比較熟悉壁屋懲教所入面運作嘅手足都知道YP係會將在囚人士分為左右班,咁樣分開兩班係因為一日入面大家都要有半日時間上堂或者工作,點解會咁樣?因為懲教處自稱受到兒童權利公約入面嘅兒童人權管制,啫係左班工作時右班就會係課室入面有所謂嘅上堂,所以青少年每日都要必須有半日嘅時間學習,但又有幾多位青少年在囚人士又真係會好似返學咁乖乖地上堂啊,基本上大家都係做自己野多,傾計睇書寫信訓教,大部分嘅青少年在囚人士都係咁過,其次就係要將曾經起過衝突嘅人分開管理,不過依個唔係今日嘅主題我就唔詳細講解。但有一個期數係比較特別嘅,依個期數係打破左依個風氣同左右班嘅管理在囚人士嘅方法,個個期數就係叫做Form5亦即係今日嘅主題DSE班。
首先同大家講左老師方面先,DSE班入面嘅老師係完完全全未接受過任何懲教管理在囚人士嘅訓練,係真真正正係牆外嘅中小學做過老師有教師牌嘅老師。佢地都係因為做懲教院所嘅老師係屬於公務員嘅一種,有固定嘅薪金仲要比出面嘅薪金高,亦唔需要因為合約嘅問題而煩惱,入面嘅工作亦都比牆外嘅學校輕鬆,相對地因為懲教文化係重刷管理層鞋嘅文化,所以佢地大多數都好驚比阿一講說話,一件好少嘅事都可以令到所有職員包括老師都要緊張快速地處理,所以對老師黎講心理影響往往都比正常學校較為高。不過懲教文化又唔會影響到老師對在囚人士嘅心態同諗法,佢地同樣地會用正常學校老師對學生嘅心態對待青少年在囚人士,當然亦都有懲教職員都會但唔會係全部,但老師就好唔同,佢會同我地講下啲課堂外嘅野,例如八卦新聞、佢地依排嘅生活同一啲性笑話/知識,所以佢地同在囚人士嘅關係都比較親切。
DSE班生活同學習方面,生活方面其實基本上同其他在囚人士一樣,但自由程度都會比其他在囚人士高,因為係牆內嘅DSE班往往都係幫懲教做正面宣傳嘅方法黎,每一年嘅DSE班不論男女青少年在囚人士定教導所嘅成績往往都好高,亦都因為佢地要係十個月內學習由中四至中六所教導嘅所有野,所以入面職員對DSE考生都會比較寬鬆,所以福利都會比其他在囚人士較多,當然依啲都係監房入面嘅潛規則,正常嘅DSE考生都必須同其他在囚人士一樣。仲有一樣唔同其他在囚人士嘅係DSE班係由左右班中抽出對DES有興趣嘅在囚人士,DSE班成形後大家啲倉會由單人倉轉為多人倉,為嘅係令到佢地晚上唔會受到其他在囚人士影響學習同希望大家互相教導大家,仲有每日除左早午餐同行街外都必須係課室,所以大家每日都會同左右班嘅所有人接觸。而學習方面其實就真係冇乜野可以講到,但可能好多人都覺得我地除咗四科必修科外選修科目同正常學校一樣可以選擇,但其實我地係唔可以選擇自己想上嘅選修科,懲教會固定兩科選修科為旅遊同經濟,懲教自稱選擇依兩科嘅原因係唔會影響到DSE班學生嘅思想。
DSE前後過程,不能會考定DSE都需要交考試費用,但在囚人士可以唔使交依一筆嘅費用,因為係監獄入面在囚人士所學習任何知識嘅費用都係由在囚人士教育基金負責亦即係政府,當然OU都可以,但OU方面就要交返比山羊了。懲教規定晚上10點熄燈訓教,但DSE班考試前一個月同DSE其間懲教可以比我地11點先熄燈方便我地溫書,但好奇怪地佢地比我地11點先熄燈都要我地事先申請,不過話就話去到11點,但其實大家可以同職員講或者職員見到你仲溫緊書都會再遲啲熄燈比你溫耐啲,除非有特別嘅情況例如煞到就真係要11點熄燈。考試期間因為監獄只有一個考場就係壁屋懲教所(成人方面我唔清楚),不論你男女定教導所嘅在囚人士每次嘅考試都必須要係壁屋懲教所考,所以每次有考試女青少年在囚人士同教導所嘅考生都係要即日來回,但話就話一齊考但我地係接觸唔到其他監獄嘅人尤其是女監,雖然考試其間佢地真係會坐係你隔離,但一考完試就會將唔同監獄嘅人分開。考試期間有兩份卷比較特別,其中一個就係口試,口試會唔同出面嘅時間考但就會一日內考晒中英口試,考評局亦都會請一啲大學嘅學生入黎做模擬考生,兩位DSE考生同兩位模擬考生咁樣考。第二份卷就係聆聽,相信有睇我之前story嘅人都知道佢地嘅聆聽考試係唔會用到收音機,因為青少年規定收音機只可以係倉內使用之外佢地係不能帶出倉外,考試其間考聆聽亦都一樣,只可以好似中小學其間考試咁用光碟或者USB手指播放聆聽內容,所以想為佢地打氣嘅手足唔好浪費心機係當日嘅《晨光DSE加油站》幫佢地打氣佢地係唔會聽得到。 #fishball
fish_ball_boys
首先同大家講左老師方面先,DSE班入面嘅老師係完完全全未接受過任何懲教管理在囚人士嘅訓練,係真真正正係牆外嘅中小學做過老師有教師牌嘅老師。佢地都係因為做懲教院所嘅老師係屬於公務員嘅一種,有固定嘅薪金仲要比出面嘅薪金高,亦唔需要因為合約嘅問題而煩惱,入面嘅工作亦都比牆外嘅學校輕鬆,相對地因為懲教文化係重刷管理層鞋嘅文化,所以佢地大多數都好驚比阿一講說話,一件好少嘅事都可以令到所有職員包括老師都要緊張快速地處理,所以對老師黎講心理影響往往都比正常學校較為高。不過懲教文化又唔會影響到老師對在囚人士嘅心態同諗法,佢地同樣地會用正常學校老師對學生嘅心態對待青少年在囚人士,當然亦都有懲教職員都會但唔會係全部,但老師就好唔同,佢會同我地講下啲課堂外嘅野,例如八卦新聞、佢地依排嘅生活同一啲性笑話/知識,所以佢地同在囚人士嘅關係都比較親切。
DSE班生活同學習方面,生活方面其實基本上同其他在囚人士一樣,但自由程度都會比其他在囚人士高,因為係牆內嘅DSE班往往都係幫懲教做正面宣傳嘅方法黎,每一年嘅DSE班不論男女青少年在囚人士定教導所嘅成績往往都好高,亦都因為佢地要係十個月內學習由中四至中六所教導嘅所有野,所以入面職員對DSE考生都會比較寬鬆,所以福利都會比其他在囚人士較多,當然依啲都係監房入面嘅潛規則,正常嘅DSE考生都必須同其他在囚人士一樣。仲有一樣唔同其他在囚人士嘅係DSE班係由左右班中抽出對DES有興趣嘅在囚人士,DSE班成形後大家啲倉會由單人倉轉為多人倉,為嘅係令到佢地晚上唔會受到其他在囚人士影響學習同希望大家互相教導大家,仲有每日除左早午餐同行街外都必須係課室,所以大家每日都會同左右班嘅所有人接觸。而學習方面其實就真係冇乜野可以講到,但可能好多人都覺得我地除咗四科必修科外選修科目同正常學校一樣可以選擇,但其實我地係唔可以選擇自己想上嘅選修科,懲教會固定兩科選修科為旅遊同經濟,懲教自稱選擇依兩科嘅原因係唔會影響到DSE班學生嘅思想。
DSE前後過程,不能會考定DSE都需要交考試費用,但在囚人士可以唔使交依一筆嘅費用,因為係監獄入面在囚人士所學習任何知識嘅費用都係由在囚人士教育基金負責亦即係政府,當然OU都可以,但OU方面就要交返比山羊了。懲教規定晚上10點熄燈訓教,但DSE班考試前一個月同DSE其間懲教可以比我地11點先熄燈方便我地溫書,但好奇怪地佢地比我地11點先熄燈都要我地事先申請,不過話就話去到11點,但其實大家可以同職員講或者職員見到你仲溫緊書都會再遲啲熄燈比你溫耐啲,除非有特別嘅情況例如煞到就真係要11點熄燈。考試期間因為監獄只有一個考場就係壁屋懲教所(成人方面我唔清楚),不論你男女定教導所嘅在囚人士每次嘅考試都必須要係壁屋懲教所考,所以每次有考試女青少年在囚人士同教導所嘅考生都係要即日來回,但話就話一齊考但我地係接觸唔到其他監獄嘅人尤其是女監,雖然考試其間佢地真係會坐係你隔離,但一考完試就會將唔同監獄嘅人分開。考試期間有兩份卷比較特別,其中一個就係口試,口試會唔同出面嘅時間考但就會一日內考晒中英口試,考評局亦都會請一啲大學嘅學生入黎做模擬考生,兩位DSE考生同兩位模擬考生咁樣考。第二份卷就係聆聽,相信有睇我之前story嘅人都知道佢地嘅聆聽考試係唔會用到收音機,因為青少年規定收音機只可以係倉內使用之外佢地係不能帶出倉外,考試其間考聆聽亦都一樣,只可以好似中小學其間考試咁用光碟或者USB手指播放聆聽內容,所以想為佢地打氣嘅手足唔好浪費心機係當日嘅《晨光DSE加油站》幫佢地打氣佢地係唔會聽得到。 #fishball
fish_ball_boys