【全球抗極權】

上次提過人文組織NOW!非常支持香港人。黨安法過咗之後佢哋發起咗個活動，每逢禮拜五都會去自己國家嘅中國領事館抗議，又或者會攞住張#FreeHongKong嘅牌影相，再加上hashtag #FridaysForFreedom 喺社交媒體分享。大家一㩒入去就會見到好多支持我哋嘅外國手足，記住要幫手like同多謝人。

趁住今日係星期五，我哋都可以了解吓世界其他人對抗緊咩不公義，一齊we connect。


1. 伊朗

今日最多人討論嘅一定係伊朗支持自由嘅年輕人喺連登Instagram用hashtag求救，要求中國離開伊朗一事。

事源就係伊朗政府同支共秘密簽署合同，靜靜雞將伊朗嘅Qeshm島俾支共，佢哋仲有權喺個島開採石油達25年，變相賣咗自己國土一部份俾支共。而支共近幾年就係不斷靠「一戴一露」藉口幫唔同國家起基建、投資而達到殖民嘅目的，再從中cap水，搵發展中國家笨。

雖然伊朗政府同支共狼狽為奸，之前仲支持中國喺香港立黨安法，但係伊朗人其實好憎個極權政府，今次仲向香港人求救，以我哋都可以用以吓幾個hashtag喺Twitter幫返佢哋向國際求援。有連登巴打整合咗事情始末，想了解更多嘅不妨睇吓。

#No2IRChinaTreaty
#china_get_out_of_iran
#فروش_ایران_ممنوع


2. 泰國

早前非常支持香港抗支嘅泰國年輕人亦對軍政府非常不滿，希望重回民主社會、對抗暴政。上個禮拜開始佢哋上街示威，向政府提出三大訴求，兩個禮拜後政府唔回應就會有進一步行動。

而家我哋係時候幫佢哋發聲，用以下hashtag支持佢哋。

#respectdemocracyTHAI
#RespectThaiDemocracy
#เยาวชนปลดแอก


3. 菲律賓

同為奶茶聯盟嘅菲律賓，上個禮拜有條Anti-terrorism Law生效咗，基本上就係同香港黨安法如岀一徹，禁止人民講政府壞話、消滅反對嘅聲音，甚至連批評中國都可能有機會違法，奶共去到極致。


今年繼續係全球抗暴嘅一年，可以嘅話我哋都要多啲了解世界發生嘅事，如果唔係外國人又有咩理由去關注香港人？香港冇咩大事發生嗰陣可以多啲connect吓世界。

#WeConnect #國際大事