氣象巴打睇完《禁止群體聚集規例》後有幾個問題：

1️⃣點解獲授權人員可以記錄既資料會包括地址同電話？

2️⃣點解會俾獲授權人員爆屋取證？攞走盒雞翼證明開緊party？

3️⃣成篇條文居然連「群體聚集」都冇定義過。記者會光明正大話排隊、過馬路唔算，咁點解唔寫明「維持日常生活運作」獲豁免？

Admin唔清楚港府係有心定無意（亦唔重要），但客觀事實係《規例》俾咗獲授權人員（包括警察）不合理地大既權力，而條文含糊不清，普通市民根本唔清楚自己有冇誤墮法網！

《禁止群體聚集規例》簡述：
https://publielectoral.lat/weatherjj/24159

#氣象巴打隨筆 #法律知識

今日為周梓樂同學逝世五個月，本頻道呼籲各位於晚上8時09分為他默哀一分鐘。

#氣象巴打隨筆

今日為梁凌杰先生逝世十個月，如有空可考慮到太古廣場外獻花悼念。

#氣象巴打隨筆

721不能忘記的一幕

721晚上，示威者衝擊中聯辦，警方繼612後首次動用防暴子彈。當晚警方未有出示橙旗，於天橋上向示威者發射超過30發防暴子彈。

圖片、帖文來源：No Stake醫學生
https://www.facebook.com/nostakemedicalstudent/photos/a.140123600705521/254739545910592/

延伸閱讀：氣象巴打721回顧
https://publielectoral.lat/weatherjj/23954

#歷史回顧 #氣象巴打隨筆

帖文來源：
https://www.facebook.com/600391490/posts/10157504273371491/?d=n

#氣象巴打隨筆

需要擔心國歌法，但唔係聽日既事

本頻道一如既往唔評論行動，但有啲概念係搞行動之前必須搞清楚。

1️⃣內會冇權力「恢復二讀」。

恢復二讀係喺每個禮拜三開既立法會大會做，舊年你出金鐘反送中都係禮拜三既事。

議案首讀後就係二讀，隨即會提出「中止待續」動議，交俾內會成立法案委員會跟進。法案委員會出報告後，內會審議並同政府商討，決定交上大會恢復二讀既時間。

國歌法而家係過咗法案委員會，但內會未審議報告，所以一路卡關。

2️⃣聽日議程係冇國歌法既法案委員會報告。

聽日會討論內會選主席爭議既法律意見，之後審議法案委員會報告，但當中唔包括國歌法，詳情可參閱以下議程：
https://www.legco.gov.hk/yr19-20/chinese/hc/agenda/hc20200508a.htm

3️⃣點解立場姐姐會咁講？

重點唔係國歌法，而係內會選主席爭議既法律意見。

梁君彥尋求既外界法律意見指出，內會主席李慧琼有權召開特別會議處理緊急事務。

簡單黎講，如果聽日內會接納呢份外界法律意見，李慧琼隨時可以召開特別會議，審議完國歌法既法案委員會報告後，再交佢上大會恢復二讀。

4️⃣小結

聽日內會的確值得關注，但重點係內會選主席爭議既法律意見，而唔係網傳既「國歌法恢復二讀」。

#法律知識 #氣象巴打隨筆

由於被告認罪可獲扣刑三分之一，即法官認為612「煲底」衝突的量刑起點為6年，與梁天琦砵蘭街暴動案的量刑起點相同。

區域法院最高判刑為7年監禁，高等法院原訟庭則沒有限制。

#法律知識 #氣象巴打隨筆

就呢個時間線再補充一下：《港版国安法》正式落實既時間唔係今晚，唔係聽日，亦唔係下個禮拜四。

中国人大今次係授權常委會去制定實際《港版国安法》既條文。簡單黎講，即使下個禮拜四表決，亦未有實際條文，要等到常委會搞掂後先可以透過「直接頒布」落實。

基於呢個時間線，嚴格黎講中国人大擺咗一把刀喺香港人頭上（好似梁愛詩當年推廿三條嗰陣咁講），而呢把刀幾時正式郁手，常委會有好大既操作空間，最快可以係六月開會嗰陣搞掂，亦有講法係半年。

再基於呢個時間線既話，應該唔難明白今日既一連串舉動係試水溫。

#香港政治 #氣象巴打隨筆

我地講到口臭，唔想再提，點解大家咁鍾意沉迷於你眼前既防線，自己已經入咗包圍網都可以唔自覺？

唔想再提圍捕相關既事，今日差佬係好撚貪心，朝早守完立法會下晝就會拉夠數收打壓之效。唔希望大家再做企定定既預約拘捕目標。

#安全威脅觀察 #氣象巴打隨筆

據了解，警方早前曾要求部分於理大逃走失敗、現場被捕的留守者到警署協助調查，惟扣查後仍因證據不足，暫不落案起訴暴動。

配合早前案件，目前起訴標準仍是有閉路電視片段顯示實際行為，或有足以干犯未完成罪行（串謀或企圖）的通訊紀錄。

「拘捕」、「起訴」及「罪名成立」是三件事，但亦不排除起訴標準會降低。

惟須注意警方不一定於特定日子作拘捕，甚至可以單純要求到警署協助調查，而不上門拘捕。時刻作準備之餘，建議亦注意自身情緒。

「做最好嘅準備，做最壞嘅打算」，互勉之。

#公眾安全情報 #氣象巴打隨筆