馬俊文（#美國隊長2.0）─ 探訪週記【美隊被加控國安法後第一次探訪】

//今日是2021年1月31日，亦為8.31恐襲事件第17個月。本媒今日終於成功排期到 #荔枝角收押所 探訪美隊，為自美隊2020年12月末被指涉嫌於收押所內宣揚港獨後本媒首次探訪。回想起上一次與美隊詳談，已是他仍未還押之前的事。

進入探訪室，還沒坐下先跟美隊對望了一眼，點了頭。美隊精神不俗，依舊能見到他往日的堅定眼神。與美隊分隔著的是一塊完全隔音的亞加力膠板，最遙遠的距離莫過於此。見到探訪室電話螢幕上顯示著「15:00」，正正就是每天親友容許探訪的時間。深深吸了一口氣，便拿起了聽筒，希望用盡每一分每一秒...「隊長，好耐無見...」

知道美隊因違反《國安法》而被罰囚禁於「水飯房」（單人隔離囚室），第一時間先訊問他裡面的待遇如何。美隊回答：「辛苦好多！而家得我一個人，唔似「大棚」（普通囚室）咁有其他人一齊可以吹下水，又無得睇電視睇戲。喺水飯房嘅生活好苦悶，每日就係朝早起身梳洗，等到大約中午時間就去「拜山」（親友探訪）。每日淨係得唔夠一個鐘上天台放風（離開囚室休息），其餘時間就係睇書、食飯同埋瞓覺。」

再問及隊長於水飯房的三餐溫飽情況，美隊的答案令我不禁動容。
「暖氈嗰d 夠嘅，個人夠暖。食野就...初初入嚟嘅時候食唔慣，覺得好難食。好彩之後有議員幫手入咗私飯比我。但係最近睇報紙知道612啲水（資金）就用完，所以而家我取消咗私飯。一來我唔想加重612嘅負擔，二嚟唔想食得咁奢侈，覺得對唔住其他有需要嘅手足。不過，好笑既係依家食返入邊啲飯又無以前咁難食喎，哈哈。」

提及其他還押手足，美隊話：「我知道樓下大棚嘅黃絲手足好多都心灰意冷，覺得比人當係condom，所以希望大家可以多啲去旁聽、寫信同埋探訪，等佢地知道佢地並唔係孤身一人。」

15分鐘轉眼即逝，問到美隊有d 咩希望本媒可以同外面嘅同路人講，美隊話有四樣野：

1. 希望多啲人會寫信入去比咁多位在囚/還押手足

2. 希望 #人民力量 可以喺街站再嗌返口號

3. 希望所有爭取民主自由的人都要有入獄至少一年嘅心理準備，因為呢個先係「和理非」應有嘅心態。

4. 希望大家可以閱讀由 #戴耀廷 教授所寫的《牢獄的洗禮》//

📌 全文：幽光