圖系列都係好選擇

#三粒星
#saamlapsing

三粒星

各位中秋節快樂啊，探完富仔update下：

一入拜山房，一開倒數計時，大家第一句都係：「中秋節快樂！」
富仔好開心同我講話今朝食咗大餐。 大餐有： 自家製蛋糕+凍檸茶🤣（蛋糕即係M&M+消化餅溝埋一齊，通常生日或者大時大節佢哋都會咁樣慶祝！）係一個豐盛嘅早上🤣

同佢分享睇完周國賢演唱會，佢2隻眼發晒光，話自己近排都係貓仔（收音機）聽到腎仔最新嗰首太平道！唔好睇少佢哋呀，佢哋D消息跟得好貼架！新歌肯定熟過我同你。

我同富講聽《今生不回家》嘅時候諗起佢地時喊左出嚟，佢話：「唉～我都好想睇埋腎仔演唱會呀🥲」為左氹佢開心，我都買左件演唱會tee比佢嫁～遲d入衫送個小驚喜比佢，大家幫手保守住呢個小秘密先，件衫9月底先收到貨🤐

讀書方面啱啱收到學校嘅receipt,相信好快就會有教材到手喇！要加油呀富仔！

中秋佳節未必個個都可以團圓
大家要好好珍惜身邊人，互相撐落去🖤

小插曲：因為咁啱呀邦（3c電話維修老闆）係隔離窗，佢見到我戴住嘅三粒星口罩跟住話好靚！再次多謝晒各位支持！

大家記得聽日11/9 後日12/9 去自取點拎口罩喇！另外！好景會有現貨開賣～希望11/12號大家嚟捧下場！

*
*
*

請多多支持三粒星嘅Patreon
#save12hkyouths
#saamlapsing
#Threestars

https://www.patreon.com/saamlapsing

三粒星

[大粒☁️Admin]
探完阿銘🐙⭐️update大家:

阿銘前排病咗🤒收到佢話病個封信嘅時候 佢已經好番啦🤥探佢嘅時候更加係龍精虎猛😂🤦🏻‍♀️

一行入去就見到佢剪咗個新髮型😂佢問我好唔好睇～我反問佢係咪一定要剪🙊佢話唔係 係佢自己想剪👻我好坦白咁講：唔好睇😂太短啦💩

傻仔銘由9月開始讀番書啦📚好努力自我增值呀😚佢讀緊Maths同Physics嘅課程📉大概下年1月就要考試！佢話要用英文讀好辛苦😂日日都係渡查字典咁話喎😂笑死！幫佢徵識maths同physics嘅筆友，指點下迷津！

📍地址：上環郵政信箱📪33496號

同佢講到我之前去咗睇林家謙演唱會😆有好多感動嘅位🥹問佢有冇聽過「記得」呢首歌～佢話唔記得有記得呢首歌😂下次要寄啲歌詞俾佢睇下先得！

跟住講咗最近賣口罩嘅事！佢話多謝大家支持&辛苦哂咁多位admins🙏🏻佢話除咗多謝都唔知可以做咩🙈我叫佢多啲寫信覆下大家就得（你地知佢幾懶寫信㗎啦😂）

跟住講咗少少我地自己感情上嘅問題…咁就15分鐘🫠快到傻咗🫠臨尾諗住佢竟然咁好死 今日冇話我肥 點知佢最後都講咗句：「睇得出你今日著呢件衫係想遮住個肚腩啦🤣👇🏻」屌！😂俾佢走甩咗！冇時間還擊添😂🤣
-
p.s. 今日上庭again🙏🏻希望順利
-
📬筆友探訪計劃：
與三粒星（其中一個or more）保持來回寫信三個月嘅筆友，如果有興趣去探佢地嘅話，請dm admin或用telegram聯絡 @saamlapsing_jh 🤍
-
唔慣寫信唔想探訪嘅…
考慮下subscribe patreon吖🌟
Link in bio🙏🏻
#saamlapsing
#三粒星
#save12hkyouths

三粒星