【回應初選結果、資料疑似外洩】

非常感謝超過60萬香港人喺党安法威脅之下，無所畏懼出嚟投票。全賴擁有抗爭意志嘅街坊，令伍健偉團隊獲得逾2萬票。但依一份榮耀並唔單單屬於天水連線，而係歸於所有堅持到底嘅香港人，因為你哋，令更多嘅人覺醒、明白、相信：香港仍然有改變，甚至贏嘅機會同可能！

仲有提供票站嘅黃店同議員、票站工作人員、民主動力，都促成呢一場初選嘅成功，同時話俾國際社會聽，即使面對党同政府既打壓，香港人依然無放棄過，仍然堅持抗爭。

多謝幫助我哋團隊嘅義工，每次見到有差佬嚟街站、跟住去擺街站同巡遊，能夠係重重威脅之下，勇敢地同天水連線同行，多謝你哋行到腳都斷，曬到黑晒仍然堅持幫忙，我會繼續盡己能力保護每一位義工。

亦都想多謝一眾參與初選嘅候選人，儘管路線理念不盡相同，但面對極權依然挺身而出爭取民主，實屬難得。將來喺民主路上如果有議題目標方向一致，期望與各位一齊合作。

感性嘅說話講完，實事依然要做。喺今日晏晝，某紅色背景傳媒登咗一份「初選結果」嘅資料出嚟，而內容與正式結果十分吻合，懷疑有偷竊機密資料並對外公佈，令一眾街坊對於個人資料泄露一事感到非常不安。天水連線正商討點樣跟進事件！

#面對白色恐怖
#我等絕不妥協

伍健偉
天水連線
2020年7月13日