【「岳義士」判刑前的一封信】

入咗嚟差唔多半個月，我份勞教中心(報告)亦都寫完。我相信喺幾個鐘頭後應該就即將有結果。將會面對既應該係幾個月既監禁，係我出去上庭既同時，亦有一個手足刑滿出冊。17歲學生陳國靖亦將會陪伴我一齊喺壁屋坐監。

喺疫情之下，凡係有出去上庭既人都要隔離14日，而呢14日既活動就係起身食飯睇電視清潔踢波沖涼、食午飯、清潔、睇電視、食晚飯、返房睇書、訓覺。大約每一日時間表就係咁既樣，大同小異。監獄都有民主㗎，就係舉手決定睇咩電視台。

同時我亦好掛住出面啲生活，好想行山、踩單車。明明出面咁好天，日日望住出面天空藍天白雲。我幾想快啲坐完，出返嚟做鍾意做既事，去下旅行放下假（喺呢度成日睇到啲旅行節目）。仲有出去食好嘢，呢度啲飯真係好難食。

出面既香港人撐住！即使國安法殺到，最緊要係留返個有用之軀，離開也好，留低也好。離開既要記得返嚟，我相信香港呢個家你地都仍然掛念。留低既，沉住道氣，佢控制你聲音，但佢控制唔到你思想。記住勿忘初心，呢到啲手足仍然繼續堅持。我相信我地會見到重光既一日。

岳
6.30

Telegram: http://publielectoral.lat/pppnewstg
#PPPN #以曝制暴 #歡迎投稿