#讀者投稿 #餓底手足投稿
#是日黃店 #良心經濟圈
#屯門 #茶餐廳 #食評_屯門 #閨家

良心行為：門口貼有文宣，特意註明 [不招待警務人員] & [學生免費飲湯].

鋪頭位於窄巷內，相當唔起眼，經朋友推薦話[黃到發金] 所以特意黎試食。鋪頭的確黃到發金，門口不但貼有文宣，且特意註明 [不招待警務人員] & [學生免費飲湯].

食物價錢唔貴，味道好而且份量夠大，性價比高。我地叫左五香肉丁炒飯、招牌豬扒飯同埋炸饅頭，套餐贈送老火湯，連兩罐可樂一共$118, 晚餐黎講都幾抵食。

贈送既椰子雞湯味道甜，老板話係冇味精，熬4 個鐘而成，係同行友人最鐘意既一道菜。五香肉丁炒飯用既肉肥瘦相間，炒飯有豬油味，相當香；配合炒蛋同生菜，有口感；微辣，食落唔會滯；微微偏鹹，但配合老火湯剛好；份量超大，夠我食兩餐... 招牌豬扒口感非常好！人手槌鬆後的確夠鬆軟，唔會好似落完鬆肉粉後咁偏向魚蛋口感，但又一咬即開，味道香濃，係難得讓我覺得好食既豬扒。炸饅頭不過不失，即炸夠軟夠甜，但算不上驚喜。

店名：閨家
地址：屯門龍門路45號富健花園地下40號舖
營業時間：星期一至日 06:00 - 02:00

讀者投稿： @aaaa_00000 @a01982

#讀者投稿 #餓底手足投稿 #閨家
#良心經濟圈 #黃色經濟圈 #茶餐廳 #港式
#炮台山 #屯門 #食評_炮台山 #FH_HK_001

良心行為：炮台山店1/1 遊行日派水及寶礦力；屯門店內有貼紙表示不招待警察

《投稿日期：2020年5月6日》

去左閨•家炮台山分店
今次order左豬軟骨飯同香茅雞翼豬扒飯。
豬軟骨超正，個汁一絕，好入味又多肉，
d肉入味和，好鬆軟。
香茅雞翼一向咁好味，
豬扒不過不失，一定好過大快樂個d。
仲有個湯，唔錯架，唔係咪精湯，係蟲草花煲架。

📍舊食評(2020年4月3日)
📍舊食評(2020年1月23日)

店名： 閨家
屯門總店地址：屯門龍門路45號富健花園地下40號舖
營業時間：星期一至日 06:00 - 02:00

炮台山店地址: 北角蜆殻街6-16號寶榮大廈地下F號舖
營業時間：星期一至日 07:00-21:00

讀者投稿： @aaaa_00000 @a01982