【要到絕望才望見希望在人間】

假期過後本來想同大家介紹一下我聖誕期間睇嘅書，但相信我哋呢幾日都因為立場新聞案而心情沉重。

香港新聞界面對打壓仍然謹守崗位，令人諗起光州事件中冒死報道真相嘅外媒記者。電影中全羅南道民眾寧願犧牲自己都要保護記者，寄望世界藉此知道佢哋所受嘅壓迫同抗爭嘅決心，香港人喺傳媒機構倒下嘅時候，亦盡力保留紀錄，阻止歷史消失。

鍾樂偉嘅《如果那天到來》記錄南韓民眾幾十年來追求自由、民主同公義嘅不斷抗爭。書中提到一首感動人心嘅南韓抗爭歌曲嘅歌詞：「如果那天到來，我手足思念的臉龐，與那些痛苦的記憶，還有我充滿血淚的等待，都不會是一場徒勞的夢。如果那天到來，如果那天到來⋯⋯」，或者就係南韓民眾堅毅不屈抗爭嘅寫照。

南韓人經歷多次鎮壓，終能擺脫威權統治。絕望嘅時候睇吓其他民族嘅故事，可能俾到希望我哋，相信過程幾漫長幾艱辛，只要堅持落去，點都會實現。

#香港人 #英國 #外國系列
#如果那天到來 #韓國民主運動
#hongkonger #hkisnotchina