#手足投稿 #不代表本台臘腸

不經不覺 已經過咗一年
牆外嘅我哋望住不同嘅荒謬發生 時間過得好快
但牆內嘅手足 渡日如年
不斷寫信畀佢哋 即使收唔到回信都好
至少佢哋可能會收到

一年過去 大家對中大理大嘅印象好深
但各區都有唔少手足受傷
除咗熊仔餅 上水都有位男手足被射傷眼
當日係新都天橋有位男仔被射中眼
有一班街坊衝埋去幫手
我咩都唔識 只能夠做旁觀者睇水
有位女手足令我好深刻
男手足叫好痛 呢位女手足全程流住眼淚 捉實嗰男手足叫佢唔好驚 另一隻手不斷數住男手足嘅脈搏
其實嗰一下我唔明點解呢位女手足要喊
更加有啲覺得佢好阻住
直至好後期 我睇過一篇文
「手足就係血脤相連 會感受到你嘅痛」
或者係因為佢心痛呢位手足
或者係佢感覺到呢種痛
或者佢怕再失去手足

有班green object射傷人後走上嚟問有無嘢幫手 仲要拎住枝胡椒噴霧衝上嚟
好可笑呢？
射傷完人 仲要走去問有無嘢幫手
有位防暴曾經行過女手足
嗰一刻我好驚 我好驚佢哋唔知用咩理由拉走佢
令我最驚訝嘅係呢位防暴竟然唔知去邊搵到冰袋畀手足用
我有諗過 到底係仲有白警 定 呢位防暴仲有良心？

一年過去 男手足 你而家傷勢好返未？
一年過去 女手足 你安全嗎？

我希望每一位香港人 記住每一個付岀嘅手足
不論係fa/係記者/前線示威者/和理非
我哋都係熱愛香港嘅香港人
所以請各位唔好鬥黃
唔好放棄