⛑民眾防護情報 - 樂壇頒獎典禮記者會特別報告

各位粉絲，又一年喇，記唔記得上年喺昂坪吹到爆哂粗呢～

今年個記者會又喺昂坪市集搞喇，係咪好想儘早上山罷定個靚位去支持自己嘅偶像呢～

不過預計今年嘅情況可能會比舊年更為惡劣，因為預計由今日日間起，本港將會開始受到東北季候風同熱帶氣旋尼格影響，普遍地區風勢將會增強，高地風力達7級（強風）至8級（烈風），並間中伴隨猛烈陣風。

🐘氣象巴打並唔建議各位冒險上山，因為今次天氣狀況會比上年惡劣，但如果仍有粉絲決定堅持上山，咁本巴打喺度提提各位粉絲：

🤔出發前應先作安全評估，
📺記得留意天文台最新消息及大會最新公佈。

昂坪高地係位於海拔約400米嘅高山上，風力將會比市區大得多，陣風有時可達11級（暴風）或以上，星期二起本港將開始受到熱帶氣旋尼格所帶來的驟雨影響，到時體感溫度將會大幅降低。

各位亦需特別留意交通情況，🚠昂坪纜車可能會因大風而隨時停駛，而且在打風嘅情況下好多時會發生因冧樹而導致封路嘅情況，屆時可能會導致各位無路可走。

最後，本巴打不厭其煩咁講多句，
▪️留意自身安全
▪️留意天氣報告
▪️留意大會公佈
生命無take2，相信各位睇到前晚南韓人踩人慘劇都會心同感受，希望大家時刻準備，注意安全，以防止悲劇重臨。

#民眾防護情報
#打風勿登高
#時刻準備 #注意安全
#氣象巴打提醒你