被捕人士收信部
5.79K subscribers
2.59K photos
1 video
2.44K links
公開信報料: @youarenotalonehk_mailbot

【關注組】 @youarenotalonehk
【直播台】 @youarenotalonehk_live
【資訊部】 @youarenotalonehk_info
【搜證部】 @youarenotalonehk_evidence
【收信部】 @youarenotalonehk_mailbox
Download Telegram
🎨
認真收到呢一幅畫既時候真係好驚喜
係咪太耐冇見,所以講啲野愈黎愈肉麻呢?☺️
不過我中意🤭

http://www.patreon.com/running__hand/
👆🏻👆🏻可以訂閱我既Patreon

運轉手running__hand
蛋爸除左似土撥鼠,仲好似河馬🤣
睇到佢 好似去左動物園🤣🙈

開心你係裏面搵到岩傾既人💙
開心你咁艱苦既日子都有一點甜❤️

我成日都話你le世人冇做左啲咩
最叻就係有啲咁好既朋友 邊到搵☺️
不過都要你夠真 人地先對你咁真啫❤️

大家都等梗你❤️❤️🙆🏻‍♀️加油

訂閱我地既Patreon 支持下💛 :
https://www.patreon.com/tangdan0411

letterofchihong
被捕人士收信部
歡迎大家寫信給小杰! 小編很高興的說!成功為小杰申請咗郵箱喇!歡迎所有認識或不認識小杰嘅朋友寄信俾佢! 現時暫停咗探訪,小杰喺牆內係悶到發瘋,希望大家都可以透過書信幫小杰解悶,同時可以update牆外世界發生嘅大小事俾佢知。無需擔心唔知寫乜,基本上你寫乜佢都有信必覆。 信件大約寄出後5-7日先到小杰手上,所以回信嘅過程會比較耐,請耐心等候。 若小杰沒有足夠郵票,佢會托小編轉寄信件俾大家。 小編再次感謝大家對小杰的愛與關懷! ---------------- 小杰寄出信件,當中提到: //這…
小編記錄:收信快樂|小杰的信箱

啟用屯門信箱剛剛一星期,其實小編一直都覺得,應該唔會有好多人寫信俾小杰喇,佢又唔係乜嘢政治人物,星途又未去到聲名大噪,其實開個信箱幫佢收信都唔知個使用率有幾高。今日先係小編第一次開信箱收信。打開211信箱嘅一刻,見到竟然堆滿咗信,小編感到驚訝亦覺得感動。「真係有人寫信俾小杰㗎喎!」好快小編就攞住一堆信番屋企整理。

寄信的人各有不同嘅背景,有本身認識小杰但可能唔係好熟,有中學同學,有中學老師,有從前嘅同事,有陌生人……小編覺得都幾amazing。信嘅內容當然都好豐富,其實小編亦唔會每封都詳細睇,小編主要幫手check下有冇塗改液或者任何唔合規格嘅內容,有啲朋友會將回郵地址寫喺信封面,咁小編就會幫手抄一次落信紙到,等小杰可以從收押所直接回信俾寄信嘅人。當然最後亦係最重要嘅部分,為每頁信紙都寫上小杰的在囚編號。

小編想代表小杰向大家講聲多謝,多謝你哋每一位寫信師,請不要看輕文字嘅力量,每一個寂寞難耐嘅晚上小杰係靠著大家寫俾佢嘅信來捱過。而家收押所又鎖倉(冇得去day room活動)又禁止探訪,其實係想像唔到咁悶,佢只可以不停聽電台同喺50呎空間裡面行嚟行去,佢話都行到7步嘅。所以收信一刻真係好快樂㗎!

講咁多,都係想鼓勵睇到呢個post嘅你寫信俾小杰。

寫咩都可以,佢一定會回信㗎,係時間有啲耐咁解啫(基於疫情關係)。

期望屯門信箱收到你嘅信。多謝你哋對小杰嘅厚愛!

小杰 SiuuKit Patreon
好耐冇收過你畫畫俾我啦🥲
唯有睇反之前個嗰啦❤️
Le兩隻貓貓真係好可愛☺️💙
許個願 希望快啲再收到你既畫💫

我一個咁懶既人
平時都淨係着波衫波褲就算😂
每次去探你都會著得好睇啲 著反出街衫🤣🤣著俾你睇呀嘛🤣❤️

訂閱我地既Patreon 支持下💛 :
https://www.patreon.com/tangdan0411

letterofchihong
Hey豬,收到我封情信未呢!我仲未收到你啲信丫!
今日依然係釘倉嘅日子,都係咁悶咁難捱!
我睇新聞出邊每日都爆咁多宗確診,都唔知幾時先爆完,而家大家都習慣咗一到沖涼時間就不停吹水,平時係期數大家都做自己嘢,好似冇friend咁,而家就見面時間少咗,日日見面先得45分鐘,所以一見面就係咁傾偈!
我哋依家移動休息倉3-2/F都係隔離人士樓層,我哋就瞓一樓,好怕啲佢會中招!
你依排有冇返工啊?尋日有冇出去呢,有冇收到我叫佢買嘅花呢?本身諗住有得上庭可以見下你,到而家都未知道要押後幾耐!

呢兩日有alarm,有所員打交,自殺!可能啲人鎖到痴線,正常人都所到變低B,呢排你出邊收信會唔會都要等咁耐,我琴日情人節嘅節目就係睇返你寫俾我咁多嘅信,睇吓我哋啲合照~

🤦🏻‍♀️⋯⋯其實而家工又唔開得,日日歐喺屋企,又凍又落雨,我真係完全感受到你喺入邊嘅感覺,希望你唔好比入邊嘅人影響到你情緒….

小小心意唔區既訂閱連結:
https://www.patreon.com/Buxmas2021

豬仔包buxmas2021
又再postponed.....🥲🥲
小編剛剛先收到消息….
文浩案件第2次押後….

#待確實最後審訊日會再話俾大家知

文浩的365日manhoinjail
我的漫長staycation
Week 3

//大家好呀!又係我!話咁快就嚟到第三個星期了,大家是咪好掛住我呢hehe 上回講到我啱啱轉倉加第一日停探訪,到今日已經停咗6日探訪了 :( 不過冇探訪嘅日子又冇我想像中難捱,可能係因為呢到都有好多野可以做!例如寫信傾計畫畫睇書睇報紙訓覺,仲有一日三餐嘅食飯時間,計計下都幾忙下!有時為咗趕信期 連熄咗燈之後都繼續寫,真心喺喺呢到三個星期已經寫咗我一年嘅寫信字量!(我出返去應該有寫字恐懼症)......

呀!寫到呢到隻手已經痛痛地啦,啲字愈寫愈醜樣唔好問點解啦haha 近日我都繼續食得好(頭先食完粥好飽 有啲頂住個肚),不過都係訓得唔太好,唔知點解每晚我都會醒好多次(次次都起身執被,張床太細)而呢個時候都係我每日最唔開心嘅時間,因為發夢嘅世界好美好(其實我唔記得發咗咩夢大部分時間都),但只要喺外面我都覺得好好,一訓醒就發覺自己一直都身處呢個空間,有好大失落咁。但又唔好誤會,我唔係唔願接受現實,只係太想返出去做我未做完嘅野,講我未講完嘅說話,你地又明唔明白?

好啦唔講啲衰嘢講下其它嘢先!呢個星期慢慢收到唔少信了!開心!仲要好多都用kitty信紙寫,好有愛呀!💛💛望住咁多kitty真係回信都回得特別開心!喺呢到有唔少kitty知音,kitty畫冊超受歡迎呀!以前大家成日都嫌棄我鍾意kitty真係唔識貨!

呀!我呢排有個新發現!就係明報嘅體育新聞係A版入面,冇抽走!所以嚟緊都要訂明報睇(雖然佢體育得兩頁 )今日睇報紙見到林柏特第二場帶領愛華頓就輸咗波,同埋曼聯比般尼迫和哈哈!可以睇到體育新聞嘅感覺好好,好似自己冇脫節得咁多。最近都睇咗唔少冬奧,但唔係好捕捉到港隊出場嘅時間,有冇人話返比我聽佢地成績點?

講開體育,我尋日喺呢度上咗第一堂嘅體育堂!感覺都幾新奇,會有PE衫比我地著,褲仲係得短褲嚟 一開始都幾凍,但郁多兩郁就暖了!我哋打咗陣羽毛球都幾好玩,等我下星期都join下先!喺到做運動嘅機會真係超難得啊! ! !日日咁坐法真係唔知肥咗幾多:( 除咗體重之外喺呢度皮膚都差咗超多,唔開心呀!!!有冇人有洗面同護膚嘅好方法可以提供???

最後,大家覺唔覺得呢兩張信紙好靚呢?係我親手畫的!獨一無二的Hello Kitty信紙,咁樣寫信真係人都開心啲!好啦攰啦,寫住咁多先,下次見💛 PS記得要掛住我呀💛//

kristy_laihing
10/02/2022
等緊食晚飯好餓
鎖倉日子2

‘’而家收押所好似每日都有人中招 望落操場間唔中都會有啲着晒保護衣嘅職員對住某一兩個所員一路行一路噴啲消毒噴霧直至佢哋上旅遊巴運往其他作隔離用的監獄。

睇見呢幕有時會覺得佢哋好慘,係一個杳無音信嘅地方被單獨隔離直至好返,短極都三兩個月,完全無法想像其難捱程度⋯⋯宜家仲要停晒court ,政府啲應對措施又差,有資源都會用喺外面嘅市民先,呢班染疫而被長期隔離嘅所員日後遭遇可想而知會幾咁慘⋯⋯‘’

***

☠️

希望快啲恢復探訪,在囚人士唔洗再被隔離,佢哋入面已經無電話/娛樂,再單獨隔離真係會顛☠️

神算子Patreon
【沙門】

今日純粹係啱啱聽完陳蕾隻新歌「沙門」後,突然有靈感而出黎,於正如陳蕾呢隻係一首表達佛教中「沙門」既修行中既狀態一樣。我係吉吉既元素入面試下加入「修行僧」既元素入去,咁啱睇緊「overlord」入面到左攻打Lizard man既部份,其中一隻叫zenbru、gugu既角色職業亦係修行僧,於是幫吉吉戴上僧帽同佛珠:P。另外嘗試將「毛筆書法字體」同「沙」既呢2個元素融合,但我發現我對毛筆字係幾乎「0認識」,最後只勉強做到咁Em....感覺可以做得更加好,或者下次試下同「沙畫」結合試下點~目前就咁收住貨先la :P。

仲有件事想提一下,今日見到報紙話有鋪頭受襲,實在令人憤怒,但並不代表處於被動就咩防備都無,正所謂「防人之心不可無」,你都要注意下呀,如果你D朋友有開鋪頭,係門口加多2-3個cam,做好最起碼既自我保障呀!

2022.2.14

沙門,陳蕾 :)。

文浩的365日manhoinjail
【初選案還押一周年】

望望日曆,上年嘅今日係初選案47人去警署報到嘅日子。

猶記得報到前同吳生嘅最後一次對談,佢好凝重咁話今次報到佢都唔知出唔出得返嚟。吳生不嬲都好少「過份憂慮」,面對呢個情況,我唔識得回應,淨係講:「無事嘅!🥲

事實證明,佢真係無「過份憂慮」。

呢一年,相信除咗47人之外,每一位家人嘅生活都有翻天覆地嘅改變。除咗要面對好多自己從來無諗過有需要學習嘅法律程序,仲要奔波勞碌去探訪、搵物資、同埋學習適應屋企「少咗一個人」嘅日常生活。呢一切一切都非常唔簡單。

至於朋友,都過得唔容易。小編最大嘅感想係:「現實真係一顆煉金石,但我未準備好被煉呀…😅

小編無想像過自己有一日會做小編,亦無諗過原來做朋友都需要無比毅力,要持之以恆咁關注同投放心力。坦白講,喺正常嘅日子小編邊有咁多時間得閒就問下朋友「近況如何呀?」、「心情如何呀?」。但喺呢啲日子,自己都會重新思考,如果每個人嘅關心都唔表現出嚟,唔得閒「煩」下朋友,朋友根本唔會知道自己有人關心佢,特別係喺呢啲日子,如果「被遺忘」,感覺應該會更難受。

雖然每個人嘅經歷都唔同,但同時亦都大同小異。一年剛剛過去,小編想同每一位關心47人案嘅親友講聲:

「辛苦了🙇🏻‍♀️

同時亦都想感謝每一位仍然關注吳生嘅朋友。小編知道,能夠到而家呢一刻都堅持默默關注都已經係一件非常唔容易嘅事,亦都好感激呢一年嚟曾經幫助過吳生或者關注組嘅朋友,雖然現實係充斥住巨大嘅無力感,但起碼我哋唔係孤獨,我哋仍然可以互相扶持🫂

最後,希望各人都可以平安,案中嘅每一位都可以盡早歸來同親友團聚💛

支持吳政亨(李伯盧)關注組 Patreon:
https://www.patreon.com/GordonNgConcernGroup
---------------------------------
吳政亨(李伯盧)關注組
尋筆友
1. 角落貓貓
2. 開心仔
見字聯絡 @FUNG1SEON3Z12 收信

封信子fung1seon3zi2
今日上庭,家成托家人向各位朋友傳達以下口訊:

「我ok嘅,狀態都幾好,係一開頭隔離21日到宜家『釘倉』[1] 基本上冇得出去『行街』[2]、做運動,條腰、啲肌肉有啲壞壞地,但其他所有野都ok嘅唔使太擔心!最緊要大家平平安安、身體健康、逍遙法外啦!」

編按:一年前的今日,包括家成在內的47位民主派人士被落案起訴、審訊、還柙,當中不少人已被未審先囚一年。這一年間不論香港抑或是整個世界都經歷翻天覆地的轉變,每天的新聞都不斷衝擊著我們既有的世界觀。前路不見得平坦,但不管如何,都希望大家能繼續關注一眾正在或即將為香港失去自由的手足,同時要繼續保持希望與鬥志,千萬不要被紛亂的世界擊潰。

[1] 即獨立囚禁
[2] 亦稱「放風」,意指離開囚倉到室外地方做運動

-----
📢關心家成的朋友,歡迎訂閱patreon,支援家成:https://www.patreon.com/owenchow
📮歡迎寫信師們寫信俾家成
請計算好郵費,將郵票同埋一個空白信封,連同信件一同寄去:
「荃灣郵政局郵政信箱1342號」
信封不要註明「鄒家成」
詳情請參閱:
https://www.facebook.com/owenchowkashing/photos/a.114295539977826/697048778369163

鄒家成
💌
好想你減到肥變大隻仔
之後見到我會開心到喊個日快啲到🥺
我已經差唔多一個月冇見得你了

http://www.patreon.com/running__hand/
👆🏻👆🏻可以訂閱我既Patreon

運轉手running__hand
郭小杰榮獲第三十屆香港舞台劇獎提名

小編在此為大家帶來好消息,郭小杰憑《通菜街喪屍戰》(風車草劇團),榮獲第三十屆香港舞台劇獎提名,最佳男配角(喜劇 / 鬧劇)

總算在艱苦的日子中帶來一點甜,小編跟大家一樣,都希望透過文字恭喜小杰,那就事不宜遲,快寫信給小杰吧!

----------------

由於近期場地再度關閉至4月20日,第三十屆香港舞台劇頒獎典禮需再度延期,詳情有待公佈。

小杰 SiuuKit Patreon
最近郵政既問題真係delay 得好嚴重
代理人3月1號先收到糖妹7號寄出黎既信

大家有信都可以寄住去個郵箱先
不過應該要等疫情好返啲先可以去到收信
因為代理人表示最近如非必要都不出家門

最後提提大家大欖既消毒郵件方式係霧氣同打燈
所以寄俾糖妹既信可以放心寫

祝大家身體健康

烘焙小店2.0 shirleyswine_2.0
被捕人士收信部
Photo
12 MAR 最後裁決
被指控為SUCK CHANNEL管理員

法院:西九龍裁判法院(暫代區院)
時間:上午09:30

文浩的365manhoinjail
🤒
今日收到褔利官電話…
話你確診…而且第三日了..
擔心中…..

http://www.patreon.com/running__hand/
👆🏻👆🏻可以訂閱我既Patreon

運轉手running__hand