<探Ahmy>

今日又去左探Ahmy，之前探幾次都係用盡果15分鐘交代不同野，今日總算有得吹下水。

入左去個幾月，佢生理同心理上都總算settle左。

佢同case所有手足已經轉哂去赤柱，佢估計自己都隨時會轉，不過呢d就唔到佢控制啦（其實佢自己都想轉，因為佢同同case手足係比較熟，但就怕探訪親友會麻煩d）
不過聽聞赤柱係全密封囚室（無窗），夏天係會比較焗；私飯聽講比較好食，但價錢就貴兩三倍..

宜家私飯得返肉/齋揀，有時d肉餐佢唔食就被逼要食齋，例如上星期有餐係喇沙，佢自己又唔鍾意喇沙所以就唯有揀齋食

呢排佢都有收到Jimmy Jungle網友既信，有d仲話收過佢畫既你出題畫好impressed（但果位網友描述完之後佢就知道幅畫其實係另一位同事畫的），佢托我地同大家講話多謝各位肯寫信比佢，佢自己都睇到好滾動，會繼續努力回信，希望大家可以繼續撐落去，得閒都可以寫多d信比佢

#寫信師召喚

Jimmy Jungle