#讀者投稿 #呼籲大家旁聽支持手足

法庭聲援都有半年，唔係想當聲援係贖罪券，聲援咗就當自己做咗嘢，只係想令被捕寶寶同家屬朋友既感受好啲，唔會覺得人地遺忘咗寶寶，聲援完會繼續抗爭。最近旁聽師都出現風險，法院內便衣狗偷拍寶寶，佢地權力大過天想點都得。法院、法庭內唔比戴帽（延伸庭都唔比），係便衣偷拍好時機，旁聽師無遮無掩，去旁聽嘅仲有被捕寶寶既隊友。其實好危險，咁點先保護到佢地？
就係多啲人去旁聽，愈多人咁就愈難辨識到邊啲係寶寶隊友。
希望唔好次次都係同一批旁聽師😑去多一兩次旁聽真係認到晒啲人，其實咁樣好可悲，即係旁聽人數無增多。好多旁聽師都係一日走幾個庭。次次聲援都要出po跪求大家嚟，返工返學明，但係咪真係咁多人唔得閒？每次聲援遮陣送車都係得十幾二十個人。你以為聲援者好得閒？好多聲援者都法院温書做功課、等車時上堂温書做功課網上工作、放工放學飛的過嚟、就算嗰日有野做都會等到最後一刻、身體唔舒服傷咗都會過嚟。你有心做一件事就唔會有咁多藉口。
唔好咩「感謝旁聽師」「辛苦旁聽師」「好嬲好心痛啊」啦，你就算係屋企嬲到癱瘓灘屍，被捕寶寶係唔會知。

#八仔admin有話兒
#呼籲大家旁聽支持手足
聽日東區裁判法院有好多手足要上庭啊，希望街坊/手足有時間真係要去聲援手足，唔好次次都係同一班人去聲援❗️

https://publielectoral.lat/youarenotalonehk/13721
Source: 被捕人士關注組