#晨早天氣貼士
今朝氣溫比琴日略高，但一早一晚都仲係比較涼，若果夜晚有活動要去嘅話記得帶多件外套。今日都仲係以吹東北風為主，日間都比較乾燥，所以記得做好保濕措施~

#晨早天氣貼士
今朝嘅天氣非常之涼，市區普遍得13-14度，新界就跌到去11-12度，而且風勢唔弱，加強咗風寒效應，實際身體感受到嘅溫度會再低一啲。
出門口之前記得做好保暖、抗風措施，特別係長時間身處當風位置嘅谷友們，最好穿返件有帽嘅衫，防止熱量由頭部快速流失。今日亦都好乾燥，當然唔少得保濕措施~

#晨早天氣貼士
今朝嘅氣溫同琴日差唔多，記得注意保暖唔好凍親~

如果有望下分區天氣嘅話，或者會發現琴晚北潭涌最低得返7度，而打鼓嶺都跌到落8.2度。呢個就係輻射冷卻導致嘅結果，一般嚟講風勢弱、濕度低、雲量少嘅情況下輻冷就會變得好明顯。不過凌晨時分兩個地方都起返些少風，將半空中嘅熱量同地面混和，結果氣溫就倒升返。

要注意輻射冷卻並唔係冬天先有，夏天某啲日子市區低溫28度但新界北只有23-24度嘅時候，好多時都係因為輻冷導致嘅。

預料聽日香港會受北冕同東北季候風共同作用下嘅雲帶影響，天氣會轉做多雲，或者會有幾陣雨，日頭嘅升溫幅度唔會太高，俗稱「濕凍」。至於北冕呢個一世、二世都同香港有緣嘅熱帶氣旋，今年不幸地會死響冬季南海呢個墳場，但總算可以擺脫連續三世封頂強烈熱帶風暴嘅強度。

#晨早天氣貼士
雖然今朝普遍地區都仲有15-16度，但預料今日日間會有一股冷空氣嚟到香港，氣溫響日頭倒跌，食晏同放工時間天氣會比依家凍，同埋有機會有幾陣雨添，記得帶遮同穿夠衫先好出門口。

不過，隨住聽日同北冕相關嘅雲帶移離香港上空，預料聽日日頭會多返太陽，體感冇咁凍。當然一早一晚嘅氣溫仍然好低，返工出門口或者晚歸嘅你都係要穿夠衫，咁先冇咁易病～

#晨早天氣貼士
今早市區氣溫普遍介乎12至13度，新界部分地區輻射冷卻效應較顯著，氣溫降至10至11度，打鼓嶺及北潭涌氣溫更降至嚴寒水平。

預料日間市區氣溫會回升至19度上下，體感氣溫不太冷仍乾燥，陰影遮蓋下的地方較涼。建議下午出席公眾活動的民眾可帶備易於穿上及脫下的保暖衣物，避免入夜後因氣溫下降而著涼，同時做好保濕措施，並注意補充水份。

隨著東北季候風緩和，星期一起本港氣溫有所回升，但日夜溫差仍較大（特別是新界及空礦地區），早出晚歸的民眾謹記注意保暖。

#晨早天氣貼士
北風潮於昨日下午抵達香港，今早各區天氣稍涼，市區氣溫約17-18度，新界則降至15-16度。預料北風潮於午後起會被東風潮取代，屆時東部地區氣溫或會低於西部，與現時情況相反。同時午後不排除有降水機會，民眾可考慮帶同雨具出門。

未來數天香港仍受東風潮支配，東西部氣溫差異較明顯，或會有幾陣雨，體感比前幾天涼不少，民眾謹記要注意保暖避免著涼。

#晨早天氣貼士
隨住東風緩和，香港東西氣溫變得平均，皆在18至19度左右。預計日間雲層轉薄會見到多啲陽光。惟晚上天氣仍會較涼，出夜街嘅你都係帶番件薄外套較好。

#晨早天氣貼士
今日天氣預計同尋日差不多，日出之後雲層轉薄，會見到多啲陽光，日頭天氣會有啲熱。不過日落後會有點涼意，夜歸嘅民眾最好帶定薄外套。

預料一股東北季候風會響聽日晏晝至夜晚抵達香港，到時天氣會開始轉涼，北風大返唔少，到時記得注意返保暖唔好冷親啦。

#晨早天氣貼士

今日起身無咩陽光，雖然氣溫數字同尋日差唔多，但感覺會更加有涼意，大家可以披件薄外套唔好攝親。

至於早前預期熱帶氣旋巴蓬殘餘會為本港帶黎大雨既預測就有所偏差。巴蓬係昨晚減弱為低壓區，殘餘雲雨帶今日移到廣東沿岸，雷達圖可見雲雨帶相關既雨區。不過，雨帶較預期偏東同偏弱，預料本港下午多雲有雨但雨勢不大，民眾若果打算出席集會可以考慮帶備雨具/雨衣。

預料未來一兩日本港仍然會受巴蓬殘餘雲雨帶覆蓋，天氣仍會以多雲有雨為主，等到新一股東北季候風抵達後先會開始轉晴。

#晨早天氣貼士

遲來一天的降溫

隨著東風增強，今早本港市區氣溫普遍下降至18度左右，出門時緊記帶備薄外套，以免著涼。

由於雲量稍多，日間升溫不會特別明顯，預計市區最高氣溫為22度左右。

#天文台官方資訊 #晨早天氣貼士

天文台於上午6時正發出黃色火災危險警告，代表火災風險較高。

受到內陸北風影響，本港天氣變得較乾燥，民眾可注意潤唇及潤膚，並定時補充水分。

受東北季候風影響，本港天氣持續清涼及稍微乾燥，今早市區最低氣溫約為17度。

預計日間雲量稍多，但部分地區短暫時間或能見到陽光。市區最高氣溫為22度上下，入夜後會回落至18度左右。

計劃出席公眾活動的民眾，可考慮帶備薄外套，並須注意潤唇和潤膚，定期補充水分。

（圖片來源：自動分區天氣預報）

#晨早天氣貼士

昨晚起雲量減少、風勢微弱，今早市區低溫雖仍有約11度，但新界北部輻射冷卻顯著，打鼓嶺氣溫降至只有3.1度，而新界各區低溫亦只有約9度。

不過本港日間起轉為吹偏東風，天氣會漸轉潮濕，雲量增多，日夜溫差、新界與市區的溫差亦會縮小，預料星期六氣溫介乎14至18度左右。

#晨早天氣貼士

一股東北季候風於昨晚抵達本港，天氣轉為多雲、間中有微雨且風勢頗大。今早本港各區氣溫普遍降至14-15度左右，較昨日低1-2度。

預料今日天氣以多雲為主，或有幾陣雨，東北風頗大，最高氣溫約19度。預計未來一兩日風勢仍大，有微雨，天氣較涼，民眾外出時可帶備雨具及防風外套。

#晨早天氣貼士

雷達圖可見，本港正受藍綠色雨區影響，有驟雨及幾陣雷暴。

同時珠三角西部持續有強對流發展，將向東移動並靠近本港。

預計今早持續有雨，雨勢有時頗大，午後雨勢開始減弱，出門前緊記帶備雨具。

#晨早天氣貼士 #雷達解讀

一股東北季候風於昨晚抵達本港，現時離岸普遍吹清勁至強風程度的偏東風，相當於較弱的三號風球。

目前普遍地區氣溫維持在約18度，但由於風勢較大，體感或會較清涼，出門時可考慮帶備較為擋風的外套。

雖然本港風勢明顯加強，但天文台仍未發出強烈季候風信號，原因不明。

#晨早天氣貼士