#築地日本料理
#中環 #日式料理
#餓底手足投稿

唔好睇佢家庭式經營細細間咁，
啲野食真係超高水準！！！
從來都唔鍾意食鵝肝因為好怕陣羶味，
但佢件鵝肝壽司竟然做到完全零羶味不特止，
個表皮仲要煎得外脆內軟又香又鬆化！
爐端燒火喉控制得剛剛好, 脆而不燶

重點係唔單止間舖，
個老闆娘都係黃到癲！
話說有兩個後生仔嚟咗食飯，
老闆娘話支持年輕人要收佢地半價，
不過口快快講咗今日係情人節，
雖然小店今日都無特別加價照返平時咁做，
但係佢地又唔好意思所以堅持俾正價。
跟住老闆娘又無啦啦拎咗兩袋口罩出嚟俾嗰兩個後生仔，
話喺街如果見到啲人無口罩就幫手派俾佢地，
不過佢地又係唔好意思所以只係拎咗一袋。
.
後尾同老闆娘傾咗陣偈，
佢真係好支持香港人，
話雖然呢排咁多事件發生的確對生意有一定影響，
大大話話都跌咗七成，
但佢都話其實佢比其他小店嘅情況已經算好，
成餐飯都食得好開心，
因為見證到香港人互助互愛嘅精神，
最後老闆娘仲話見我地係同路人所以free咗飲品俾我地，
真係好多謝你，香港人加油！
超推薦呢間築地日本料理，
對後生仔對香港人都好到咁離譜係咪真係好過份先？
強力建議各位大大力懲罰佢！


築地日本料理 (中環)
中環結志街46號地下

已授權使用本地圖數據App：
和你Eat
和你Pay
Whatsgap
香城online

推介投稿請PM
TG @a13597
黃藍地圖頻道：
https://publielectoral.lat/yellowshoppromotion