【愛丁堡港人的中秋】

今年中秋節和匪國建政周年 剛好是相連的日子，我哋除咗喺Edinburgh開街站呼籲更多在地嘅人制裁同抵制匪國，街頭活動之後，我哋同愛丁堡一班港人聚首，珍惜相聚嘅時刻。

中秋節除咗係秋收嘅節日，從古至今都有唔同秋收起義嘅故事，其中為人熟悉 #抗元暴政，餅裏面藏字條，使月餅作為革命聯繫的媒介。因此 月餅 除咗團圓、相聚，亦喺我哋海外港人嘅聚會裏面，餐桌上嘅月餅 象徵嘅共同信念同默契。離散港人社群之間，月餅代表嘅呢種非凡意義，正正成為延續大家嘅關係嘅關鍵所在。

新聞熱話爭論嘅燒賣售價，或者大家都有唔同嘅睇法。而The Hong Kong Scots手足特別炮製懷舊碗仔翅，同大家抒發思鄉情懷，重拾昔日喺香港節日同 #掃街 嘅氣氛。同場亦有愛丁堡街坊製作嘅fusion糕點、#雞煲、港式甜品同其他小食，實在感謝每一位參與嘅愛丁堡港人。

最後亦要感謝現場，由下午到晚上，大家一齊回顧過去幾年嘅辛路歷程。喺機構層面，始有共同理解，從而去展望未來，讓我哋同身邊嘅香港群體繼續喺蘇格蘭扎根。

我哋亦預備緊嚟緊嘅節慶活動，包括冬至、農曆新年等，歡迎留言或者inbox我哋你所在嘅城市，讓我哋了解了解大家嘅參與意向同諗法。

喺蘇格蘭嘅你，想同我哋並肩作戰，參與我哋日常運作？
Get Involved!
https://forms.gle/HCvXDXrpUMa2TtwB9