今次比賽嘅辯題庫有多達12個主題、120條辯題🤩

每一輪比賽嘅辯題都會抽至當中一個主題，我哋嚟緊會有三個辯題post，每次為精選三個主題、以及佢哋各自嘅三條辯題同大家分享一下🤓

一個城市唔可以冇咗meme，甚至可以講meme就係一個城市嘅精神所在，第一個主題喺 #網絡熱話，從潮文、熱話發掘當代香港嘅面貌💻

首先登場嘅係一位傳奇人物，有人話佢太瘋癲，有人話佢其實係全場唯一真預言家，如果有機會，當年嘲笑「電腦大爆炸」阿叔嘅市民應唔應該向佢道歉呢？

第二位人物被香港人集體欺凌緊？定係呢個喺一個現代資本市場中，一個你情我願的正常操作，作為成人嘅我哋冇權管彼此點樣過活？究竟我哋應唔應該勸導薛影儀退出娛樂圈呢？

接住嘅係一場娛樂至死嘅盛宴，或者獲勝嘅一方並唔係王者，斯文敗類都可以殺出一條血路，「林鍾之戰」中，究竟林作定鍾培生先係真正贏家呢？

第二個主題係 #社交平台與現實世界，人少少認咗佢，你每日都喺度用，但對佢嘅認識又有幾多先🫣

呢個平台喺西方必然會被”Cancelled”，作為父權、歧視、定型嘅極致，他們配唔配有有言論自由先？「連登」應唔應該設置惡意言論審查機制？

「你係被網絡煽動㗎！」究竟邊個係偉大嘅網絡？喺佢出現之後，社運仲係唔係當初嘅那種社運呢？社交媒體有冇改變社會運動嘅本質？

喇沙仔、屯官妹、H&M⋯⋯相比起公眾，拍攝者係咪更應該為私人影片嘅廣泛流傳負責？

最後一個主題係#流行文化與香港 ，我哋想輕輕咁問一句，從蔡楓華到劉德華再到Mirror，一路走來嘅香港過得好嗎🫡

虛火？實火？雖然一杯清熱酷能夠解決得到，但「迴光返照」係咪一個對現今香港流行文化嘅正確描述呢？

「Mirror都係抄人姐，不如睇Black Pink啦。」外來與本土之間的張力究竟喺點嘅，又以一個點樣嘅形式影響緊我哋？「韓流」對香港文化係咪利多於弊？

呢個post就嚟完啦，最後小編勸告大家唔好食煙，食嘅話就冇凱婷咁勁，可以連續食兩支煙先？文青、韓仔當道，MK文化係咪已死？各位MK仔女快啲出嚟護航啦！

想知多啲我哋仲有咩辯題？
記得留意我哋嚟緊嘅辯題介紹啦🙌🏻

第一屆海外港人辯論比賽

#讓觀點說話