【新到書23.6.2022】
實在太耐冇出新書推介post喇,呢段時間一直靜雞雞上架咗唔少新書,今日就推薦一下其中幾本。
《余英時評政治現實》結集余教授畢生對中共、台灣、香港嘅政論,雖然唔少有幾十年歷史,但今日再睇都仍然歷久彌新。本書為限量珍藏印章版,蓋有葛兆光送俾余教授嘅「無處非中」印章。
《不中聽文集》收錄吳靄儀大律師過去幾年對法治嘅評論文章,梳理近年行政司法界令人嘩然嘅言論,並非單憑「法治已死」四個字就足以總括香港。
《日常運動》中香港年輕作家梁莉姿以故事描繪運動以後嘅日常,抑壓而激動嘅矛盾,運動嘅傷口可以靠日常去撫平嗎?
《拼命無恙》𥚃面林夕以詩同散文療癒心靈嘅傷痛,記憶固然唔可以抺去,但傷口需要治療,先可以重新企起身行落去。
《香港甚好的片刻》集合加山傳播自2019年所做嘅訪談,隨住加山創辦人被捕、大小傳媒被迫結業、香港封網開始,存在喺網絡世界嘅文字竟不及紙本恆久。本書透過訪問展現2019年至今香港嘅唔同面向,紀錄佢哋背後嘅信念同堅持。
《少年》一書同電影相反,由演員同幕後角度出發,去探討呢套以社運為背景嘅電影對劇場內外嘅影響。
《總有些時光在路上》帶我哋跟隨潘國靈遊歷各地,探索異國風情同時,亦走一趟內心旅行,思量呢場旅程嘅歸期。
《把砒霜留給自己》為Mr. Pizza繼《紅van》後又一被搬上銀幕嘅作品,16篇故事寫盡喺瘋狂都市入面嘅瘋狂人事。
#香港人 #英國 #新書
#余英時 #吳靄儀 #林夕 #潘國靈
#少年 #加山傳播 #梁莉姿
#hongkonger #hkisnotchina
實在太耐冇出新書推介post喇,呢段時間一直靜雞雞上架咗唔少新書,今日就推薦一下其中幾本。
《余英時評政治現實》結集余教授畢生對中共、台灣、香港嘅政論,雖然唔少有幾十年歷史,但今日再睇都仍然歷久彌新。本書為限量珍藏印章版,蓋有葛兆光送俾余教授嘅「無處非中」印章。
《不中聽文集》收錄吳靄儀大律師過去幾年對法治嘅評論文章,梳理近年行政司法界令人嘩然嘅言論,並非單憑「法治已死」四個字就足以總括香港。
《日常運動》中香港年輕作家梁莉姿以故事描繪運動以後嘅日常,抑壓而激動嘅矛盾,運動嘅傷口可以靠日常去撫平嗎?
《拼命無恙》𥚃面林夕以詩同散文療癒心靈嘅傷痛,記憶固然唔可以抺去,但傷口需要治療,先可以重新企起身行落去。
《香港甚好的片刻》集合加山傳播自2019年所做嘅訪談,隨住加山創辦人被捕、大小傳媒被迫結業、香港封網開始,存在喺網絡世界嘅文字竟不及紙本恆久。本書透過訪問展現2019年至今香港嘅唔同面向,紀錄佢哋背後嘅信念同堅持。
《少年》一書同電影相反,由演員同幕後角度出發,去探討呢套以社運為背景嘅電影對劇場內外嘅影響。
《總有些時光在路上》帶我哋跟隨潘國靈遊歷各地,探索異國風情同時,亦走一趟內心旅行,思量呢場旅程嘅歸期。
《把砒霜留給自己》為Mr. Pizza繼《紅van》後又一被搬上銀幕嘅作品,16篇故事寫盡喺瘋狂都市入面嘅瘋狂人事。
#香港人 #英國 #新書
#余英時 #吳靄儀 #林夕 #潘國靈
#少年 #加山傳播 #梁莉姿
#hongkonger #hkisnotchina
【同呼吸讀書會】
話明星期日留嚟搞活動,當然有讀書會啦。喺19年運動沉寂後嘅反思時期出版咗唔少後抗爭文學。年輕作家所書寫嘅既有投入運動時嘅情感,又有從運動中抽離嘅反省,讓讀者們都能從中有所覺悟。喺《日常運動》中,梁莉姿唔單止描繪運動同日常嘅撕裂,亦寫人與人之間、以至內心嘅撕裂。而喺《煙街》一書入面,沐羽通過八個大時代背景下嘅生活小故事,透露喺抗爭中筋疲力盡的一代人,面對未來嘅無力感。最後今次讀書會新嘗試,加入電影《少年》,同樣係後抗爭時期嘅作品,影像同文字表達上,又讓人有唔同嘅感受。
主題:後抗爭年代
日期:10月30號(日)
時間:下晝2點至4點
地點:112 High Road, Beeston, Nottingham NG9 2LN
報名:https://forms.gle/niWn8LXLCM6NjTECA
#香港人 #英國 #讀書會
#後抗爭 #日常運動 #煙街 #少年
#hongkonger #hkisnotchina
話明星期日留嚟搞活動,當然有讀書會啦。喺19年運動沉寂後嘅反思時期出版咗唔少後抗爭文學。年輕作家所書寫嘅既有投入運動時嘅情感,又有從運動中抽離嘅反省,讓讀者們都能從中有所覺悟。喺《日常運動》中,梁莉姿唔單止描繪運動同日常嘅撕裂,亦寫人與人之間、以至內心嘅撕裂。而喺《煙街》一書入面,沐羽通過八個大時代背景下嘅生活小故事,透露喺抗爭中筋疲力盡的一代人,面對未來嘅無力感。最後今次讀書會新嘗試,加入電影《少年》,同樣係後抗爭時期嘅作品,影像同文字表達上,又讓人有唔同嘅感受。
主題:後抗爭年代
日期:10月30號(日)
時間:下晝2點至4點
地點:112 High Road, Beeston, Nottingham NG9 2LN
報名:https://forms.gle/niWn8LXLCM6NjTECA
#香港人 #英國 #讀書會
#後抗爭 #日常運動 #煙街 #少年
#hongkonger #hkisnotchina