【新到書14.12.2022】

店主回來了～繼續努力為大家介紹新書。

今期《Side B》英國獨家封面故事「少年犯」（你知點解啦）介紹香港未成年人士嘅審訊同刑罰。16歲以下被告審訊資料相比成年人少，庭上資訊有時連記者都無法得知。一方面保障少年私隱，但另一方面又有閉門聆訊嘅隱憂。2019年社運期間大量未成年人被捕，令唔少人開始關心少年犯嘅權益。文中訪問兩位社運中被捕嘅少年、代表少年犯嘅大律師、關注兒童權利嘅孫曉嵐，讓大家更了解少年犯所面對嘅一切。

另一個封面故事訪問多位烏克蘭人嘅抗戰故事，面對沒完沒了嘅戰火，如何繼續生活，互相幫助。

文化專題介紹九七前後嘅港產片點樣反映香港人面對九七大限時嘅不安同無力，喺一個相對開放嘅年代，電影捕捉住社會對未來嘅疑慮同身份認同嘅困惑。

#香港人 #英國 #新書
#sideb #少年犯 #烏克蘭
#hongkonger #hkisnotchina

【新到書 10.08.2023】

第三期Side B以「香港解謎」為題，訪問書寫「香港」嘅本土推理作家，亦訪問解構「香港」呢個謎題嘅導演。

近年唔少謎題環繞去留同身份認同，今期專訪《憂鬱之島》導演陳子恒、《野草不盡》導演黃靖凝及《白日青春》導演劉國瑞，窺探電影如何捕捉香港人對於上述議題嘅掙扎。

法庭看似要尋求真相，但如幻似真嘅案件留低嘅謎團比答案多。Side B整理「哈比人」案各人供詞，留俾讀者自行解讀。

提起推理，可能首先會諗到東野圭吾、宮部美幸，然而好多人都唔知香港推理小說蜚聲國際。作家陳浩基小說被翻譯成12種語言，作品更被改編成韓劇。

今期Side B訪問4位堅持不懈嘅推理小說作家，望日即使市場狹窄仍然堅持出版，子謙即使身陷囹圄仍然堅持寫作，其中九個短篇收錄喺Side B內。順帶介紹子謙留喺書店嘅扭卡機，兩鎊一張故事卡，讓你全日都膽顫心寒。（收益全部留俾子謙）

#香港人 #英國 #新書
#sideb #推理小說
#hongkonger #hongkongisnotchina