【新到書15.12.2022】

再為大家介紹白卷同手民嘅新到書。

懷疑人生就去散步。Sampson喺《香港散步學》中傳授獨門散步秘技俾大家，將來如果有機會返香港嘅話，學識喺散步中欣賞香港嘅美。（冇機會再返香港嘅話只能望梅止渴了）

伍珩《識去旅行一定係去伊朗》同《永遠有人在曠野：以巴流離》介紹戰爭新聞以外嘅以色列、巴勒斯坦同伊朗，掀開獨裁、保守、貧窮、落後標籤之下嘅中東真面目。

我哋呢代人或者只係知道夏蕙BB嘅貼地敢言，但對於真實嘅夏蕙姨又知道幾多？《夏蕙回憶錄》記夏蕙姨傳奇一生，細讀明星名媛點樣可以依然關心社會唔離地。

《民現：在後佔領時代思考城市民主》研究平時嘅「黎生」如何喺社運時候忽然現身，又試圖跳出國家概念，探討以城市為本嘅民主。

翻譯自西敏大學教授Chantal Mouffe嘅《寫給左翼民粹主義》扭轉「民粹」一詞嘅負面印象，讓讀者重新發掘民眾嘅力量如何主導未來。

#香港人 #英國 #新書
#香港散步學 #民現 #民粹
#伊朗 #以色列 #巴勒斯坦
#hongkonger #hkisnotchina