【探望·記掛】

自從平日要返工後，只有星期日可以去探望，昨天就一次過約晒 #徐子見 及 #岑子杰 兩位，受家人所托帶了重要的朱古力做手信。不過因為子見去咗赤柱，而Jimmy仲喺荔枝角，所以要兩邊走。

還押人士探訪時間需要喺早上12點前登記，為咗趕得切去晒兩邊，晨早七點幾去到赤柱排隊，但不少家屬都更早前來，已經排第19，到0845先開始登記，幸而今日都暢順，未夠10點就走得，可以搭小巴再轉隧巴再行一段路去荔枝角，去到剛好11:45，仲有時間邊走邊咬個腸仔包。

子見過界赤柱後都適應，不過現在住倉的底層兼獨立囚禁關係，望唔到天，佢話平時都係睇書，而且圖書館都有藏書啱佢(佢話有本書好睇唔知點解千年都冇人借過，可想而知佢嘅口味幾與眾不同🙄)，有食私飯及keep住做運動，所以真係精神飽滿咗，同埋隔離係 #郭家麒醫生，所以大家唔使太擔心佢嘅健康住，係好掛住大家嗰度最難捱。

見到Jimmy 皮膚及頭髮都靚咗，佢話佢冬天會咁嘅，至於大家關心佢嘅身型問題，佢話佢冇再肥落去(但冇瘦咗)，但佢隔離嘅 #王百羽 瘦咗50磅。同佢講開周末的 #香港同志遊行，我話佢知我有跟Choir去唱歌(我仲特登戴番條彩虹圍巾去俾佢睇)，佢話主題《#相約別離 同見未來》係佢有份諗嘅，本來佢係提出《愛·別·離》，呢個「別離」=「別/離」係佢在入面好深深嘅感受😢

15分鐘真係未講完開場白就過咗，而家47人案仲要延期到出年人日，即係未審就已經先坐咗一年😭

#收到嘅信少咗大家要寫信啊
#信件可寄來俾我轉交

韋少力