የተፈናቃዮች ቁጥር 300 ሺህ ደርሷል።

በአማራ እና አፋር ክልሎች የተፈናቀሉ ሰዎች 300 ሺህ መድረሱ ተሰምቷል።

ይህ የተሰማው ዛሬ የጠ/ሚ ፅ/ቤት ፕሬስ ሴክሬተሪያት የውጭ ቋንቋዎች እና የዲጂታል ሚዲያ ኃላፊ የሆኑት ቢልለኔ ስዩም በሰጡት መግለጫ ላይ ነው።

ቢልለኔ ስዩም ህውሃት የተናጠል ተኩስ አቁም ስምምነቱን ባለመቀበል በአፋር እና በአማራ ክልሎች ላይ ጥቃት በመፈፀም 300 ሺህ ዜጎችን እንዲፈናቀሉ እና የተለያዩ ሰብዓዊ ጥሰቶች ፈጽሟል ብለዋል።

እነዚህ ተፈናቃዮች አስቸኳይ ሰብዓዊ እርዳታ ቢያስፈልጋቸውም አለም አቀፉ ማህበረሰብ ትኩረት አልሰጣቸውም ሲሉም ገልፀዋል።

ችግሩም ለመፍታት መንግስት ከአለም ምግብ ድርጅት (WFP) ጋር በመሆን ምግብና ምግብ ነክ የሰብዓዊ እርዳታዎችን እያቀረበ ነው ብለዋል።

በሌላ በኩል ቢልለኔ ወደትግራይ ከሚገባው እርዳታ ጋር በተያያዘ እስከ ትላንት ድረስ 277 የሰብዓዊ እርዳታ የጫኑ ተሸከርካሪዎች ወደ ወደ መግባታቸውን አሳውቀዋል።

በሌላ መረጃ ደግሞ ከቀናት በፊት በጠ/ሚ ጽ/ቤት ይፋ የተደረገው ብሔራዊ ጥሪ ከትግራይ ህዝብ ጋር የተገናኘ ሳይሆን በመንግስት በሽብር የተፈረጀውን ቡድን አውዳሚ እንቅስቃሴ ለማስቆም ነው ብለውታል።

በትግራይ ክልል ውስጥ "የትግራይ ኃይል" በሚል በአለም አቀፍ ሚዲያዎች የሚዘገበው ከፋፋይ መረጃ ትክክል አይደለም ያሉት ቢልለኔ ስዩም፥ "አሁን ላይ መንግስት እየተፋለመ ያለው በትግራይ ክልል እና አጎራባች አካባቢዎች ከሚንቀሳቀሰው ህወኃት ከተባለ የሽብር ቡድን ጋር ነው" ሲሉ አስገንዝበዋል።

"አሁን እየተካሄደ ያለው ጦርነት እና መንግስትም እየተዋጋ ያለው ከትግራይ ህዝብ ጋር ሳይሆን በትግራይ ህዝብ ውስጥ ተደብቆ ከሚንቀሳቀሰው የሽብር ቡድን (ህወሓት) ጋር ነው" ሲሉ ቢልለኔ ጠቁመዋል፡፡

@tikvahethiopia

#Ethiopia

የአሜሪካው ፕሬዜዳንት ጆ ባይደን ፤ ጄፍሪ ፌልትማንን በድጋሚ ወደኢትዮጵያ ሊልኳቸው ነው።

የአሜሪካ ውጭ ጉዳይ ሚኒስቴር ጄፍሪ ፌልትማን ወደ ኢትዮጵያ እንደሚመጡ ትላንት ለሊት አሳውቋል።

ከዚህ ቀደም ኢትዮጵያ መጥተው የነበሩት የአሜሪካው የአፍሪካ ቀንድ ልዩ ልዑክ ጄፍሪ ፌልትማን በድጋሚ ወደ ኢትዮጵያ ይመጣሉ።

ፌልትማን ከነሃሴ 9 ቀን 2013 ዓ/ም እስከ ነሃሴ 18 ቀን 2013 ዓ/ም ባሉት ቀናት ወደጅቡቲ ፣ ኢትዮጵየ እና UAE እንደሚጓዙ ከአሜሪካ ውጭ ጉዳይ ሚኒስቴር የተገኘው መረጃ ያመላክታል።

ልዩ መልዕክተኛው በጅቡቲ፣ ኢትዮጵያ እና UAE በሚኖራቸው ቆይታ ከ3ቱ ሀገራት ከፍተኛ ባለስልጣናት ጋር ይነጋገራሉ ተብሏል።

የፌልትማን ውይይት ዋነኛ አላማው አሜሪካ በአፍሪካ ቀንድ "ሰላምን የምታበረታታባቸው" እና የቀጠናውን "መረጋጋት እና ብልጽግና የምትደግፈባቸውን" ዕድሎች የተመለከተ ነው።

@tikvahethiopia

ነዋሪዎችን ያማረረው ህገወጥ ተኩስ...

በጎንደር ከተማ በተለይም ማራኪ ክፍለ ከተማ ሰሞኑን የተለያዩ ምክኒያቶች ስበብ በማድረግ ህገ ወጥ ተኩስ እየተፈጸመ ይገኛል።

ይህን ምክኒያት በማድረግ የክፍለ ከተማው ነዋሪዎች ትላንትናው ውይይት አድርገዋል። የውይይቱ ተሳታፊዎች በአካባቢያቸው የሚፈፀመውን ህገወጥ ተኩሱን አውግዘዋል።

የጦር መሳሪያ የያዙ ግለሰቦች የወታደራዊ የጦር መሳሪያው አያያዝ ህግና ስርዓቱን ማክበር ይገባቸዋል ያሉት ነዋሪዎች ሁሉም ህገወጥ ተኩስን ማውገዝና መከላከል ይገባል ብለዋል።

ህገወጥ ተኩስ የሚፈፅሙ ግለሰቦች ሽብርተኛ ተብሎ የተፈረጀው የህወሓት ቡድን አጀንዳ አሰፈፃሚ በመሆናቸው መንግስት እርምጃ ሊወስድ ይገባል ሲሉም ጠይቀዋል።

የጎንደር ከተማ ከንቲባ አቶ ሞላ መልካሙ፥"ለጠላት ሊተኮስ የሚገባው ጥይት የህገ ወጥ ተኩስ የህፃናትንና የእናቶችን ሰላም በመንሳት በእጅጉ ከመጉዳቱ በተጨማሪ ተኳሾቹ ለታሪካዊቷ ጎንደርና አካባቢው ህዝብ ያላቸውን ንቀት ያሳያል" ብለዋል።

"ለህዝብ ሰላምና ክብር ያልሰጠ ህገወጥ በአፀፋው ክቡሩን ገፈን በህግ የሚጠየቅ ይሆናል" ሲሉ ጠቁመዋል።

በህገ ወጥ ተኩስ በሚሳተፋ ግለሰቦች ላይ እርምጃ እየተወሰደ መሆኑንም ገልፀዋል።

"መሳሪያቸውን በማስወረድ በህግ ተጠያቂ እናደርጋለን" ሲሉ ተናግረዋል።

ህገወጥ ተኩስ ላይ የሚሳተፉ ግለሰቦች በማወቅ ይሁን ባለማወቅ የጠላት አጀንዳ እየተቀበሉ በመሆኑ ከድርጊታቸው ሊቆጠቡ ይገባል ሲሉ አስጠንቅቀዋል።

ከንቲባው መንግስት በሚወስደው አርምጃ ነዋሪዎች ተባባሪ ሊሆኑ ይገባል ሲሉ ጥሪ ማቅረባቸውን ከጎንደር ኮ/ሽን ያገኘነው መረጃ ይጠቁማል።

ከዚህ ቀደም ጎንደር ከተማ ነዋሪዎች በከተማቸው የሚፈፀም ህገወጥ ተኩስ መፍትሄ እንዲበጅለት በተደጋጋሚ ሲጠይቁ እንደነበር አይዘነጋም።

@tikvahethiopia

#Update

ከራያ ዩኒቨርሲቲ የወጡ ተማሪዎች ወደ አዲስ አበባ ጉዞ ላይ ናቸው።

በራያ ዩኒቨርሲቲ ይማሩ የነበሩ 1 ሺ 240 ተማሪዎች ትላንት ነሐሴ 06/2013 ዓ.ም በአብዓላ በኩል ሠመራ ከተማ ገብተዋል።

በ24 አውቶቡሶች ተጭነው ሠመራ ከተማ ትላንት ከመሸ የደረሱት ተማሪዎቹ ፤ በሠመራ ዩኒቨርሲቲ አቀባበል ተደርጎላቸው በእዛው እንዲያድሩ ተደርጓል።

ዛሬ ጠዋት ወደ አዲስ አበባ መጓዝ መጀመራቸውን ቲክቫህ ዩኒቨርሲቲ (@tikvahuniversity) አረጋግጧል።

በትምህርት ላይ የነበሩት የራያ ዩኒቨርሲቲ ተማሪዎች፤ ከሰኞ እስከ ረቡዕ ድረስ የሴሚስተር ፈተናቸውን በማጠናቀቅ መውጣታቸው ታውቋል።

የከፍተኛ ትምህርት ተቋማት ጉዳዮችን በቲክቫህ ዩኒቨርሲቲ በኩል መከታተል ትችላላችሁ : t.me/joinchat/RYD_4tbNBwRoKR2h

@tikvahuniversity