// 由 7 月預售開始，我地同月餅製造商已經知道有關部門會特別關照，做足預防措拖。但自從 8 月初第一批月餅成功出貨後，遇到嘅打壓就如狂風暴雨地襲來：
（1）餅盒嘅香港生產商，在大陸合作廠房被查封，所有月餅盒被強制銷毀。
（2）月餅製造商被香港多個政府部門巡查，最後更被查封倉庫、多次問話，可能面臨檢控。
（3）其後製造商介紹另一月餅盒生產商，收到恐嚇電話，表示知道佢家庭成員資料，如果出貨俾我地嘅話，後果自負。最終所有尾數無法交付。//

// 感謝同路人支持，令到今年候鳥月餅銷售穩定，尤其寄去外國親友嘅訂單比預期中理想。然而，今年遇到嘅打壓亦都比往年更加厲害。

最近食環署職員頻頻視察如一門巿，其中一位透露佢地全年大約接幾百宗投訴，但今個月有關如一嘅就接咗幾十宗，力道之強，佢從未見過。//

// 我地時常被警告，如一候鳥係走鋼線，隨時會跌入萬丈深淵。我話我知道，不過為咗陪住裡面嘅人，再幼嘅鋼線都會盡力而為。然後今日有個熟客同我講：「唔緊要，我會陪住你地，一齊走呢條鋼線。」

再次感謝大家，有你們，真好！//

原文 : fb.com/story.php?story_fbid=527407393279302&id=100080301360357
圖 : @channelchk

#中秋節 #月餅 #候鳥 #在囚支援 #恐嚇電話 #國安治港