#毒撚程式員 #再教育系列 #事前篇
【論如何在走上街頭前準備好心理】

一、
準備永遠都唔會夠，有幾多做幾多。

唔知邊本書講：「道高一尺，魔高一丈。」要同班衰人分庭抗禮，一定要有個想法係「我諗到既野，黑警遲早都會諗到」。唔係叫你要我比高見你地，係要你地明白，就算你手頭上有幾多貨都好，你既對手都會好似你一樣，分析你既敵人既長短處。每一次出黎，唔係你死就係我亡，戰場生存既真法則就係：「準備永遠都唔會夠，有幾多做幾多。」

做體能、去哨站溫書、練習報哨報料救人，從來都係每一個肯走出來既香港人，不可或缺既義務。

二、
抗爭不是一個人的義務，培養起隨時反抗的意識。

大家係咪覺得，果個著住藍色外套既疑似「白卡仔」，係咪令你好感動？日日食黃店打卡係咪會令自己心安當買左個「贖罪卷」？但係你有無諗過，佢係咪真心為香港人利益或者守護住一樣野去抗爭？如果我係政府發言人，我會覺得果條友只不過係黎開個show表演；食黃店係一堆傻仔玩泥沙既「畫地為牢」。真正去向暴政反抗既，係一個會為香港，努力學習、勇於指出錯誤、守護真相、甚至連光陰都放上祭壇去燃燒。
(延伸：https://www.ebaomonthly.com/ebao/readebao.php?a=20041003)

三、
言語是黃營最大的威脅，亦是最好的盟友。

當我地成日都笑藍絲既思考邏輯就猶如原始人一樣既時候，對家都會笑我地淨係識分化，無人上庭理手足。但係如果我地每次都行多一步，思考既時候都想多一下，件事或者真係會有轉機，亦即係我成日講到口臭既廢話「事在人為」。肯為香港人未來一代付出，或者維護香港既核心價值、甚或者去實踐求真同公義既普世價值，都係手足。文宣就係呢堆價值既容器，將呢堆「容器」帶比唔同香港人，係我地街頭抗爭外可以做到既事。

睇落去做到既野好少，但係似乎係我地未睇清睇透。

#毒撚程式員 #再教育系列 #心理篇
【今日SUCK滿門抄家可以印證香港人水準去到邊】

零、
APP同伺服器有加密法，但係香港人把口係無的。

本來今日想hea幾句就算，但係點不知黎一單SUCK Channel滿門抄家，搞到成堆TG，FB，iG圈都喊打要delete哂所有紀錄。但係作為一個連毛都未生齊既IT狗，可以好老實咁同你講：「晨早比人mark低左名啦，爭在你會唔會怯。」你要及時救火既話，一係就del ac再開，一係就成堆關事既野，有幾快得咁快咁Delete左佢。

再講少少醜話，Telegram既APP本身係自身程式介面，但係處理信息既係AES-256同RSA-2048既加密法，SERVER都有自己既演算法。

但係香港人把口係無加密法的，你知我講咩架啦，唔明就睇 612 Reminder既文 。

一、
正正就係人有心靈呢樣野，先能分清善惡。

「勇武無用，和理非無用，示威無用，議會無用，法治已死，好嬲好心痛。。。」呢堆野其實大家都聽得多，大家都不其然都會講過呢堆說話。但係你地要明白一樣野，我地係難免去用情感驅使我地去「發夢」：正正就係人有心靈呢樣野，人先變成為善人，亦都會變成惡人。當我地識得好似為一堆手足做好撒馬利亞人既時候，我地亦都會捧打一堆不義行淫邪既「香港好市民」。

或者而家大家對抗爭既界線都存在住曖昧，但係能夠團結到而家，係正正大家既心靈都有共鳴。
(我打左D乜鳩)

二、
適當處理憤怒和悲傷，比憂鬱地了結自己更華麗

講左咁耐，我本人：係唔會阻止你「好嬲好嬲好心痛」，因為呢樣係人既權利黎。
表達心情同處理內心情緒，係每一個人都要遲早面對既野。係，我真係明，你就算鬧佢地幾仆街幾衰，
佢地都係搵返咁上下仆街又咁上下衰既人：鬧你、搞你、打你、斬你或者一槍爆你頭。

但係我懇請大家，呢堆仆街未天收之前，都唔好做一D我都唔會做既傻事。
有唔開心既地方，搵一堆豬朋狗友同你吹水消磨下，
將自己既怒火控制，然後再將佢成為行動既能源。

你要打鳩班柒頭，遲早有機會。

三、
心靈既強大，先係香港人勇氣既證明

Be water,my friend. 水既比熱容量係4200J/(kg*K)，係咁多個物質入面，第三耐熱既物質黎，係咩溫度變成乜野就唔講啦。
香港人要成為「水」之前，要知道自己付出幾多勇氣，心靈有幾咁強大，先至唔會咁簡單遇到挫折就放棄。

放棄，永遠都係最簡單既一個選項。但係要證明香港人無死到心，就要「強如固冰，行雲流水」般做每一件事。
面對強權，即使傷痕累累，亦絕不背棄初心，我想：這也是大部分香港人被告既心聲吧…

今時今日仲報公海既，都唔撚係用腦既黃絲。

見狗車既，報哨。見狗行街，報哨。
見手足上狗車比人拉既，報哨。
見到有突發事故發生左，報哨。

唔識睇中文字既，我寧願你今晚縮返係屋企睇直播認人。

呢個抗爭從來都只有三種戰犯：

1. 好緊張自爆打卡，但係mon po狗已經抄哂你common group；
2. 額頭寫住我係黎報哨既現場黑衫人士；
3. 企係個現場淨係叫口號又唔撚郁既木。

自助式報哨Bot：@TGScoutAuto_Bot
毒撚程式員的替身：@Hermit_Purple_Hamon
(邊句唔岩聽你咪PM我囉。)

#毒撚程式員 #其實忠告都真係唔係幾好聽

#毒撚程式員

我覺得，就算我點鬧班港豬都好，錯既都會係我，所以我決定開facebook page。

https://www.facebook.com/Telegram-%E8%87%AA%E5%8A%A9%E5%BC%8F%E5%A0%B1%E5%93%A8%E6%A9%9F%E6%A2%B0%E4%BA%BA%E6%8A%80%E8%A1%93%E6%94%AF%E6%8F%B4%E9%A0%BB%E9%81%93-105356691301618

#毒撚程式員 #簡短提醒

一，
知道自己入左記者鏡同做過野既，
剪髮、丟衫、大掃除、寫定資料比律師。
星火同盟Telegram 頻道

二，
我話知你同你身邊人幾close定淨係見過面，認人。
認人：@youarenotalonehk
被捕報料：@youarenotalonehk_bot
被捕人親友認領：@saveap

三，
今日所有公海admin請係午時用 @Delall_bot 清理哂所有既對話紀錄。

自助哨Bot照常運作，唔識報哨隨便用：@TGScoutAuto_Bot

@Hermit_Purple_Hamon

#毒撚程式員 #簡短提醒

289個人，係人，
果289個人既屋企人，都係人。

呢兩日天氣會差，請記住比多D關心比被捕家屬。
一般食物如麵包同湯水都會夠。

被捕人士而家所在既警署：

紅磡警署3661 1638
旺角警署 3661 1642
油麻地警署 3661 1652
秀茂坪警署 3661 1628 / 36616210

認人：@youarenotalonehk
被捕報料：@youarenotalonehk_bot
被捕人親友認領：@saveap

#毒撚程式員 #搶左人地支咪講歷史
【革命法庭，和牧月22日法令的支配】

法國革命期間所成立的殺人機構。被告禁止公開審問，死為唯一的刑法。
自西元一七九三年至一七九五年止，計有一萬六千人以上被處死。

要講返點解會革命法庭呢回事，就要講返少少關於法國大革命入面，
路易十六係點死、同埋牧月22日法令既「恐怖管治」。

先講返路易十六：佢同皇后都一齊扮正常人流亡唔成，
係條街比人捉到架馬車，以叛國罪罪名，全家都送上去斷頭台。

「我係一個清白既人！！」
「各位兄弟姐妹，係我被捕前後，我都係一個清白既人。
希望我既鮮血，可以為法國帶來福祉。」——路易十六

1793年： 雅各賓黨既羅伯斯比爾拎返革命主導權，其後以實施牧月22日法令，實現「恐怖統治 」。
「公安委員會」掌握獨裁權力，設立「革命法庭 」，鎮壓反革命；
發布「最高物價法」，穩定經濟；
通過「( 全國皆兵令 )」，號召全民保衛祖國。

它通過以下條款內容讓整個法國社會產生道德懷疑的風氣：
每個市民均被賦予逮捕反革命分子及其同黨的權力，
並有權將其帶到治安官員面前，

該治安官員必須馬上正式指控該對象。

呢條法例，由一個陪審團、一個檢察長和兩個代檢察長組成，
均由國民公會任命，其判決定案後則不得再上訴。
並禁止囚犯僱用律師為自己辯護，並規定死刑為唯一刑罰。

係革命法庭生效既十三個月內，宣判1,220人死刑；
係通過左法令和羅伯斯比垮台之間的49天中，有1,376人被判處死刑。

多數為無辜之民眾，請記住，多重查考後，
被判死刑既，都係唔關事既民眾。

本來為左要懲治好似路易十六呢種咁既無冠叛君，但係新上任既總統，諗都無諗過，

自己會殺「叛國之徒」會殺紅了眼。

雖然法庭為期左13個月，但係為左令法國上下都要「保家衛國」，
已經手起刀落殺左上兩千既無辜群眾。

呢個境象，係咪同某個地方發生緊既野好似？

#毒撚程式員
歷史總是不其然地相似…

一、2020年7月1前，羅冠聰流亡海外，倖而逃生；
二、國安法納入基本法附件三，建制愛國派鼓掌聲四起，誓言「保家衛國」；
三、7月1日港島區恐怖紫旗初現，國安法魔爪出現之時；
四、電單車男炒車，卻被告國安法，不得保釋、上訴及司法覆核；
五、藍絲篤灰潮再現，国安法成為「愛國蝗」的正當武器；
六、全民派一萬，再加薪比黑警；另一邊廂，藍絲瘟疫大爆炸；
七、「光革五一」成為禁語，建制前後見字喊打；
八、729，學生動源國安法滿門抄家；
九、731，手起刀落向海外流亡港人發出國安法通緝令；
十、810，蘋果廠被近300警力「洗泉」，黎智英被控「勾結外國勢力」；
終、周庭被控「煽惑分裂國家」。

唔會見到盡頭既宿命，而家先至係命運既再始。

#毒撚程式員 #自動推送

關於 @TGScoutAuto_Bot 自動推送：唔會實裝。

第一、
絕大部分都係Livegram Bot，都唔支援接收對方BOT訊息。
呢種Bot係不能實現bot與bot之間自動推送；

第二、若果有人報「鳩哨」，
全世界哨admin就會搵我黎返報咩事，
我為左段code已經犧牲左好多時間，
並唔希望咁樣阻到全世界哨admin既時間。

第三、
講左幾百次，準確報哨係大家既義務，
而家要我個bot自動推送返比佢地，
咁佢地BOT既心血咪係咁先？
班哨admin點樣搵你follow up？

#鬼唔撚知浪費大量時間
#叫左你裝黎練習你就話我無自動推送
#你做埋18區哨admin果份咩

#毒撚程式員 #嘗試解釋TG的問題

一、暫時已知道，若果某部分頻道同公海有連結既話，
正常頻道出野，公海都會係出頻道既野先係，
但係而家頻道無論出幾多野，都唔會係連結左既公海出現。

而且，ADMIN視覺係手機睇既話，頻道既post會多左"Channel"既簽名。

二、講明先，我既視覺。
所有既頻道post功能都無問題。
刪，回，轉，改都OK。

三、Telegram東歐server唔知咩事有連線問題，
可能係因為連結問題導致訊息運作出錯。
https://twitter.com/telegram/status/1309452845536681985

四、我出品既兩個bot都無問題。
@TGScoutAuto_Bot
@TGArrester_Bot

五、有個巨頭話會出賣資料，個名有個o字既，出哂國際新聞，邊間唔講。