【肥貓主人放學返嚟喇】
//我終於返嚟喇！我係邊個？我就係神喵見字不見人，喺《連儂說》籌備途中突然「匿埋」喺羅湖監獄入面對展覧指手劃腳嘅肥貓主人喇 😂
終於可以真正用自己身份同大家分享。錯過左連儂說幾日活動，出返黎見到大家做過嘅事，心中感受千言萬語，亦都想同大家分享一下我呢 3 個月嘅經歷。
—
（在囚回憶錄，長文慎入）
【Part I 裁決定罪，還押等候判刑】
3 個月，話長唔長話短唔短，但對於我嚟講，絶對係人生中最長嘅 3 個月。
被判還押當日，雖然早已經有心理準備，但係個官讀判詞一刻，依然好難接受，我即時被帶入犯人欄，眼見庭上家人朋友失聲痛哭，我連安慰佢哋嘅機會都無就被轉身押走。
當被押到法庭囚室，就被通知我嘅律師等緊見我，見到律師嘅一刻我依然呆滯，我好努力想記低佢哋吩咐嘅事，但腦裡面依然一片空白，想交托同屋企人講嘅說話，我一句都講唔到，我怕一講就喊。
—
【身陷囹圄】
還押初期，我對「監房規矩」一無所知，連點樣申請叫家人入報紙收音機都唔識，亦都唔敢問，頭 2 日喺單人倉「隔渣」，我喺度諗如果係一直單獨囚禁就好喇，起碼唔需要面對其他囚犯，最初真係好驚好驚，每日都喊。
第一樣最唔習慣嘅係裡面冇鐘睇時間，我永遠都唔知道幾點，第一日食完晚飯我喊到攰瞓着咗，醒嘅時候我以為差唔多應該天光，我起咗身刷牙洗面摺埋被，點知過咗好耐都未天光，我就問一個巡倉嘅姑娘幾點，佢話 20:45，我仲以為自己聽錯，問咗兩次，原來我只係瞓咗幾個字，而我以為自己瞓咗一晚......
我比較幸運，每日都 Keep 住有家人朋友探訪，佢哋每日來回都要花幾個鐘，就係為咗見嗰短短 15 分鐘同入朱古力比我，但係呢 15 分鐘對我嚟講真係好重要，呢個係我接觸外界嘅唯一途徑，我每日都期待住呢 15 分鐘。每次聽到職員櫃檯個電話響，我都會貼近閘邊聽下係咪嗌我 number 探訪，我好珍惜每日嘅探訪時間，因為我知道判刑之後每個月只得兩次探訪，我好可能有排都見唔到我想見嘅人，我甚至奢望過可以再押後判刑繼續還押，但係每日擔驚受怕等待刑期嘅日子亦都係另一種煎熬，呢種矛盾嘅心情一直延續至宣判嘅一日。
—
【開庭】
我見到好多朋友嚟咗，佢哋不停咁換人出入法庭，為嘅都只係想見我一眼，想比我知道大家都嚟咗撐我，我好想擁抱佢哋每一個多謝佢哋，我見到我嘅戰友向我做心心手勢，我知道我會有一段長時間再見唔到佢哋喇。
預計之內嘅刑期，好似鬆咗一口氣，我爭取最後機會望向旁聽席嘅家人朋友，我知道佢哋嘅難過並不下於我，但係我已經比好多手足幸運得多，最起碼我得到家人嘅諒解同支持。
—
【送車師】
囚車離開法院停車場嘅一刻我呆咗，呢個絕對係法庭外最美嘅風景線。
離遠我已經見到大量 📱 燈，好多好多，出停車場時，我終於見到我嘅家人朋友，我見到我嘅朋友追囚車，仲有好多我唔識嘅人一直追一直嗌到燈位。佢哋拍窗嗌我個名問係咪我，我點頭，佢哋有人不停同我講加油嘅說話，有人跑返轉頭通知我屋企人係我，囚車再開嘅時候有幾個後生仔女依然一直追，佢哋一直追到架車轉彎上高速路，嗰刻真係好感動，判刑後一直冇喊過嘅我終於忍唔住爆喊，好想同佢哋講叫佢哋要小心，危險呀！我真係好感激佢哋，多謝佢哋咁有心。
送車師，多謝你哋 💛
—
啱啱返出嚟幾日仲有好多嘢忙緊，之後 Part II 會再講入羅湖後生活
#連儂說//
📌 在囚回憶錄全文：連儂說 - 連儂展覽 x 聖誕市集
//我終於返嚟喇！我係邊個？我就係神喵見字不見人，喺《連儂說》籌備途中突然「匿埋」喺羅湖監獄入面對展覧指手劃腳嘅肥貓主人喇 😂
終於可以真正用自己身份同大家分享。錯過左連儂說幾日活動，出返黎見到大家做過嘅事，心中感受千言萬語，亦都想同大家分享一下我呢 3 個月嘅經歷。
—
（在囚回憶錄，長文慎入）
【Part I 裁決定罪，還押等候判刑】
3 個月，話長唔長話短唔短，但對於我嚟講，絶對係人生中最長嘅 3 個月。
被判還押當日，雖然早已經有心理準備，但係個官讀判詞一刻，依然好難接受，我即時被帶入犯人欄，眼見庭上家人朋友失聲痛哭，我連安慰佢哋嘅機會都無就被轉身押走。
當被押到法庭囚室，就被通知我嘅律師等緊見我，見到律師嘅一刻我依然呆滯，我好努力想記低佢哋吩咐嘅事，但腦裡面依然一片空白，想交托同屋企人講嘅說話，我一句都講唔到，我怕一講就喊。
—
【身陷囹圄】
還押初期，我對「監房規矩」一無所知，連點樣申請叫家人入報紙收音機都唔識，亦都唔敢問，頭 2 日喺單人倉「隔渣」，我喺度諗如果係一直單獨囚禁就好喇，起碼唔需要面對其他囚犯，最初真係好驚好驚，每日都喊。
第一樣最唔習慣嘅係裡面冇鐘睇時間，我永遠都唔知道幾點，第一日食完晚飯我喊到攰瞓着咗，醒嘅時候我以為差唔多應該天光，我起咗身刷牙洗面摺埋被，點知過咗好耐都未天光，我就問一個巡倉嘅姑娘幾點，佢話 20:45，我仲以為自己聽錯，問咗兩次，原來我只係瞓咗幾個字，而我以為自己瞓咗一晚......
我比較幸運，每日都 Keep 住有家人朋友探訪，佢哋每日來回都要花幾個鐘，就係為咗見嗰短短 15 分鐘同入朱古力比我，但係呢 15 分鐘對我嚟講真係好重要，呢個係我接觸外界嘅唯一途徑，我每日都期待住呢 15 分鐘。每次聽到職員櫃檯個電話響，我都會貼近閘邊聽下係咪嗌我 number 探訪，我好珍惜每日嘅探訪時間，因為我知道判刑之後每個月只得兩次探訪，我好可能有排都見唔到我想見嘅人，我甚至奢望過可以再押後判刑繼續還押，但係每日擔驚受怕等待刑期嘅日子亦都係另一種煎熬，呢種矛盾嘅心情一直延續至宣判嘅一日。
—
【開庭】
我見到好多朋友嚟咗，佢哋不停咁換人出入法庭，為嘅都只係想見我一眼，想比我知道大家都嚟咗撐我，我好想擁抱佢哋每一個多謝佢哋，我見到我嘅戰友向我做心心手勢，我知道我會有一段長時間再見唔到佢哋喇。
預計之內嘅刑期，好似鬆咗一口氣，我爭取最後機會望向旁聽席嘅家人朋友，我知道佢哋嘅難過並不下於我，但係我已經比好多手足幸運得多，最起碼我得到家人嘅諒解同支持。
—
【送車師】
囚車離開法院停車場嘅一刻我呆咗，呢個絕對係法庭外最美嘅風景線。
離遠我已經見到大量 📱 燈，好多好多，出停車場時，我終於見到我嘅家人朋友，我見到我嘅朋友追囚車，仲有好多我唔識嘅人一直追一直嗌到燈位。佢哋拍窗嗌我個名問係咪我，我點頭，佢哋有人不停同我講加油嘅說話，有人跑返轉頭通知我屋企人係我，囚車再開嘅時候有幾個後生仔女依然一直追，佢哋一直追到架車轉彎上高速路，嗰刻真係好感動，判刑後一直冇喊過嘅我終於忍唔住爆喊，好想同佢哋講叫佢哋要小心，危險呀！我真係好感激佢哋，多謝佢哋咁有心。
送車師，多謝你哋 💛
—
啱啱返出嚟幾日仲有好多嘢忙緊，之後 Part II 會再講入羅湖後生活
#連儂說//
📌 在囚回憶錄全文：連儂說 - 連儂展覽 x 聖誕市集
被捕人士資訊部
【肥貓主人放學返嚟喇】 //我終於返嚟喇！我係邊個？我就係神喵見字不見人，喺《連儂說》籌備途中突然「匿埋」喺羅湖監獄入面對展覧指手劃腳嘅肥貓主人喇 😂 終於可以真正用自己身份同大家分享。錯過左連儂說幾日活動，出返黎見到大家做過嘅事，心中感受千言萬語，亦都想同大家分享一下我呢 3 個月嘅經歷。 — （在囚回憶錄，長文慎入） 【Part I 裁決定罪，還押等候判刑】 3 個月，話長唔長話短唔短，但對於我嚟講，絶對係人生中最長嘅 3 個月。 被判還押當日，雖然早已經有心理準備，但係個官讀判詞一刻…
肥貓主人放學返嚟喇 Part II
《羅湖懲教所》第一夜
//喺囚車上睇住一班送車師喺馬路上面狂奔大叫我撐住，一定要食飯，天氣凍記得要著衫，嗰一刻真係因為感動而狂喊，除咗送車師，我印象最深刻仲有兩位旁聽師~一位揸住拐杖嘅伯伯同一位嬸嬸，呢一年幾而嚟，我差唔多每一次上庭佢哋都有嚟睇我，有時佢哋會走埋嚟同我講加油，有時會離遠對住我微笑點頭，無論係送車師抑或旁聽師，其實同我都非親非故，因為一埸「反送中」運動，我哋喺極權下好自然就咁connected。
我哋一個個好似被趕鴨仔咁帶落車入到「指模房」，一堆填form、登記、打指模、換衫、搜身、影監犯相、見值日官、分派物資等等程序之後，我就被分配去單獨嘅隔離囚室，因為我有喺大欖帶到個人嘅物品過嚟（書、洗頭水沐浴露，書信等）再加上呢度分派嘅一堆冬天衣物，所以我個箱特別重。
食完飯無幾耐，就有人嚟催我哋去沖涼，我哋成十個人被帶到浴室，呢度同之前喺大欖唔同，係完全冇間隔，好似沙灘戶外嗰啲沖身處咁，十個人要一齊冲涼，外面仲有一個人睇住，其他人好似覺得好平常咁，但係我覺得好尷尬，好唔習慣，我用呢生人最快嘅速度秒速洗完頭冲完涼著衫返出去等人帶我返自己囚室，我喺度諗之後幾個月係咪都要咁樣冲涼？點算好🥲
返到囚室望住三面牆，我覺得好攰，但係比起之前還押，反而心情係輕鬆咗，終於都唔使再擔心會判幾耐、提心吊膽咁，而家有一個日子我可以期盼、倒數住。一諗到咁我就急不及待咁拎紙筆寫信，我想即刻話比大家聽我嘅確實出册日期，唔想大家太擔心我。我一口氣寫滿咗4張紙，分別比我嘅家人，戰友同埋燒豬辦，因為要慳郵票，我每次寄信都係一次過寄4封出去等佢哋再幫我分派（因為每次最多只可以寄4張紙），而且每次大家收到我嘅信都會comment我啲字好細粒🤨大佬呀，慳紙慳郵票吖嘛，呢度入信封信紙都有限數㗎，每個星期只有一封免郵費可以寄，其他信要自己貼郵票，郵票要出糧買㗎，$2可以食到好多芝麻餅㗎喇🧐以我隔日寄一封信嘅速度會寄到我破產，好彩我帶咗20個郵票過界，但都要慳住用（還押期間每日有一個信封同4張信紙，可以寄一封免費，所以之前係日日寄，但係判咗之後一星期只有一次）
寫完信已經過咗十點，有姑娘經過提我要瞓覺喇，喺羅湖嘅第一晚，我竟然瞓咗比過去一年幾都要好嘅一覺......
P.S. 所有有關女監問題可留言，你問我答
#連儂說
#儂友
#肥貓主人
#在囚回憶錄//
儂友
《羅湖懲教所》第一夜
//喺囚車上睇住一班送車師喺馬路上面狂奔大叫我撐住，一定要食飯，天氣凍記得要著衫，嗰一刻真係因為感動而狂喊，除咗送車師，我印象最深刻仲有兩位旁聽師~一位揸住拐杖嘅伯伯同一位嬸嬸，呢一年幾而嚟，我差唔多每一次上庭佢哋都有嚟睇我，有時佢哋會走埋嚟同我講加油，有時會離遠對住我微笑點頭，無論係送車師抑或旁聽師，其實同我都非親非故，因為一埸「反送中」運動，我哋喺極權下好自然就咁connected。
我哋一個個好似被趕鴨仔咁帶落車入到「指模房」，一堆填form、登記、打指模、換衫、搜身、影監犯相、見值日官、分派物資等等程序之後，我就被分配去單獨嘅隔離囚室，因為我有喺大欖帶到個人嘅物品過嚟（書、洗頭水沐浴露，書信等）再加上呢度分派嘅一堆冬天衣物，所以我個箱特別重。
食完飯無幾耐，就有人嚟催我哋去沖涼，我哋成十個人被帶到浴室，呢度同之前喺大欖唔同，係完全冇間隔，好似沙灘戶外嗰啲沖身處咁，十個人要一齊冲涼，外面仲有一個人睇住，其他人好似覺得好平常咁，但係我覺得好尷尬，好唔習慣，我用呢生人最快嘅速度秒速洗完頭冲完涼著衫返出去等人帶我返自己囚室，我喺度諗之後幾個月係咪都要咁樣冲涼？點算好🥲
返到囚室望住三面牆，我覺得好攰，但係比起之前還押，反而心情係輕鬆咗，終於都唔使再擔心會判幾耐、提心吊膽咁，而家有一個日子我可以期盼、倒數住。一諗到咁我就急不及待咁拎紙筆寫信，我想即刻話比大家聽我嘅確實出册日期，唔想大家太擔心我。我一口氣寫滿咗4張紙，分別比我嘅家人，戰友同埋燒豬辦，因為要慳郵票，我每次寄信都係一次過寄4封出去等佢哋再幫我分派（因為每次最多只可以寄4張紙），而且每次大家收到我嘅信都會comment我啲字好細粒🤨大佬呀，慳紙慳郵票吖嘛，呢度入信封信紙都有限數㗎，每個星期只有一封免郵費可以寄，其他信要自己貼郵票，郵票要出糧買㗎，$2可以食到好多芝麻餅㗎喇🧐以我隔日寄一封信嘅速度會寄到我破產，好彩我帶咗20個郵票過界，但都要慳住用（還押期間每日有一個信封同4張信紙，可以寄一封免費，所以之前係日日寄，但係判咗之後一星期只有一次）
寫完信已經過咗十點，有姑娘經過提我要瞓覺喇，喺羅湖嘅第一晚，我竟然瞓咗比過去一年幾都要好嘅一覺......
P.S. 所有有關女監問題可留言，你問我答
#連儂說
#儂友
#肥貓主人
#在囚回憶錄//
儂友