#氣象巴打隨筆
Admin表示：香港人有時真係要諗下點解會俾班POPO睇死

#氣象巴打隨筆
Admin認為如果：
1. 仲有full gear大搖大擺入酒店
2. 仲有人係公眾地方 (巴士、街) 高談闊論自己既發夢經驗同計劃

我建議你直接去將軍澳堆填區埋咗自己嗰頭佢，反正你都係送頭。

#氣象巴打隨筆

今日點解拉咁多同埋俾人打得咁甘？

1. 人數
警方今日用「RPG破關形式」沿灣仔、銅鑼灣內街入返軒尼詩道set好多條十幾人既封鎖線，人數不足嗰陣就好容易俾人打散。

2. 安全意識不足
唔係話每架都唔可以放，但唔該留意消防車同救護車後面有冇貨車、政府車或者警車跟尾。

3. 集會地點
三個集會地點本身已經分散人群，進一步搞到港島好難打。

#安全威脅觀察 #氣象巴打隨筆

氣象巴打講一個簡單道理：「現場冇俾人拉，唔代表你唔會俾人拉」。

好多人知道公眾活動完返屋企嗰陣要避免俾便衣跟蹤，但CID既「吊靴」大法從來唔限於公眾活動當日或翌日。

要明白CID有接近無限時間睇媒體直播同附近CCTV，鎖定目標後會放大量「針」跟蹤甚至滲透，而且過程以禮拜甚至月計，方法層出不窮，防不勝防。

認目標既方法有身高、體型、五官、髮型、衣著、聲音、習慣出沒既時間、地點及同伴等。

簡單黎講，你包得唔夠實既話就係預約上門俾人拉 (差在幾時)。但你包得實又想「快閃」既話，就小心成為防暴突擊既目標，練定點樣跑得快同醒目。

仲有，唔好再喺公眾地方高談闊論。

#氣象巴打隨筆
這支是改裝胡椒球槍，党媒HK01曾經報道。

#個人防護情報 #氣象巴打隨筆

建議：Whatsapp就唔好講咁多野，Telegram就一俾人拉即刻delete帳號啦～

#安全威脅觀察 #氣象巴打隨筆
大量防暴進入Yoho Mall處理「裝修」事件。相比之下，五個月前處理恐襲的警力為0。

氣象巴打就第二點做少少補充（或者好直白咁講多次）：

今次行動唔一定只係針對Poly，亦唔一定只係針對踢保人士。

#安全威脅觀察 #氣象巴打隨筆

氣象巴打睇完《禁止群體聚集規例》後有幾個問題：

1️⃣點解獲授權人員可以記錄既資料會包括地址同電話？

2️⃣點解會俾獲授權人員爆屋取證？攞走盒雞翼證明開緊party？

3️⃣成篇條文居然連「群體聚集」都冇定義過。記者會光明正大話排隊、過馬路唔算，咁點解唔寫明「維持日常生活運作」獲豁免？

Admin唔清楚港府係有心定無意（亦唔重要），但客觀事實係《規例》俾咗獲授權人員（包括警察）不合理地大既權力，而條文含糊不清，普通市民根本唔清楚自己有冇誤墮法網！

《禁止群體聚集規例》簡述：
https://publielectoral.lat/weatherjj/24159

#氣象巴打隨筆 #法律知識

當年魚蛋革命後，警方於天水圍以涉嫌煽惑暴動罪拘捕黃台仰，並稱在其居所發現「電磁炮」。

四年過去，警方的「鳩吹唔洗本」能力已提升至氫氣彈級別，令人佩服。

相關報導：
https://www.thestandnews.com/politics/拘黃台仰-警展示證物-電磁炮-科普實驗器材淘寶有售-大學講師諷尋常家居都可稱軍火庫/

#氣象巴打隨筆 #歷史回顧

武漢肺炎疫情爆發，待在家中除觀看Netflix、玩動物之森和鍛鍊體能外，閱讀也是一個增值自己的方法。

以下是《立場新聞》的「獨立書店，每週一書」系列。

除參考推薦書單外，文章亦附上獨立書店的地圖。在全港大型連鎖書店只剩下「三中商」及誠品的情況下，獨立書店地圖應非常實用。

相關文章：
https://www.thestandnews.com/culture/獨立書店-每周一書-在家防疫看什麼/

#香港政治 #氣象巴打隨筆

今日為梁凌杰先生逝世十個月，如有空可考慮到太古廣場外獻花悼念。

#氣象巴打隨筆

DSE義教平台整合

你問我答平台
中文： t.me/DSEChi
英文： t.me/DSEEng1
數學： t.me/DSEMaths3
通識： t.me/DSELS
物理： t.me/DSEPhy
化學： t.me/DSEChem
生物： t.me/DSEBio
經濟： t.me/DSEEcon1
企會財： t.me/DSEBafs
中史： t.me/DSEChiHis
世史： t.me/DSEHis
中國文學： t.me/joinchat/FWTGqlN6mQQkzoSuDpSS3w
英國文學： t.me/joinchat/FWTGqlKMqZHabHTei-O5qw
地理： t.me/DSEGeog
旅款： t.me/joinchat/FWTGqk75j7h88zhRtlvzzQ
資訊科技： t.me/joinchat/FWTGqlRLdfX8HdAQsHMhVQ
視藝： t.me/DSEVA1
音樂： t.me/DSEmusic

中、英文（作文、綜合）改文服務
t.me/ChinesePaper2DSEr

數城 - 數學（包括M1、M2）
t.me/joinchat/OtEiA03EsUEcdNFvK7VqkQ

義教Bot
t.me/SFLGroupHelper_Bot

如希望加入列表，歡迎聯絡氣象bot打 @weatherJJfb_bot。只希望收集TG頻道相關資訊。

#氣象巴打隨筆

淺談「不分化」：團結不是靠口號

過去數月街頭抗爭漸趨冷卻，網上卻掀起腥風血雨的口水戰。黃圈就像一個大家庭，有人認為手足應該「家和萬事興」，亦有人覺得一家人要「攤開黎講」。

「不分化」是運動天條之一，但筆者認為單靠口號不會有實質作用，反而希望大家思考以下四個規範自身的原則：

1️⃣不要自視過高；
2️⃣做好自己本份；
3️⃣不理解的事不作評論；
4️⃣對事不對人。

不鬥黃、捉鬼，歸根究底是單憑片面資訊不會有準確結論，你亦不應高估自己的判斷能力。

因為這世界沒有「社運履歷」，你不知道別人在背後做過甚麼。

因為你對武力使用缺乏想像，你不會了解別人的實際計劃。

因為你不明白警方滲透的方式，你只會捕風捉影。

因為你訴諸動機，而非針對提議本身，你的評論只成了人身攻擊。

團結是果不是因。就像大型機器一樣，只要每個零件運作正常，自然會轉動起來。我們談團結前，首先要談自律。

道德是用作規範自己，而非讓你站在高地批判他人。

文章以「不靠口號」為題，但恕筆者用十二字概括：「和而不同，互相尊重，嚴己寬人」。

#氣象巴打隨筆

需要擔心國歌法，但唔係聽日既事

本頻道一如既往唔評論行動，但有啲概念係搞行動之前必須搞清楚。

1️⃣內會冇權力「恢復二讀」。

恢復二讀係喺每個禮拜三開既立法會大會做，舊年你出金鐘反送中都係禮拜三既事。

議案首讀後就係二讀，隨即會提出「中止待續」動議，交俾內會成立法案委員會跟進。法案委員會出報告後，內會審議並同政府商討，決定交上大會恢復二讀既時間。

國歌法而家係過咗法案委員會，但內會未審議報告，所以一路卡關。

2️⃣聽日議程係冇國歌法既法案委員會報告。

聽日會先討論內會選主席爭議既法律意見，之後審議法案委員會報告，但當中唔包括國歌法，詳情可參閱以下議程：
https://www.legco.gov.hk/yr19-20/chinese/hc/agenda/hc20200508a.htm

3️⃣點解立場姐姐會咁講？

重點唔係國歌法，而係內會選主席爭議既法律意見。

梁君彥尋求既外界法律意見指出，內會主席李慧琼有權召開特別會議處理緊急事務。

簡單黎講，如果聽日內會接納呢份外界法律意見，李慧琼隨時可以召開特別會議，審議國歌法既法案委員會報告後，再交佢上大會恢復二讀。

4️⃣小結

聽日內會的確值得關注，但重點係內會選主席爭議既法律意見，而唔係網傳既「國歌法恢復二讀」。

#法律知識 #氣象巴打隨筆

氣象巴打簡單講幾句：

党媒話今晚既《港版国安法》唔係廿三條。個人理解係第一波攻勢，更辣既條文陸續有黎。

明白大家心情好沉重，但一定要記住而家既情況遠遠未到最差，請為未來做足最壞打算同心理準備。

現階段唔好自亂陣腳。就算冇《港版国安法》，本身已有唔同惡法，風險一直都存在。如果你冇做開保障資訊安全既措施，而家開始做；如果有既話，其實冇咩好擔心。

#氣象巴打隨筆

也許今夜不像611深夜
沒有鋪天蓋地的文宣
很多人歸咎於對運動的疲倦、疫情的發展，很多不同的因素令群眾對於事情冷卻下來。
但我想這也許是一種沈澱，對大事情發生前的一種冷靜，是我們這年來所學懂的一種心態和技能。比起以往很多的顧慮與惶恐，更多的是冷靜的思考，充裕的準備去面對著接下來發生的事情。

這是一種進步、適應，展現出香港人強大的應變能力。一種讓我們這百多年來在國際上聞名的性格。

#氣象巴打隨筆