#公海節錄 #手足投稿 #admin心聲
唔知你第一眼睇到呢個po有咩感覺，可能每個人解讀唔同。
有人唔贊成寫信，覺得寫信無用，可能你覺得寫信好小兒科好廢好無用，係傻人先做嘅嘢，用返工返學放lunch嘅時間去旁聽寫信送車，係浪費時間浪費心力，但做人最基本係尊重別人。
可能信,旁聽,送車喺你眼中一文不值，呢堆願意給予支持嘅手足唔重要，有無佢哋都無所謂，無人在意。唔緊要，尊重。

我唔知我嘅信對於你嚟講重唔重要，可能我真的不重要。
只要你過得ok就得了，如果我唔寄信會令你舒服少少，咁我將份心意留俾其他有需要嘅手足。
你多信收唔代表其他人都係咁，真係有人得一兩封，而家二百幾十人還押，唔係人人好似你咁，資源係經常錯配。可能你係大哥你掌握晒成個院所嘅手足收信量，如果真係``夠信``，咁好啦。

有寫開信嘅人，明白你呢刻可能好難受，可能睇睇下喊咗，係因為你有付出真心。
請記住天琦講：堅持啱嘅嘢就去做，唔好因為人哋嘅批評而完全放棄自己認為啱嘅嘢。
人心係最易變，包括初心，唔係為做而做。回想一下收到第一封回信嘅感受，回想一下自己寫第一封信嘅情況係點，記住呢種感覺，唔好遺失咗自己。
做其他嘢都係一樣，眼見有啲人初心係變咗，例如第一日係為手足，而家為其他嘢；有人攞手足嚟show off，我識邊個家人議員，邊個手足同我熟同我fd，我有幾多個筆友有幾多封回信。
而家做嘅嘢唔係為鬥CV鬥黃，盡自己所能做認為啱嘅嘢就得，唔使抬高自己踩低人哋唔使鬥，有心係唔需要show off展示俾人睇，對得住自己就夠，為show off而做嘅唔會長久。
自己好難發現自己有無變，可以問下身邊信任嘅人，或者自我反思，問自己做每樣嘢嘅目的係咩。

#連牛admin
有啲嘢係互動，你伸隻手出嚟之後都要對方肯伸出嚟，情唔領嘅之後唔使再投入感情。
（唔係叫大家收唔到回信就唔寫信）